الموضوع: توكيل رينو : صفر على عشرة

المشاركة الأصلية كتبت بواسطة aldesha989

كنت وديتها ورشه احسن بدل القرف ده

توكيل رينو سئ بكل المقايس والظاهر في كل مكان ومش اول مره اسمع شكاوى

ده الراجل بتاع قطع الغيار في اسكندريه كنت بشترى منه سير باور لجوز اختى من واحد متخصص رينو وصفهولي بعد ما ادانى السير قالي استنى اتاكد من سعره لحسن يكون اتغير قولتله ماشي وبعدين قاليء سعره ثابت

وبعدين بيقولى توكيل خره عمال يلعب في الاسعار

بيقولي طرمبة المايه بتاعت عربيه من 650 ل950 مره واحده قولتله ده مش توكيل دى شلة حراميه

فعلاً مش كويسين نهائى ورفعوا الأسعار بنسبة تقريباً 40% مرة واحدة
أنا ناوى ماأروحش التوكيل ده تانى وهدور على مركز بره أحسن وأستريح من قرفهم وعلى الأقل العربية بتبقى قدام عينيك وبتعرف أيه اللى أتعمل فيها ، مش زى صيانة الــ 5000 كم مابيتعملش فيها حاجة نهائى وبيكون تضييع وقت على الفاضى

المشاركة الأصلية كتبت بواسطة ahmedelfeky

انا عندي سؤال هو المفروض بقيه فروع التوكيل بيغسلوا العربيه ولا لا ؟

بالنسبه لحته صيانه ال 5000 ده حقيقي حاسس انها اشتغاله

انا عربيتي في فرع العبور دلوقتي بتعمل سمكره ودهان قالولي شهرين في تغيير اكصدام خلفي ورد مكان الاستبن !!!!!!!

كل الفروع وكل التوكيلات بيغسلوا العربية بعد الصيانة ، وتوكيل العبور بيغسل بس ممكن عربية آه وعشرة لأ ، تحس أنه فرع مهمل شوية
بالنسبة للصيانة البينية يعنى الخمسات 5 ، 15، 25 ناس كتير فعلاً حسوا أنها إشتغالة وأنا أولهم ، طبعاً صيانة من غير فلوس يبقى مش هيعمل حاجة نهائى أكتر من تزويد مياه التبريد ( بس لو بتشتكى من حاجة يبقى بتزنقه وغصب عنه يعملها ألا لومش محترم مش هيعملها ويخليها لليانة اللى بعديها أم فلوس)
حرام عليك ياراجل شهرين فى تغيير إكصدام وردمكان الأستبن كنت تعملها بره أحسن من العطلة دى وعلى فكرة برضه شغلهم وحش فى السمكرة
بجد توكيل وحش جداً جداً ، أنا كنت بفكر أتعامل مع السبع أو مركز خالد عمارة وربنا يسهل

طيب اسمعوا منى وجهة نظرى انا صياناتى فى العبور فيى هناك المهندس امجد فى الاستقبال جدع و محترم جدا دى حاجة تانى حاجة انا متفق معاك على رفع السعر شوية بس فى المقابل لو حصل اى حاجة فى العربية معاك ضمان
هتقولى الضمان خلص اقولك لو انا برا وفرت كل مرة 300 جنيه انا اتقطع شريط الايرباج بعد الضمان ما خلص و رحت و غيروه ببلاش تمنه 1700 جنيه ادى يا سيدى الللى وفرتهم لو عملت صياناتى برا رجعلى تانى بس انت اهدى و حاول زى ما بنعمل مع اى توكيل تهاودهم و تكلمهم بهدوء و لو لقيت انهم زودها اشتكى لمدير المركز منفعش اشتكيهم برا اللى انا عايز اقوله هما بيبالغوا فى الاسعار يبقى خد حقك لاخر قطرة متشبوش

[QUOTE=bedooracle;3875193888]طيب اسمعوا منى وجهة نظرى انا صياناتى فى العبور فيى هناك المهندس امجد فى الاستقبال جدع و محترم جدا /QUOTE]

فعلاً المهندس أمجد ده محترم جداً وشكله باين أنه أبن ناس ، ولكن للأسف كل لما بروح مش بلاقيه فى الأستقبال تقريباً بيكون شغال فى الورشة جوه
بس بجد محترم جداً مش زى الأشكال التانية اللى قابلتها والعنطزة الكدابة اللى فيهم !
بس بفكر جدياً أنى أروح مركزمعتمد بعيد عن التوكيل ، رأيك أيه ؟