الموضوع: ايهما افضل في نقل الحركة Automatic or Manual

المشاركة الأصلية كتبت بواسطة فادى

بالطبع النظام اليدوى, أفضل للسيارة و السائق معا, الأوتوماتيك هو اختراع امريكى فاشل فى الأربيعينات و
- عدم السيطرة على محرك السيارة و توقيت الانتقال بين النسب مما يتسبب فى الضجر و فى أخطاء تقديرية قد ينجم عنها حوادث (مثلا عدم قدرة السيارات الألية على التجاوب السريع فى حالة القيام بمناورة سريعة لتفادى حادثة ما), لذا فانه أقل أمانا.
.
.

بعد اذنك ارجو شرح هو احسن له للقائد والسياره
و شرح
(مثلا عدم قدرة السيارات الألية على التجاوب السريع فى حالة القيام بمناورة سريعة لتفادى حادثة ما)
لانى مش فاهم قصدك ايه
وشكرااا

المشاركة الأصلية كتبت بواسطة فادى

بالطبع النظام اليدوى, أفضل للسيارة و السائق معا, الأوتوماتيك هو اختراع امريكى فاشل فى الأربيعينات و انتشاره و الاقبال عليه ظاهرة عجيبة رغم كل عيوبه التى منها :
- بطىء فى التسارع و فى الانتقال من نسبة لأخرى.
- مشاكل كثيره و صعوبة الصيانة.
- عدم السيطرة على محرك السيارة و توقيت الانتقال بين النسب مما يتسبب فى الضجر و فى أخطاء تقديرية قد ينجم عنها حوادث (مثلا عدم قدرة السيارات الألية على التجاوب السريع فى حالة القيام بمناورة سريعة لتفادى حادثة ما), لذا فانه أقل أمانا.
أما مميزاته فتنحصر فقط فى سهولة القيادة.
و ينتشر الأوتوماتيك بشكل أساسى فى الولايات المتحدة نظرا لوجود عدد كبير من الطرق السريعة و المحركات الكبيرة الحجم التى تعوض الى حد ما مشاكل علبة التروس الألية, مما يبرر استخدامه لأنه لا حاجة للانتقال السريع بين النسب فى الطرق السريعة, و يقل انتشاره فى مصر, و لكنه بدأ أخيرا فى الانتشار بسبب الهجمة الخليجية التى نجحت الى حد كبير فى تغيير الذوق المصرى فى السيارات.

متهيألي انه بيقول ان العربيات الامريكاني فاشله وليست لها القدره على التجاوب السريع فى حالة القيام بمناورة سريعة لتفادى حادثة ما
:cuss::cuss::cuss::cuss::cuss::cuss::cuss::cuss::c uss::cuss::cuss::cuss::cuss::cuss::cuss::cuss:

الرأي عندي هو
الجير العادي اوفر في استهلاك البنزين واحسن في التسارع
وما عدا ذلك يتساوي الاثنين مع ميزة ان الاوتوماتك اريح في القياده

الكلام ده ينطبق على اتوماتيك الثمانينات و اوائل التسعينيات فقط بس الان تساوى كلا منهم الا فى الوزن و حاجة الاتوماتيك للتبريد (الزيت) و استهلاك البنزين و ان كانت تختلف باختلاف السائق و طبعا الصيانة و هى دى نقطة الفصل فى الموضوع انما الاداء قريب جدا من بعضه بفضل عائلة الترونيك كلها (تيب-ستيب-ايزى) اينفيكس 1 و 2

المشاركة الأصلية كتبت بواسطة فادى

السيكونشال أو علبة التروس الذكية اللى حضرتك بتتكلم عنها بتعتبر علبة أقرب للمانيوال منها للأوتوماتيك, فى تركيبها و بنيتها, لكن النقل بيتم بطريقة ألية و ده الفرق الوحيد, لكن يتفوق المانيوال برضو لأن هذه العلب ماتزال تعانى من بعض المشاكل كما أنها لا تعطيك القدرة على التحكم فى اسطوانة القابض الفاصل, و المانيوال العادى مازال أسرع و أفضل, و هذه العلب لا تؤدى بشكل جيد الا فى السيارات الفارهة مثل الألفاروميو و الفيرارى و البى ام فى و اللمبرجينى.

عدم القدرة على التجاوب السريع معناها مثلا, لو انا عايز أخطف الشارع بالعرض مثلا عشان ألف من الجهة المقابلة, فى المانيوال بنقل على الأول مثلا و انطلق بأقصى سرعة و مش هسيب الأولانى قبل ما أوصل للفة المنشودة, أما فى الأوتوماتيك, فسوف أفاجىء فى النص انو الفتيس بينقل و يعطلنى ثانية و لا اتنين يكون الشارع كله دخل فى باب العربية,
مثال أخر, لو انا فى سكة سفر, و حاولت أتجاوز سيارة و لاقيت سيارة فى الجهة المقابلة, هسقط نقلة و ادوس عليها لحد ما اعدى قبل السيارة الى جاية فى الجهة المقابلة, فى الأوتوماتيك هعمل كيك داون ماشى, لكن ايه اللى يضمنلى انو الفتيس ميعطلنيش لحد ما العربية اللى فى وشى تيجى تخرشمنى؟!

الكلام اللى حضرتك بتقوله ده قديم شوية، حكاية تجيب الاول و تثبت عليه ده حيخنقك انت و العربية و مش هتوصل بسرعة و لا حاجة، الاتوماتيك فى الحالات المفاجئة بيشيل عنك عبء التفكير، دوس و امشى، مش لسه تقعد تدوس دبرياج وتنقل وقصه بتأخد و قت كتيير تكون اتخرشمت فعلا،

الفيتيسات الاتوماتيك اللى شفتها و خصوصا الCVT ادائها احسن من المانيوال بكتيير فى الطلعة، لانه وقت النقل ( خصوصا من الاول للتانى) بيبقى فى كسور من الثانية، والعربية بتجمع سرعتها بسهولة على الترس التانى، حاجة مش ممكن تعملها فى المانيوال، عقبال انت ما تدوس و تحرك ايدك و ترفع رجلك عشان تنقل للتانى يكون الراجل بتاع الاتوماتيك سافر. الكلام ده عن تجربة مش فتى.

طبعا فى النهاية ممكن يكون فيه فتيسات اتوماتيك وحشة، لكن بشكل عام، لو الفتيس الاتوماتيك محترم، يبقى احسن بمراحل من المانيوال.