انا نويت اشتري نوكيا n8 اللي هو دا
Nokia N8 - Full phone specifications
ياترى ايه مميزاته انا عاجباني اوي كاميرته 12 ميجا بكسل وهل تقبل برامج الاندرويد
؟؟؟
مستني ارائكم
عرض للطباعة
انا نويت اشتري نوكيا n8 اللي هو دا
Nokia N8 - Full phone specifications
ياترى ايه مميزاته انا عاجباني اوي كاميرته 12 ميجا بكسل وهل تقبل برامج الاندرويد
؟؟؟
مستني ارائكم
مفيش منه جديد تقريبا
لايمكن تشغيل تطبيقات الاندرويد على جميع هواتف نوكيا والتى تعمل بنظام اخرى مثل سبمبيان بيلى وسمبيان انا وويندوز
هات حتة جلاكسى s2 او ace3 احسن منه بكتير
من 4 او 5 شهور كنت سئلت علية من باب الفضول كان موجود بـــ 2250 LE ومستعمل فى حدود 1400 لغاية 1650 LE و زى مالأخوة ماوضحوا مالوش علاقة بالأندرويد !!
وتقريبا كدة محدش بقى بيشترى نوكيــــــا *كاسمارت فون* اللى منتشر حاليا الأندرويد والــــ ios .. وN8 معايا وكنت جايبة اول مانزل ومن ساعتها مغيرتش والحمدلله شغال تمام والطلعة اللى جاية اندرويد بأذن الله ..
ككاميره مفيش في حلاوته لكن الباقي انسى...
كاميرا طالعلها موبايل. مفيش كاميرا زيه ومش بس عشان 12 ميجا بس عشان فلاش زينون وعدسات كارل زيس. حتى كاميرا ال Galaxy S4 مش بتبقى زيه. في المقابل مش هتنزل برامج ولا ألعاب لأن برامج السمبيان محدوده جدا.
كلامي عن امتلاكه من حجزه قبل ما ينزل في اكتوبر 2010 تقريبا لحد شهرين فاتو ودلوقتي مع مراتي.
من تجربتى للجهاز لانو معايا من اول لما نزل ولا زال لاني مش لاقي موبايل تاني يملى عينى بصراحة .
الجهاز كنت مستنية بفارغ الصبر انو ينزل بس للاسف طلع مخيب للامال و الى بعدة اللوميا طلع اخيب منه لانه بيستعمل ويندوز 8 لكن فى العموم هو جهاز جميل فية مميزات منزلتش فى اي موبيل حديث واليك العيوب والمميزات
العيوب :
- سعات بيهنج لو فيه تطبيقات كتيرة لان البروسور ضعيف نسبيا على امكانيات الجهاز .
- الالعاب المجانية الحلوة قليلة و المتجر قوي بس مش حلو مع ان فية تطبيقات كتيرة مجانية بس مش قد المستوى تحس انك بتلعب اتاري مع ان فية لعبة نيد فور اسبيد كانت روعة اول لما نزل والباقي بفلوس.
- مفهوش كشاف ليل او كشاف فيديو يعنى لو بتصور فى الضلمة حتبقى مشكلة .
- مفهوش خاصية مانع الاهتزاز فى التصوير .
- لو وصلت الجهاز بالشاحن لما تجي تدوس زرار فى السوفت وير لا يستجيب احيانا.
- التصفح بالانترنت لازم تفضى الكاش والا هيهنج .
- لا يعمل على نظام اندرويد ومعظم التطبيقات الحديثة معتمدة على الاندرويد .
المميزات :
- الكاميرا 12 ميجا بيكسل وضوح كامل خصوصا عن التقريب .
- من احلى شاشات اللمس الى نزلت .
- امكانية التوصيل على الكمبيوتر واير لس و كابل ومن احسن التطبيقات على الكمبيوتر للموبايل.
- يعمل كراوتر انترنت .
- البطارية عمرها طويل وبتقعد لساعات كتيرة ممكن تسمع اغاني 55 ساعة متواصلة .
- راديوا محترم جدا حديث وبحث الى .
- امكانية التوصيل يو اس بي من فلاشة عن طريق كيبل .
- كميرتين .
التوصيل على شاشة الكمبيوتر اتش دي كيبل .
- الصوت واضح جدا .
- التوصيل على سماعات صب لان الجاك عادي.
- الجي بي اس مجاني حتى لو محطتش الشريحة ومن اقوى برامج الملاحة في السوق .
- زينون تصوير .
- جهاز يستحمل الصدمات مش زي السامسونج الجلاكسي والاي فون .
- البرامج مجانية ولا تحتاج الى كراك مثل الاي فون .
- الذاكرة الداخلية 16 جيجا يعتبر ممتاز جدا .
- امكانية تزويد الذاكرة الخارجية .
- خاصية الحفظ الاحطياطي على الجهاز و الكمبيوتر .
- امكانية البث على راديوا العربية او البيت .
وتقبل تحياتي
الي بيشكر في كاميرا ال ان8 يبقى مجربوش هيا جيده لاكن حاليا بالمقارنه بفئات تانيه فيه احسن منها
والموبايل بيهنج كتير جدا وكان بيعمل ريستارت لوحده (حتظهر بعد مدة كبير للأستخدام)
زائد ان مفهاش led وده مهم للفيديو جدا وبينفع كشاف كمان سعات D:
النوكيا حاليا يستخدم لحاجه واحده فقط لا غير وديه اهم ميزه فيه ولو حد عايز يشيل نوكيا
يجيب حاجه من الاتنين نوكيا 808 او نوكيا 1020 الي لسى حينزل
حيستفيد بحاجتين مهمين مش موجودين اوي في موبيلات كتير
اولهم الكاميرا
وتانيهم الخرايط ovi maps وديه مجانا تمااااااااااااااااااااااا اااااما لا تحتاج نت ولا اي حاجه
الف شكر لكل الاخوه اللي شاركوا في الموضوع بس بعد قرأت الردود وجدت ان مميزات الموبايل اكتر من عيوبه واعتقد ان اي موبايل في الدنيا كده ومفيش حاجه كامله بس انا استعمالي ليه هيكون نت اكتر من اي حاجه تانيه ماليش انا في البرامج والالعاب اوي غالبا تصوير ونت وافلام وثائقيه وكورسات فيديو هحملها عليها واسمعها وانا قاعد فاضي في الشغل بجانب ان الموبايل شكله شيك وانيق
بس هو يعني نظامه ايه في النت يعني ؟؟.. انا جايب خط نت لوحدي ومش مطلع وصلات وبفكر اشتري راوتر لاسلكي واربط الموبايل بيه وادخل نت من اي مكان في البلد
ياترى الموبايل دا كويس في النت ولا اي كلام ؟؟؟
اي كلام .
لو حضرتك عايز جي بي اس خرايط و تخزين وتصوير كنت رشحتهولك
بص طلما انت عايز انترنت سيبك منه وخدلك سامسونج اس 3 او اي فون 4 اس وكمان التخزين علية كويس هو سعرو حراق شوية بس يستاهل انا عن نفسي عجبني فى الانترنت وجربتوا بنفسي السامسونج نوت 2 وفيه حاليا نوت 3 بس غالي حبتين
بص هوه كموبايل ممتاز وحمار شغل بس
انما بقا لو بدور علي التطبيقات والشغل الجامد هات جلاكسي s3 حكاية معايا ال2 ومجربهم بس في فرق شاسع بينهم الحاجة الوحيدة الميز ة النوكيا جامد ويستحمل ( استعمال الصعايدة ههههه مع الاحترام ليهم )
ال n8 كان معايا بص هو حاليا هتستفيد من كاميرته و خرائط الملاحه عشان ببلاش
لكن جميع تطبيقات الاندرويد مش شغاله عليه يبقى ايه الازمه ؟
هو كاستخدام نت كويس و احدث تحديث تقدر تعمله هو نوكيا بيل ريفرش هو سريع مش بيحسسك ان ده بروسيسور 680 ورامه 256 بس لو زودت عليه استخدام و تطبيقات هيهنج و هيقرفك و مفيش اى تحديث جى ولا اى تطبيقات هتنزله تانى طيب ليه ؟ ببساطه عشان الويندز ده خلاص مات مفيش غير 4-5 موبايلات بتستخدمه انصح حضرتك بشده ب Samsung I9070 Galaxy S Advance - Full phone specifications فى رينج سعر ال n8 اغلى حوالى 200 جنيه بس بروسيسور دوال كور 1 جيجا و رامات 768 و نت اسرع و ويندز اندرويد و ده كفايه لوحده - بطاريه اقوى - شاشه اكبر 4.0 انش - ميزه ال n8 الوحيده الكاااااامير
طيب رايك ايه في التابلت دا ؟
كيو تاب تابلت (16 جيجابايت, 8 إنش, رباعي النواة, آندرويد 4.2.2, 1 جيجابايت DDR3, واي فاي, كاميرا مزدوجة, أسود
دخل دماغي وسعره يزيد عن ال n8 بحوالي 100 جنيه
فعلاً الكاميرا مش وهمية عشان أسمها 12 ميجا.
فيه كاميرات 5 و 8 ميجا زي بتاعت الأيفون الصور اللي بتطلع منه أولاً ثابته عن بتاعت النوكيا اللي دايما مهزوزة ووحشة جداً في الفلاش,
وكمان ألوان كاميرات الأيفون أحلي بكتير وأنقي من n8 وهيا نص الريزليوشن.
دا غير أنو بيهنج كتير جداً وتقيل في الأستخدام, والكتابة التاتش عليه صعبة جداً مقارنة بالأيفون أو بالجلاكسي.
الكيبورد بتاعته صغيرة جداً.
n8 ملك التصوير الثابت بلا منازع مش عشان 12 ميجا ولكن بسبب عدسات كارل زيس وكان معايا 3 سنين بعد امتلاك الملك السابق n82 اللي كان كارل زيس برضه وأتحدى أي موبايل يصور صوره احسن منهم خصوصا بالليل عشان الفلاش الزينون. عندي صور متصوره في ضلمه 100% (والنور قاطع) ومستحيل تصدق انها كانت متصوره في الضلمه.
الايفون يتفوق اكتر في الفيديو شويه بسبب الريسوليوشن الاعلى والفلاش انما فلاش ال n8 عشان زينون مش بيشتغل مستمر يعني الفيديو بدون فلاش.
ال n8 باختصار كاميرا فيها تليفون.
بلاااااااش نوكيا ، هات ايفون 4 - 4 اس ،، او جالاكسي اس 2
لاء الفكره ان الموبايل في جيبك على طول تطلعه في اوي وقت وتصور انما كاميرا + موبايل معناها لازم قبل ما تطلع من البيت تكون ناوي على التصوير. بس N8 كموبايل النهارده لاء مش الموبايل اللي هوه لأن السمبيان مات حتى ال Belle refresh ويمكن الحسنه الوحيده اللي باقيه في السوفتوير بتاعه النافيجيشن بالصوت العربي ومجاني بدون نت. صفقه رابحه بصراحه كا كاميرا + gps .
والمهم ما يكونش صيني ابداااااااا
متستعجلش كل حاجه وليها اوانها. انا اول موبايل جبته كان اريكسون T18
http://grantalias.files.wordpress.co...b3c18d0001.jpg
. زي الزفت وبيبوظ بعد سنة الضمان بشهر وتروح التوكيل يقلك لازم نغير البوردة بثمن التليفون الجديد
تليفون فاشل ومع زميل لي ايضا اعطال غريبة
كيو تاب مجربتوش صراحة مقدرش افتي بس تكنولوجيا الانترنت اتحسنت فى جلاكسي اس 3 والاي فون 4 . بينما جلاكسي 4 واي فون 5 بيستعملوا الجيل الرابع والتصفح فيهم محسن اكتر. وعلشان تستمتع بالانترنت جيب حاجة محترمة وما تندمش. لو تقدر تصبر وتحوش هات جلاكسي نوت 2 حيفيدك جدا فى محاضراتك و كورساتك وممكن تلاقي منه مستعمل لانه بقالوا فترة نازل ونوت 3 نزل خلاص
من الاخر كل الشغل ده كلام مش قد كده هات سامسونج s2 مستعمل هيكون فى حدود 1500 تقريبا
http://www.gsmarena.com/samsung_i910..._s_ii-3621.php
و طبعا امكانياته اعلى بكثير من ال n8 بس اهم حاجه تجيبه حاله نضيفه
ايه رايك في التاب دا ؟
Dell Streak 7 for T-Mobile USA 4G Android Froyo Tablet with Dell Stage UI - YouTube
اعتقد جامد
الاسطورة حيفضل اسطورة دية صورة لسه مصورها دلوقت ومصغرها كمان يعنى الدقة قلت رد بس على الى بيطعن في موبايل n8
http://www.m5zn.com/newuploads/2013/...ce4099b6ff.jpg
الى في الصورة اسمو نخنوخ بالمناسبة
تحياتي