العربية بتعمل صوت كركرة في الغيار الاول

**khaledassem** · 20-09-2013 01:16 AM

معايا ياريس ٢٠٠٩ مانويال، امبارح علي الطريق السريع علي الساحل اضطريت املا بنزين من اقرب بنزينه، تاني يوم لاحظت ان العربية علي الغيار الاول بحتاج اني اضغط ينزيت اكتر وغير كده بتعمل صوت كركرة وممكن تقف مني، اوقات بضطر اطفي التكييف علشان اتفادي موضوع الكركرة ده، لكن بمجرد ما اعدي الغيار الاول اداء العربية بيكون طبيعي،
ايه رايكم، ؟

**Ahmed Amin** · 20-09-2013 07:02 AM

ممكن بنزين, لو حصل الموضوع بعد التفويلة علي طول, بس مش شرط بنزين,
ممكن كمان تكون قواعد ماتور لو بتحصل مع تشغيل التكييف وكويسة معاك من غير التكيف,
وممكن أخر حاجة تكون أسطوانة دبرياج لو وحشة معاك في الطلعة علي الغيار الأول وفيه رجة, وباقي الغيارات كويسة ومفيش مشاكل مع التكييف.

**saddam** · 20-09-2013 11:45 AM

صديقي المواطن
الرأي أن اﻷوكتين في البنزين اللي حطيته منخفض زي ميكون مخلوط في بنزين 80 والصح إنك تمون عاﻵخر بنزين 92 وقبل ميوصل التانك للنص ترجع تمون تاتي من بنزينات معروفة والموضوع حينتهي عندك ودمتم للنضال

**Ahmed Amin** · 20-09-2013 01:46 PM

زي ما أستاذ saddam قالك كدا دا حل,,
ولو عربيتك مغيرتش فلتر بنزين بقالها سنة, غيرة زيادة نضافة, لأن أكيد الفلتر شال بلاوي,, وممكن يكون بقي أسوء من أخر مرة حطيت فيها بنزين وكان البنزين وحش وحصلت المشكلة دي.
عشان ممكن البنزين يكون فيه شوائب وسلد الفلتر غير موضوع إن الأوكتان أقل أو مخلوط.

وبعد ما تغير الفلتر ممكن تجيب منظف دورة البنزين دا بيحسن الدورة عموماً, بس الفرق مش هيبقي وهمي.
هينضف الرشاشات ويعلي أوكتان البنزين شوية لو كان مخلوط لك بنزين 80 علي 92 مثلاً

دا اللي بيعلي الأوكتان بس, لو أتحط لك بنزين 80 أكتر من نص التاتك.موجود في معظم البنزينات النضيفة

ودا منظف للرشاشات فقط.

دا بقي بتاع كله,, بس لو حبيت تستخدمة لازم تغير فلتر البنزين الأول,
والأ هياخد كل الوساخة اللي في الفلتر القديم والجديد ويبعتهم عال رشاشات..
ولو غيرت فلتر وفولت مرتين 92 والمشكلة راحت, مالوش لازمة تجيبة,, والأستعمال بتاعه بيتفرغ العلبة كلها علي تفويلة كاملة مش نص تفويلة.