الموضوع: عايز اغير زيت موبيل .تنصحونى بايه ؟؟ (504)

هيا القصة مش أني عاجبني زادو ولا مش عاجبني,,
أنا مكنتش أعرف حاجة عنه غير من أعلانة هنا علي نايل موتورز, من صفحتة عال فيس بوك.
الناس اللي جربته في ناس قالت هتعمل عنه تقرير ولسه معملتش, وفي ناس قالت أنو مش كويس,
هتلاقي دي تجربة واحدة جربة وقال مش كويس, وفيه تعليق عجبني جداً وأنا بأييدة في تاني صفحة أنصحك تقرأة.
http://www.nilemotors.net/Nile/37659...post3875170189

بالنسبة للموضوع أنا كنت متوقع إن كريم هيقولك ويرشح لك زادو, لان دلوقتي كل شغل التسويق عليه علي أنه فيه تكنولوجيها بترمم المحرك,,
ومع إني مش مقتنع بالكلام دا لانه لو حقيقي كان الزيت هيسمع في كل حتة في الدنيا,
ومش هنلاقي أفراد هيا اللي عمالة تقول فيه شعر, عشان تسوق له,, ومفيش شركات عربيات كبيرة بتنصح بيه ينحط لعربياتها مثلاً.
وأدينا مستنين أهو نشوف تجارب وأراء باقي الناس اللي جربت.

عندك مثال تاني لشركات زيوت أوروبية زي فالفولين وليكوي مولي,,
برضه أتعمل نفس الضجة عليهم ونفس الدعاية اللي معمولة علي زادو دلوقتي وزيت ولف من فترة,,
وقالك ألماني والألمان مبيهزروش ومش عارف أيه, وبعديها الناس اللي جربته قالت عليه زي الزفت, معدل البخر بتعاه عالي جداً
التخليقي فيه اللي مفروض يعد أكتر من 10 الأف مكنش بيكمل ال 6 وال 7 وبيكون بخر الربع للتلت,, ودا رقم كبير علي موتور جديد ومينفعش الواحد يحط زيت في عربيتة بالسوء دا.

عشان كدا زيت شيل أنا بطمن له أكتر, شركة كبيرة وليها سمعتها ومعاملها في كل حتة في العالم,
وفي مصر جودتها أحسن من موبيل,, وأحنا بنستعمله بقالنا 15 سنة أهو من أيام ال 505 وزي الفل
أستخدمت منه الأحمر لل 505 والأصفر للانسر والرصاصي لل 307 والتلاتة مخيبوش ظني زي باقي الزيوت اللي جربتها معاهم.