رشاشات!!!!

**minagold** · 08-09-2008 07:33 PM

كنت من فترة عملت موضوع عن مشكلة فى العربية عندى هى نوبيرا ان العربية مابتعديش ال 140 و ناس كتير هنا فادونى عن المشكلة بس فى الاخر الميكانيكى انهاردة فك الرشاشات و جرب فيها حاجة قدامى انو طلعهم و دور سنه بسيط و الرشاشات كانت بتبخ بنزين جامد و قالى دة غلط المفروض انها تطلع رذاذ بسيط و دى بتبخ البنزين جامد و محتاجة تتغير ... مع العلم دى رشاشات ال BMW و جبتها من 3 شهور و كانت عاملة 200 جنية و الميكانيكى دة قالى انه بيجيب الرشاشات دى بس ب 400 جنية و انا حاسس ان السعر دة عالى بس مش عارف اية الحل دلوقت اغيرهم تانى ولا اعمل اية :(

انا عايز اخد رائيكو فى اللى قالة عن الرشاشات دة صح ولا غلط و لو مشيت على كلامة السعر دة عالى ولا معقول؟؟
معلش طولت عليكو

**morabet79** · 08-09-2008 07:47 PM

اضيف استفسار بسيط لو سمحتم

مشكله رشاشات الدايو موجوده في التقفيل المصري بس ولا الأستيراد كمان؟

**Hossam_Hassan** · 08-09-2008 10:46 PM

انا شايف انك تروح تكشف على العربية بالسكانر و تشوف كفاءة الرشاشات

**MMamdouh** · 09-09-2008 12:45 AM

المشاركة الأصلية كتبت بواسطة minagold

كنت من فترة عملت موضوع عن مشكلة فى العربية عندى هى نوبيرا ان العربية مابتعديش ال 140 و ناس كتير هنا فادونى عن المشكلة بس فى الاخر الميكانيكى انهاردة فك الرشاشات و جرب فيها حاجة قدامى انو طلعهم و دور سنه بسيط و الرشاشات كانت بتبخ بنزين جامد و قالى دة غلط المفروض انها تطلع رذاذ بسيط و دى بتبخ البنزين جامد و محتاجة تتغير ... مع العلم دى رشاشات ال BMW و جبتها من 3 شهور و كانت عاملة 200 جنية و الميكانيكى دة قالى انه بيجيب الرشاشات دى بس ب 400 جنية و انا حاسس ان السعر دة عالى بس مش عارف اية الحل دلوقت اغيرهم تانى ولا اعمل اية :(

انا عايز اخد رائيكو فى اللى قالة عن الرشاشات دة صح ولا غلط و لو مشيت على كلامة السعر دة عالى ولا معقول؟؟
معلش طولت عليكو

الحقيقة دى طريقة جديدة للكشف على الرشاشات اول مرة اسمعهه... الكشف على معدل سريان الرشاش بالنظر

الموضوع ميتقاسش كدة خالص... و ممكن اوى الرشاش البوش يبقى الspray pattern بتاعة مختلف عن بتاع الGM و اكاد اجزم بدة لان الفونية فى الرشاشاين مختلفة تماما بالتالى طبيعى جدا شكل البخة يبقى مختلف

400 جنية لييييييييييييييييه؟؟ الرشاشات على قفا مين يشيل فى الحرفيين ب 200 جنية و انت بنفسك مجرب... احترس من الاشتغالات

زى ما قالك حسام... روح لحد عندة سكانر يقيس زمن فتح الرشاشات عشان تتطمن

MMamdouh

**MMamdouh** · 09-09-2008 12:13 PM

ممكن اوى يكون بيعمل عليك شغل... اصلة مش حيروح الحرفيين و يشترى رشاشات و يرجع و يديك الرشاشات بتمن التكلفة... و ممكن يكون فاهم ان دى رشاشات اكسن و الرشاشات دى بتعمل 350 الى 400 استيراد

زمن فتح الرشاش ملوش علاقة بنوعة... دا له علاقة بمعدل تدفق البنزين فى الرشاش و الموديل دة من الرشاشات البوش معدل سريانة قريب جدا من بتاع اللانوس و مطابق لبتاع النوبيرا و بالتالى زمن الفتح مش حيتغير كتير عن الزمن الطبيعى بالرشاشات الGM

الزمن الطبيعى حسب ما افتكر من كلام محمد السيد هو 1.8

MMamdouh

**MMamdouh** · 09-09-2008 02:31 PM

مش شرط تغيير زمن فتح الرشاشات يبقى عيب رشاشات... ممكن اوى يبقى الرشاش بيفتح ازيد او اقل من اللازم نتيجة مشكلة فى حساس الاكسجين و بالتالى لازم مراجعة كل الحساسات و قرايتها لمعرفة السبب الاساسى للمشكلة

فى الموضوع اللى انا عاملة عن الرشاشات (اللينك بتاعتة فى الموضوع المثبت بتاع "كل ما يهمك عن الدايو") حتلاقى انى كاتب انهى نوع من الرشاشات اللى بيعمل المشاكل و انهى نوع اللى بيعيش بغض النظر عن العربية تجميع مصرى ولا كورى

MMamdouh

**minagold** · 11-09-2008 03:18 AM

انا عملت انهاردة سكان يا جماعة و الجهاز كان بيطلع فى الاول 1.8 بعدها يطلع 2.01 و ينزل 1.4 .. يعنى الزمن مش ثابت و الراجل قالى يبقى لازم تتغير فهل كدة كلامه صح و اغيرهم و امرى لله ولا اعمل اية؟؟؟؟؟؟