عرض للطباعة
السلام عليكم ورحمة الله وبركاتة
الموضوع باختصار الموبينة اتحرقت والحمد لله الميكانيكي غرقني قاللي هات المبينة دي
http://upload.ecvv.com/upload/Produc...8141329238.jpg
ومش عارف اوصلها الرسمة اللى على العلبة مفيهاش المشط الالكتروني
وصلتها عادي نقلت الاسلاك السالب فى السالب
والموجب بالموجب بعد عذاب العربية دارت بس بتترج وصوت الموتور خشن والار بي ام بيهيس
وخايف امشي بيها
اعمل اية ولا الموبينة بتوصل ازاي قبل متضرب فى دماغي والغي المشط واجرب على حسب الرسمة واللى يحصل يحصل
لاحولا ولا قوة الا بالله ربنا معاك والله....اقتباس:
المشاركة الأصلية كتبت بواسطة أحمد جودة
طيب بص ركب الموبينة الجديدة بدون المشط وجرب تدور العربية لو دارت يبقى تمام لو مادرتش ماتخفش مش حيحصل حاجة اكتر من ان العربية مش حتدور....*
اما بالنسبة للرجة والكلام دا دا يتظبط من الاسبرتير ارفع الكهربا شوية وريح الموتور....
ليه سؤال هي مش عربيتك كابرتير برضو....
لو كاربرتير ما تجيب الموبينة الألمونيه اللى زى بتاعتى كدا هى عندك فى الصور اشتريها من عند بتوع الاستيراد وريح دماغك وياعم....
اقتباس:
المشاركة الأصلية كتبت بواسطة sakr1964
اشكرك يا استاذ صبحي على الرد
وعلى فكرة أنا من ساعت معملت الموضوع دخلت وعملت بحث على الموبينة دي والموديل بتاعها
واكتشفت أن الموبينة دي ممتازة جدا وخصوصأ أنها ياباني
بس من خلال القراية حول الموضوع لازم يركب كتاوت وفيوز وكوندينسر يعني يعتبر تعديل فى نظام الاشعال ولو الموضع نجح معايا يعتبر تحول بالنسبة للعربية بتاعتي وبالمناسبة انا كاربيراتير مش انجكشن
هحاول أقرأ تاني فى نفس الموضوع واعرف الكتاوت بيركب ازاي والكوندينسر واعمل تجربة وأن شاء الله تنجح يبقي عدلت على نظام الاشعال وغلبة الموبينة اللى طلعت عين أهلي
ملحوظة الموبينة متحرقتش تماماً اللى حصل اني رحت الشغل بالعربية يوم الخميس وانا من حلوان وشغلي فى مدينة بدر يعني حوالي 200 كيلو رايح جاي الصبح المشوار زي الفل
في العودة الجو كان حر شوية فى نص السكة العربية مفيش سحب وتنتش وتبطل
أركنها شوية وافتح الكبود الموبينة تبرد شوية وامش بيها شوية وهكذا لحد ماروحت البيت
وهووووووب لقيت على السلك الواصل من الموبينة للاسبراتير شحم
نزلت جبت الموبينة دي وركبتها بعد اكتر من محاولة العربية دارت بس فيه خشونة فى صوت الموتور والحرق مش تمام
بعد البحث عرفت ان لازم يركبلها كتاوت وكوندينسر علشان يبقي خرجها تمام
هكمل وان شاء الله هنزل اجيب النواقص واهي تبقي تجربة لو نجحت يبقي عدلنا نظام الاشعال وكسبت راحتي من مشاكل الموبنينة اللى عذبتي
أما لو فشلت يبقي بجملة الخساير بس أنا متفائل خير
على فكرة يا جماعة انهاردة بس أتأكد من حاجة (((( الصنايعية ( ميكانيكي .... كهربائي ) أغلبهم بقر بعد إعتذاري للبقر 2 ميكانيكية و 3 كهربائية محدش فاهم حاجة
معلش طولت فى المشاركة بس انا دمي محروق بسبب بهدلتي من العربية وتخلف البقر اللى شوفتهم اليوم
ياخى حرام عليك والله تظلم البقر مهما كان البقر بنشرب منها لبن وناكل منها الجبن والذبدة يعنى بنستفيد منهم اما الميكانيكيه ربنا يهدى العاصى....اقتباس:
المشاركة الأصلية كتبت بواسطة أحمد جودة
اقتباس:
المشاركة الأصلية كتبت بواسطة sakr1964
والله عندك حق وبالنسبة للدلوعة بتاعتي قررت أغدر بيها لو ماتعدلتش
هديها مهلة 3 أيام ياعدلت نظام الاشعال وقضيت تماما على مشكلتي اللى منغصة عليا مشاويري
يا إما هلزق على قفاها للبيع واشوف عروسة تانية واسيبها لصاحب نصيبها
هتبيعها فالاخر وتهون عليك طيب ليه متجيبش موبينة تشيكى اصلى مع المشط الالكترونى وتريح دماغك بدل شغل التعديلات والمصاريف اللى بتصرفها
في منتدي تاني كان واحد بيركب نفس الموبينه وشغاله تمام
بس انا مش عارف ينفع احط اللينك بتاع المنتدي هنا ولا قوانين المنتدي هنا لا تسمح ؟؟
يااستاذ جودة هات الموبينة الالمونيا بتاعتها والمشط الاصلى بتاعها
كمان عندى سؤال لحضرتك هو الاسبراتير الى عندك نوعة اية الاصلى ولا الصينى ؟ لو الصينى يبقى ممكن يكون هو الى بيسببلك المشاكل مع الموبينة والمشط
طالما البوبينة بتتحرق باستمرار ده مش عيب فى البوبينة نفسها انصحك تراجع شحن الدينامو وتراجع اطراف الأرضى للعربية والموتور لان حرق البوبينة ده ناتج عن تذبذب الفولت الداخل ليها سواء من طبلة الكونتاك او المشط الالكترونى الحل؟
تركب اسبراتير ومشط وبوبينة اصلى استعمال
ده طبعا بعد التاكد من سلامة كهربة العربية وشحن الدينامو وطبلة الكونتاك اللى بتغزى الطرف ال + للبوبينة !!
اقتباس:
المشاركة الأصلية كتبت بواسطة المنسي
ههههههه يا أستاذ منسي أنا بفضفض هوة أنا اقدر أستغني عنها مع أنها مطلعه عيني بس والله مش قادر أفرط فيها كل اللى يشوفها يشكر فيها وأخرها بتاع ظبط الزوايا والترصيص قاللي عربيتك الشاسية بتاعها مسطرة ونضيف الله أكبر وزي مانتا شايف مشاكلها فى الحواشي الكهربائية بعيد عن الموتور والاساسيات .
المهم الحمد لله المشكلة اتحلت امبارح إزاي
بعد ماروحت كان المفروض أروح للدكتور بتاع السنان فقررت تاجيل الميعاد علشان اشوف العربية
بعد ما أكلت فتحت شوية موضوعات عن نظام الاشعال وبعد قرأة متأنية الحمد لله فهمت منظومة الحريق بالكامل
توكلت على الله ونزلت علق البلادوسة وقررت أول حاجة أعملها أركب شاكوش الاسبراتير مرة تانية علشان لما روحت للميكانيكي قاللي المشكلة من الشاكوش وخلعة وركب شاكوش تاني من اسبراتير معايا فى العربية احتياطي (( تشيكي بردو )) وبعد كدة قولت أصنفر سلك الموبينة لانه كان عليه شحم وأراجع على أطراف التوصيل بتاعت الموببينة والمشط علشان الترامل تبقي كويسة ومتوصلة كويس علشان متهربش أو متفصلش كهربا
وبعد كدة فكيت المشط الالكتروني التركي وقولت أركب المشط التشيكي اللى هوة دة
http://www13.0zz0.com/2013/08/21/06/917360093.jpg
http://www13.0zz0.com/2013/08/21/06/586495135.jpg
وبعدين توكلت على الله ودورت العربية :018A1D~146::018A1D~146:
لا حول ولا قوة إلا بالله العربية درات من أول تكة وصوت الموتور بقي ناعم ومفيش خشونة والحريق تمام وحسيت ان صوت الموتور بقي أنعم
واضح كدة العفريت اللى عليها مكنش حاضر
فضلت مدورها حوالي ساعة والعربية تمام قولت أطلع اجرب في المشي ....... مشيت لاخر المنطقة ورجعت والعربية تمام التمام
اية اللى حصل مش عارف جايز والله اعلم مثلا بعد ماصنفرت السلك اللى بيوصل من الموبينة للاسبراتير الشحم والتراب كان مأثر على كفاة الشرارة مثلا أو ترامل المشط والموبينة كنو مهزوزين أو المشط التركي لابسة عفريت
المهم إن شاء الله أنهاردة هروح مشوار دكتور الاسنان فى المعادي وتبقي فرصة العربية تمشيلها بتاع 40 كيلو رايح جاي واشوف النتيجة
وبعد كدة بفكر أجرب المشط التركي يمكن كانت المشكلة منه
وبالمناسبة انا الاسبراتير عندي تشيكي ومعايا واحد اسبير فى الشنطة تشيكي بردو
بقي عندي دلوقتي مشطين إلكتروني إحتياطي واحد تركي وواحد تشيكي غير اللى راكب حاليا تشيكي بردو وطلمبة بنزين كهربا وطقم بوجيهات واسلاك بوجيهات وبالنسبة للموبينة الملعونة القديمة سبب المشكة وبما أني زبون الراجل بتاع قطع الغيار أتفق معايا أنه يأ إما يغيرلي الموبينة بواحدة تانبة أو أخد من عندة بضاعة بما يوزاي ثمن الموبينة ((( 195 جنية ))) طلع والله راجل محترم علشان زي ماحضراتكم عارفين حاجات الكهربا مفيش ليها ضمان ولا ينفع تجع بعد ماتتركب
معلش أنا نازل دش ورغي ع الصبح بس علشان أنا فايق أنهاردة علشان عروستي قامت بالسلامة وبقت ألماني .......... حبيت انقل التجربة بالتفصيل يمكن حد يستفيد من اللى حصل
اقتباس:
المشاركة الأصلية كتبت بواسطة aw2100
كلام جميل وزي الفل وعاوز أستفسر منك على حاجة ممكن أركبها مثلا قبل الموبينة على الطرف الموجب تحمي الموبينة لو بالفعل بيحصل تذبذب فى الــ 12 فولت هل ممكن يركب مثلا مكثف أو فيوز قبل الموبينة لو حصل تذبذب تحمي الدايرة
انا المنظومة دلوقتي عندي من المفترض كويسة ( موبينة ياباني - مشط تشيكي - إسبراتير تشيكي - بوجيهات ياباني - سلك بوجيهات اصلي )
منتظر رأي حضرتك وهحاول أقيس التيار اللي رايح للموبينة أشوفة 12 فولت بالظبط ولا فيه مشكلة
النظام عندك كده 10/10 اللى فاضل تراجع كهربة الدينامو واسلاك الارضى للموتور وجسم العربية واطراف البطارية علشان لو فيه صدء فى اى توصيلة من دول بتخلى شحن الدينامو يعلى ويوطى ويعمل تذبذب فى الفولت !!اقتباس:
المشاركة الأصلية كتبت بواسطة أحمد جودة
اقتباس:
المشاركة الأصلية كتبت بواسطة aw2100
أشكرك يا باشا على متابعتك الوضع بقي عندي تمام دلوقتي وهحاول اشوف كهربائي كويس يراجع على الكهربا ككل
رسيت على ايه في الاخر ياعم احمد؟
اقتباس:
المشاركة الأصلية كتبت بواسطة mbx4e
الموبينة اشتغلت تمام وراجعت على الكهربا الداخلة للموبينة تمام
اعتبر اني فى مرحلة التجربة
للاستفادة