السلام عليكم
حد هنا يا جماعه ليه تجربه مع عمليه زراعه الكبد او يعرف حد عملها ..لان والدى حالته متاخره والدكتور طلب منه يعملها بسرعه ... محتاج مساعده ابتدى ازاى فى الموضوع دا او اتكلم مع حد ليه تجربه فى الموضوع دا يفيدنى.
عرض للطباعة
السلام عليكم
حد هنا يا جماعه ليه تجربه مع عمليه زراعه الكبد او يعرف حد عملها ..لان والدى حالته متاخره والدكتور طلب منه يعملها بسرعه ... محتاج مساعده ابتدى ازاى فى الموضوع دا او اتكلم مع حد ليه تجربه فى الموضوع دا يفيدنى.
بتتعمل ف الصين بس طبعا عملية سعرها مش تقل من 80 الف دولار
بننعكل في معهد الكبد في المنوفيه - و غيره - بس للاسف مش عارف الاليه دي ازاي و النتايج مش كلها 100% بس حالات بتنجح برضه
ربنا يشفيهولك شفاء لا يغادر سقما
ربنا يشفيه يارب.
تعالى معهد الكبد القومى بالمنوفية و هنقيم الحالة كويس و هتفعم كل حاجه بالتفصيل و هى فى حدود 250 الف جنيه
اولا ربنا يشفى ولدك
ثانيا انا عاندى نفس المشكلة ولاسف العملية دى فاشلة فى مصر وكان زمان بتتعمل فى الصين بحوالى ما يعادل 2مليون جنية مصرى ولكن الموضوع بتاع الصين بقى صعب دلواتى ولا يوجد حل لاسف وكمان مش اى حد يعمل العملية للانها ليها مقومات زى سن المريض وحالتة الصحية وحاجات تانية كتير ولاسف هتفضل مستسلم للمرض وتمر بمراحلة الى ان يشاء اللى عزوجل .انا اسف انى بقولك كدة بس لانى والدى عاندة نفس المشكلة ولكنة فى المراحل الاخيرة من المرض فانا بفهمك الحقيقة علشان متلفش زى ما احنا لفينا
وربنا يشفية ويشفى كل مريض باذن اللة
كل الكلام اللي اتقال لحضرتك سليم ..بس تعال برضه معهد الكبد و شوف الدكتور الفاضل هايقولك ايه عل التقييم و نسب النجاح
ربنا يمن عليه بالشفاء ان شاء الله
ربنا يشفيه ان شاء الله
الاول شكرا لكل من رد او دعى لوالدى بالشفاء...
بالنسبه للعمليه حضرتك انا دورت شويه لقيت معهد الكبد بالمنوفيه ومستشفى وادى النيل والمكز العالمى والجهاز الهضمى بالمنصوره ودا فيه الدكتور الى متابع حاله الحاج... فى خيارات كتير مش عارف ايه الافضل
اسمع ان مستشفى وادى النيل رعايه احسن مع انها اغلاهم
ومعهد الكبد بتاع شبين الكوم اسمع ان فيه خبرات بس بيشتكى من جو المستشفيات الحكوميه بتاع قله الاهتمام مش عارف الكلام دا صحيح ولا لا
والاهم من كل دا لما سئلت كل المستشفيات الى بتعملها كله بيقولى المتبرع دى مشكلتك
طيب الماديات مقدور عليها ان شاء الله لكن هنجيب متبرع منين؟ مفيش حد من العايله ومش بيقبلوا نجيب متبرع من بره.... نعمل ايه فى الموضوع بتاع المتبرع دا يا جماعه لو حد عنده حل
ربنا يشفى والدك وكل مرضانا ان شاء الله
موضوع الصين فعلا احسن عشان حاجتين
- انها بتوفر زراعه كبد كامل من شخص متوفى حديثا ودا احسن من زراعه فص بس دا مش متاح عندنا لان قوانينا مش بتسمح بالموضوع دا
- بيوفروا الكبد الى هتتزرع للمريض ضمن تكلفه العمليه يعنى بيشيل عنك هم انك تدور على متبرع
بس معرفش ايه نظام السفر والمستشفيات بره لان مفيش تجربه
طيب ايه الى وقف الموضوع عند حضرتك ووصلت لايه فى الموضوع دا تفيدنى بيه
اللى وقف الموضوع عاندى ان صحتة ماتستحملش العملية اصلا لن احنا دلواتى دخلنا فى مرحلة اسمها (برى هباتك كوما ) طبعا دة اسمها بالنجليزى يعنى ما قبل الغيبوبة وهى ان المريض بيخرف وبيقول اى كلام مش موجود فى الواقع ودى المرحلة اللى قبل الاخيرة مع ضعف كبير فى الجسم مع طبعا اجراء بذل للمياة المتجمعة فى البطن وارتفاع فى نسبة الكرياتنين وهى تشير الى ارتفاع نسبة السموم بالجسم وممكن نعمل غسيل كلوى كمان ثم مرحلة الغيبوبة ثم الوفاة .وبالنسبة للصين الوضوع بتعها اعتقد بقى فى مشاكل وقيود مش زى الاول اى حد عايز يروح يزرع كبد بياخد بعضة ويروح ويرجع بس اية هى بظبط مش فاكر بالاضافة الى الارتفاع الكبير فى سعر العملية عن الاول
طيب حضرتك شايف لو فى امل فى العمليه ايه افضل مكان ممكن تتعمل فيه جه مصر؟
ووصلت لايه بالنسبه لتوفير المتبرع؟
انا قولت لحضرتك العملية فاشلة فى مصر
ربنا يشفيه ويشفى كل مريض امين يارب العالمين
ربنا يشفيه و يقومه بالسلامة انا كنت متابع الموضوع ده علشان جوز اختى الله يرحمه و قريت عن موضوع الخلايا الجزعية و انها بتعالج الموضوع بس المشكلة ان موضوعها لسه جديد
أسأل الله العظيم رب العرش العظيم أن يشفيهما وجميع مرضى المسلمين
يا اخواننا محدش يقول بعد الدعاء : ان شاء الله.
انا ام صديقي لسه عاملاها من 6 شهور في عين شمس التخصصي ..وبسم الله ماشاء الله زي الفل دلوقتي ..وال pcr نتائجه حلوه..
اخواته الكبار الاتنين استاف في طب عين شمس ..
فاكيد الدكاتره اللي عملوها ممتازين ..وكانوا واثقين فيهم لدرجة ان يسبوهم يعملوا العمليه ..
ده رقمه كلمه استفسر منه علي اللي انت عايزه
01116053547
اسمه محمود عمر
هو دكتور اسنان
وقوله مهاب اللي اداني رقمك ...
موضوع المتبرع ده متقلقش منه ..اعلان في اي جريده ..هيجيلك ناس بالهبل ..
والدة صديقي ده ..جالها ناس جاهزه بالتحليل بكله ..
أسأل الله العظيم رب العرش العظيم أن يشفيهما وجميع مرضى المسلمين
قلبي معاك
ربنا يشفيه و يقومه بالسلامة.
معلش سؤال بره الموضوع هو حضرتك عملت الموضوع ده فى منتدى رياضى تانى؟
اصلى لمحت موضوع شبه بالظبط فى منتدى كووورة....
يا الله ربنا يشفيهولك يارب هو وكل مرضى المسلمين امين يارب انا اللي اعرفه ان العمليه نتايجها مش مضمونه يعني اعرف اتنيين عملوا هما اللي الاتنين في نفس الوقت ونفس المكان جوز خالتي وواحد معرفه وجوز خالتي كانت صحته افضل من التاني ومع ذلك ربنا اختار جوز خالتي والتاني ربنا كتبله يعيش ودلوقتي ماشاء الله صحته كويسه جدا
المهم سيبك من اللي بيقولك فاشله والكلام ده توكل على الله وربنا يوفقك ويشفيهولك يارب وفي وطبعا الدكاتره هما اللي بيقدروا يقولوا اذا كان هينف يعملها ولا مش هينفع اصلا