الموضوع: خلاصة تجاربى مع السبع اتو سيرفس "ياريتنى ما اشتريت تيدا"

السلام عليكم

انا موضوعى بصراحة بيتكلم على تجاربى السيئة مع السبع اتو سيرفيس الى بصراحة كرهونى فى العربية تماما و خلونى اندم انى اشتريت تيدا لانى لما اشترتها قولت مادام حاجة يايانى "مع العلم انى معايا تيدا 2011 المكسيكى لكن المفروض ان الجودة واحدو" مش المفروض يكون فيها مشاكل كتير لانى مش هواه انى اروح كل يوم لصنعي او للصيانة لان لو كده انا كان داخل دماغى تماما اشترى جين 2 لكن سمعت و قريت بالرغم انها عربية كويسة و سعرها معقول لكن مشاكلها كتيرة معظمها بتحل فى التوكيل لكن بعض عدة زيارت و خناقات و شكاوى

المهم الخلاصة انا قلت ابعد و اشترى تيدا المهم للاسف الوضع ما تغيرش كتير و اليكم خلاصة التجارب هحاول اكتبها بالترتيب و كلها مع السبع اتو سيرفس اللى فى زهراء المعادى لانى كل تعاملاتى معاهم

*اول ما جبت العربية للاسف عملت حادثة كانت محتاجة تغير اكصدام المهم الكلام ده كان فى رمضان كلمتهم احجز عشان ادخل العربية قالولى تعالى ضبط مع التامين و كل حاجة و بعد مارحت قالولى مش هينفع نستلمها عشان مواعيد رمضان و كده و فى الاخر رجعت بيها طب كان ابسط حاجة يقولوا الكلام ده فى التليفون ما كانتش رحت و لا ظبط مع التامين

*بعد ما اشتريت العربية بحوالى 6 شهور حاجة باظت فى طفيرة الكهرباء بتاع التكييف رحت عاملتها فى الضمان مفيش مشكلة لكن للاسف تقريبا مكان ما فكوا التابلوه ظهرت اصوات و طقطة مع المشى هنوصلها بعدين

*فى صيانة كنت محتاج اركب كف مرايا قلت للمهندس عليه قالى موجود قلت خلاص ركبها العربية خلصت صيانة من غير ما يركبوا لحد ما فكرتهم رجعت استنيت تانى لحد ماركب و استلمتها

*رحت صلحت الحادثة فى التامين استلمت العربية بعدها با سبوع لكن الاكصطدام ما كنش راكب كويس كان مفرق من الناحتين مش راكب زى الفاربريكا بس انا للاسف استملتها كده و مشيت و بعدها اكتشفت ان اللاكصطدام راكب اى كلام و كمان الرش مش قد كده كان من اقل حكة الطبقة كلها ببطلع و يرجع اسود و كمان البويا اللى حوالها تشقق

*قلت اشوف موضوع الاصوات و الطقطقة اللى فى التابلوه لانه كان خلاص زاد عن حده المهم قالولى دى حاجة اسمها بلية البطاحة بتكون راكبة على المساعدين اللى قدام باظوا محتاجين تغيير طب ازاى و العربية كنت عاملة 12 الف كيلو يقولوا ده من سبب الحادثة لانى عاملها عندهم فضلت فى كلام و خناق لحد ما اقنعتهم بالمنطق انهم لو كانوا باظوا بسبب الحادثة كنتوا كتنتوها فى المقايسة و اتغيروا فى التامين زى الحاجات اللى اتغييرت المهم اقتنعوا و عملوها فى الضمان "او ده اللى قالوا لانى بصراحة شاكك انهم و لا غيروه و لا نيلة لان الاصوات فضلت زى ماهى"

*رحت المرة ديه لمدير الورشة عشان الاصوات قالى ده الشاسيه بتاع التابلوه عايز يتربط المهم الصوت خف بعدها لكن المشكلة انهم لما فكوا كل حاجة من التابلوه و الدرج نسيوا يركبوا مسامير الدرج و بالتالى الاصوات بدل ما كنت من التابلوه كانت من الدرج لانه فاكك و مساميره مش كلها راكبة المهم ركبتوا بره الاصوات قلت بنسبة كبيرة ماعدا الصوت اللى جى من ناحية التكييف مكان ما اتفك عشان يتصلح و كل صيانة اقولهم عليه يقولوا حاضر هنبص عليه لكن مش بيعموا حاجة

*اخر حاجة الشهر اللى للاسف عملت حادثة من قدام برده غيرت فيها اكصطدام امامى و فانوس و الركتيرتين اللى قدام و قربة ماية المساحات و للاسف عنده برده حاولت اشوف حد تانى لكن لضيق الوقت قولت اروح بس اكلم مدير المركز و احيكوا على اللى حصل اول مرة عشان المرة ديه يخلوا بالهم

*استلمت العربية بعدها باسبوعين تقريبا بعد ما كانوا مدينى ميعاد استلام و رجعوا اخروه المهم و انا بستلم العربية قولت انا مش حغلط زى المرة اللى فاتت و بصيت على الحاجات اللى اتعملت الخلاصة هى
مابين الساعة 11 لحد 3 و انا معاهم

1 الاكصطدام كان راكب كويس من ناحية و التانية لا دخلوها و عملوها
2 حكة فى البابين ناحية السواق قولتلهم عليها دخلت مسوحها بتنر و المهندس المسئول بقولوا ده تقريبا لون مكان الرش قالى لا ده حكة قولتوا يبقى من عندكم لانى مسلمها من غيرها
3 المساحات و القربة كانت فى حاجة ركبة غلط اشغل اللى قدام ترش وراء و اشغل وراء ترش قدام المهم داخلت و اتظبطت
4 بعد ما مشيت لا قيت طارة الدركسيون مبقعة بويا ده غير حتة حد ماقشرها زى ما يكون بقطر او حاجة عشان يطلع لون البويا المهم ده انا شوفتها فى الاخر كنت خلاص مشيت كلمتهم اشتكيت اسهل حاجة يقولوا طب انت قولت للمهندس قولتلهم انا كنت مشغول من 11 ل 3 فى المشاكل اللى كاتبها فوق المهم قالولى تعالى و نعملها اسهل حاجة عندهم كان التوكيل د ه مثلا تحت بيتنا او انا ما وريش شغله غيرهم فى حياتى

الكارثة الكبرى حاليا الكلام ده كان يوم الاثنين اللى فات امبارح لاحظت حاجتين فى العربية الكلاكس مش شغال "كان باظ و فى اخر صيانة اتصلح و ساعة الحادثة الاخيرة صوته اتغير و قلت لما للمهندس و هى لسة بتصلح عندهم قالى ده عشان الحادثة قولتوا طب بصوا عليه لو محتاج حاجة قالى حاضر و لما استلمتها صوته كان متغير سيكة لكن اهو يدوبك من الاثنين للجمعة فصل خالص"

الماية بتاعت المساحات مش شغالة قولت يمكن المايه خلصت مع ان ده احتمال بعيد جدا لانى كنت معاهم يوم الاثنين و هما بيملوها قدام عينى المهم جبت ماية قولت ازدو لقتيها تقريبا مليانة لكن من جوا لما اعمل الدراع سواء وراء او قدام مافيش ماية

بصراحة انا مش عارف ايه كل المشاكل و ديه و لاهمال ده من نايحتهم انا دلوقتى كل مرة اروح احل مشكلة ياما بترجع و الاسوا ان برجع بمشكلة تانية خالص و ديه الدوامة اللى انا معاهم فيها ان شاء الله انا نازل النهاردة للمدير بتاع المركز و لازم اشوف حل و الله الموفق و الله المستعان

ما علش طولت عليكم بس انا فعلا مخنوق و يمكن حد يستفيد من التجارب ديه

سيبك من سبع روح فرع ابو رواش

ربنا يقويك عليهم بصراحة

اتعامل مع اوتو ايجيبت ابو رواش افضل
وبالنسبة لأي اعمال سمكرة ورش اوعى تعملها في التوكيل سواء السبع او اوتو ايجيبت

واضح ان السبع ده ضايع