318. model 2011

**toyota_corolla** · 21-09-2013 03:34 PM

قدامي بي ام 318. موديل 2011 يا رجاله فيها اي درايف. وحالتها نضيفه جدا و عامله 80 الف كيلو ورشه اكصدامين معروضه عليا ب 225 الف و العربيه الصراحه مخربشه في دماغي فعيز مساعدتكم عشان دي اول مره اركب بي ام و اشتري مستعمل هل كده سعرها حلو و سعر اعادة بيعها بعد كده نظامه ايه

**toyota_corolla** · 23-09-2013 12:08 PM

ايه 25 مشاهده و محدش عارف حاجه

**maskeen** · 24-09-2013 01:18 AM

قبل اى كلام تتفق مع صاحبها على الكشف فى التوكيل..بعد الكشف تتكلم ف الفلوس

عاوز تعرف سعرها كام شوف موقع ....... cars وشوف اقل سعر كام..لان 80 الف كيلو ف سنتين كتير

**eng hussein** · 24-09-2013 04:12 AM

هقولك انا عملت ايه وانت قارن
من شهر وبعد حيره طويله اشتريت 320 موديل 2011 راشه اكصدامين زى اللى بتتكلم عنها دى وطبعا فيها كل الكماليات وقولت مش مشكله الاكصدامين بس اللى كان مخوفنى انها عامله 90 الف كيلو
اخدتها التوكيل وكشفنا عليها وطلعت زى الفل واى صيانه هو دفع حسابها
وحاله العربيه ممتازه المهم كان طالب سعر 240 وانا خلصتها منه ب 230
وبصراحه مش حاسس ان العربيه عامله الف كيلو كمان مش 90 الف
البى ام عربيه معمره متخفش من الكيلوات لكن لازم تطمن بالكشف عليها
والسعر ممكن تتفاوض فيه لان رينج سعرها يكون 2000 ل 2010 بالكتير
وده بحكم خبره 4 شهور لف وشفت جميع اسعار العربيات البى ام بكل موديلاتها
وعموما لو العربيه كويسه وخلصتها معاه ب 5 ذياده مثلا مش مشكله بس قارن بسعر عربيتى وعربيتى 320 المهم الحاله

وبالتوفيق

**svneleven** · 24-09-2013 06:59 AM

العربية البي ام بالذات حالة. يعني الحالة بتأثر في السعر جامد جدا. أنا اشتريت أخت عربية مهندس حسين لكن رشة رفرف خلفي و اكصدام و ماشية 33000 كم فقط و كانت ب 250000. انا طبعا دفعت زيادة عشان الحالة لأني كنت ناوي أدفع 10 أو 15 ألف زيادة أحسن ما أخدها و أروح بيها التوكيل أغير أي حاجة ب 7 أو 8 ألاف جنيه. المهم أكشف عليها و أعتقد حالتها كده قريبة من عربية مهندس حسين مع فارق ال 318 و ال 320 فحضرتك كده بتتكلم في 205 مثلا.

**elmkaneeki** · 24-09-2013 10:33 AM

صديق ليا جابها من حوالي ٣ شهور ماشية حوالي ٦٠ الف كيلو ب ٢٢٠ بس من صديقه وكانت فابريقة برة وجوة.....

**Batman372** · 28-09-2013 04:30 PM

المشاركة الأصلية كتبت بواسطة toyota_corolla

قدامي بي ام 318. موديل 2011 يا رجاله فيها اي درايف. وحالتها نضيفه جدا و عامله 80 الف كيلو ورشه اكصدامين معروضه عليا ب 225 الف و العربيه الصراحه مخربشه في دماغي فعيز مساعدتكم عشان دي اول مره اركب بي ام و اشتري مستعمل هل كده سعرها حلو و سعر اعادة بيعها بعد كده نظامه ايه

السعر ده يجيب ٣٢٠ و هى افضل كثيرا ...
ال ٣١٨ بهذا الكم بشرط الحاله الممتازه فى رنج ٢٠٠ الف
تحياتى ...