اسكترا للفليشيا

**hassancotton71** · 21-09-2013 03:55 PM

السلام عليكم اعضاء قسم سكودا الكرام الموضوع ان عند لف الطارة يمين اوشمال بسمع صوت خبط جامدسواء العربية مشية او وقفة وكمان بحس بضردرة االشارع في الطارة وكمان بتتحرك يمين وشمال وكمان بحس بالمطباط في العجلة اليمين اكتر من الشمال مع العلم انا لسةمغير المساعدين ادام (مايلي الماني) رحت لظبط الزوايا االمهندس قالي الاسكترا بتخبط وغايزة حشو وتتوضب مع العلم انا مغيرها من مدة بسيطة وهي ماركة فيكا صيني واللي قبلها كانت بردة صينى وبازت بسرعة بردة فمن فضلكم اعمل ايةهل اوضب اللي راكبة واصرف وتبوز بسرعة ام اشتري واحدة استعمال واخلي العفشجى اللي حيركبها يشتريها معي مع العلم انها بردة ممكن تكون محتاجة توضيب بس اظن انها حتكون اصلي ومش حتبوز بسرعة ام اشترى صينى جديدة لانة مفيش اصلي ولا اي حاجة غير الصينى في السوق وشكرا

**romany_ac** · 21-09-2013 05:08 PM

متابع (نفس المشكلة)

**eng.salama93** · 21-09-2013 05:09 PM

خلي العفشجي يشتريلك واحده استيراد نضيفه كدا و متصلحش حاجة ف الصيني لأنه تعبان أصلا و مبيقعدش

**jojoamr** · 21-09-2013 07:35 PM

بوص انا عندى تفس المشكله وكنت حاشيها من سنة الاصلية بس طبعا لطبيعة الشوارع فا مش بتعيش كتير
انا الميكانيكى قالى هات التركى حلوه يالبارات بتاعتها ب350 جنيه وبيشكرلى فيها ....
وبردو لو حد عنده افادة اكتر يرد علينا

**sakr_skoda** · 21-09-2013 09:14 PM

أشتريها استيراد افضل وياريت يكون العفجى اللى معاك امين وناصح ولونى مش بشجع دا انتا ممكن تفك الاسكترا اللى عندك وتعرف البوش اللى فيها جاى من فين بالظبط وعيوبها تتعرف عليها واتروح بنفسك الحرفيين او عزبة شلبى اسئل عليه واكشف عليها بنفسك وعلى فكرة انتا ممكن تركبها بنفسك بس عادى خدها وروح للعفجى يركبهالك ولونى واثق ان العفشجى حيطلع القطط الفاتسة فيها علشان مجتش عن طريقة احنا اليومين دولا فى حالة انعدام ضمير تاااااااااااااام ربنا يصلح حال البلاد والعباد....*

**aw2100** · 22-09-2013 12:20 AM

الصينى فى الأسكترا مابتعش علشان وزن العربية تقيل عليها اخرها سنة وتتصلح مرة وسنة كمان وتترمى انا شايف انك تركب واحدة استيراد اصلى بس تاخد العفشجى يشوفها وهى ثمنها حوالى 300 جنية او ممكن تركب واحده جديدة تشيكى اصلى بس هى غالية شوية ب 1300 جنية بس حتنسها على الأقل 10 سنين وبراحتك !