لقيت بيكانتو الشكل القديم زيرو ....... أعمل اية

**mas_shine** · 09-09-2008 12:06 AM

السلام عليكم ورحمته الله وبركاتة

كل سنة وانتم بخير

الموضوع انى لاقيت بيكانتو الشكل القديم جديده فى معرض جنبى
وانا بصراحة كان نفسى فى الشكل القديم لانى بكرة الشكل الجديد
وكنت عاوزة اعرف حاجة كده الموديل ده يعمل كام مع الاخد فى الاعتبار ان 2009 قربت تنزل يعنى سعرها متهيألى يكون قليل

ليا سؤلين دلوقتى
كده العربية تعمل كام وفاصل معاه لغاية كام ؟
اعرف منين انها 2007 مش 2006 او 2005؟

هل اشترى دلوقتى ولابعد العيد احسن

بالله عليكم تسعدونى

ورمضان كريم

**MomoMedo** · 09-09-2008 06:26 PM

بصي انا كنت زيك كدة عاجبني الشكل القديم
بس شوية شوية اقتنعت بالجديد وبقيت بحس انه اجمل
والحمد لله انهاردة هستلم العربية
بجد شوفيها كدة هتعجبك

**the_first_knight** · 09-09-2008 06:46 PM

بصي يا ستي أنا معاكي إن الشكل القديم للبيكانتو أحلى من الجديد
أنا عن نفسي عندي كيا ريو 2004 والحمد لله مقتنع بيها أكتر من الشكل الجديد
بخصوص سؤالك :
يا ريت أعرف مواصفاتها لأن البيكانتو أكتر من فئه : يعني الموجود فتيس عادي ولا أتوماتيك . جميع الكماليات ولا نص كماليات
وكمان أعتقد إن سنة الموديل بيتعرف من ورق العربية : بيتكتب الموديل مع رقم الشاسيه .
وعلى ما أعتقد يمكن بيتكتب على جزء معين من الموتور

**mas_shine** · 10-09-2008 01:09 AM

MomoMedo
جزاك الله خبرا
بس ياريت تقولى حضرتك جبتها كاش ولا تقسيط
وايه اجراءات استلام العربية اللى عملتها واية اللى بيتسلم معاها زى الاستبن وشنطة العده

the_first_knight
جزاك الله خيرا
هى العربية مانيوال وهاف اتوماتيك

**MomoMedo** · 10-09-2008 01:24 AM

انا جبتها كاش
من عند الطارق
دفعت دفعة حجز الصبح قبل الفطار وبالليل كانت العربية جاهزة دفعت بقيت المبلغ
وكان ممكن استلم بس كنت هاخدها نمر تجارية فمكنتش هعرف اسوقها لانها باسم والدتي
فسبتها لحد ما الورق بتاعها يخلص عشان نقدر نرخصها
بس

**mbluethunder** · 10-09-2008 01:26 AM

معليشي أنا لي وجهة نظر في الموضوع ده

دلوقتي طبعا هايكون في فرق في الفلوس بين الموديل 2008 او 2009 والشكل القديم اللي هو موديل 2007 أو 2006 . بس الفرق ده هاتعوضيه في فترة الضمان لأني الموديلات 2006 أو 2007 هايبقى الضمان بتعها 3 سنين أو 60 ألف كيلو أما موديلات 2008 أو 2009 هايبقى 5 سنين او 100 ألف كيلو وده شئ مهم جدا جدا في العربيات

أه ممكن يكون إنتي عندك إعتراض على الشكل . بس ليه تشتري حاجه موديل 2006 او 2007 وإنت ممكن تشتري موديل السنه ده أو اللي جايه. كمان اللي يشتري 2006 او 2007 يبقى يشتري used أفضل وممكن تلاقي مستعمل حالته نضيفه جدا وبسعر كويس

ده وجهة نظري وحضرتك ليكي حرية الإختيار

**mas_shine** · 10-09-2008 02:01 AM

المشاركة الأصلية كتبت بواسطة MomoMedo

انا جبتها كاش
من عند الطارق
دفعت دفعة حجز الصبح قبل الفطار وبالليل كانت العربية جاهزة دفعت بقيت المبلغ
وكان ممكن استلم بس كنت هاخدها نمر تجارية فمكنتش هعرف اسوقها لانها باسم والدتي
فسبتها لحد ما الورق بتاعها يخلص عشان نقدر نرخصها
بس

الف مبروك

طيب معلش ممكن توضحلى اكتر يعنى ايه نمر تجارية وورق اية اللى حضرتك تقصدة لسه مخلصش

معلش بس دى اول عربية ليا ولسه معلوماتى زيرو فى الموضوع ده

**MomoMedo** · 10-09-2008 02:11 AM

النمر التجارية دي بتمشي بيها لحد ما ترخصي العربية
وبتكون ب 60 جنيه في اليوم ولازم صاحب العربية هو اللي يسوقها وميركبش معاه اكتر من واحد

**MomoMedo** · 10-09-2008 02:12 AM

انا كمان اول عربية ليا والله فكان الموضوع كله ماشي كدة يعني مش غير ماعرف ايه اللي بيحصل

**mas_shine** · 10-09-2008 02:23 AM

جزاك الله خيرا على سرعة الاستجابة

والف مبروووووك على العربية ربنا يباركلك فيها يا رب

ودعيلى اجيب البيكانتو انا كمان قريبا

الموضوع: لقيت بيكانتو الشكل القديم زيرو ....... أعمل اية

LinkBack

أدوات الموضوع

عرض

لقيت بيكانتو الشكل القديم زيرو ....... أعمل اية - انشر الموضوع فى :

-

-

-

-

-

-

-

-

المواضيع المتشابهه

أين أجد بيكانتو الشكل القديم ؟

سعر الزجاج الامامي لكيا بيكانتو 2011 الشكل القديم :(

تفاصيل الفروق بين بيكانتو الشكل القديم و الجديد...بالصور!

بيكانتو 2010 فى مصر - الشكل القديم

الحقونى لقيت بيكانتو الشكل الاقديم ....اعمل اية

الكلمات الدلالية لهذا الموضوع

المفضلات

المفضلات

ضوابط المشاركة