الموضوع: التقرير عن زيارة زميلنا محمد طنانى و بالصور كمان

يوم الاثنين طلعت من اسيوط الى بنى سويف و بيت هناك
و توكلت على الله يوم الثلاثاء من بنى سويف الى القاهرة الى مركز طنانى على طول
المهم ركنت العربية هناك
و بعت احمد الصبى يجيب فلتر زيت ( واكس الالمانى بـ 25 جنية ) و فلتر هواء ( واكس الالمانى بـ 60 جنية) و جركن زيت وولف 20 - 40 ابو 135 بلبل
بداية الشغل
فكينا البوجيهات طلعت كويسة و الحمد لله و زى الفل
غيرنا فلتر الزيت و الزيت
غيرنا فلتر الهواء
رفعنا العربية على الليفت و كانت الفاجعه
العربية زى الطين من تحت
احمد الصبى راح مالى علبة المسدس بالسولار و غسل العربية من تحت مية مية
سابها نص ساعه
غسلها مرة تانية بالسولار
سابها نص ساعه
غسلها مرة تالتة بالسولار
سابها نص ساعه
غسلها بالصابون السايل
سابها نص ساعه
غسلها بالمية بالجلاشر التحفة و بيطلع المية بضغط عالى جدا
جة الحاج طنانى و جاب مسدس الهوا و نفخ العربية كلها من تحت
جيت اطلع بالعربية من المركز " اقسم بالله العلى العظيم جاسس انى راكب عربية 3000 سى سى " بسم الله ما شاء الله العربية فايقة مووووووت
يوم الاربع روحت اجتماع بالشركة و رحعت خلصان على المركز
يوم الخميس كنت فاضى بقة
رفعنا العربية تانى
و فكينا العجل الامامى
و طبعا ظهر قدامنا فلتر الزيت الجديد بس حوالية كان مليان زيت و تراب و حالته بالبلاء و نفس الكلام على الناحية التانية ناحية جنب الفتيس بجوار الطنبورة الشمال
نقس الحوار اللى فات بس اقل شوية
غسيل بالسولار
غسيل بالسولار
غسيل بالمية
العربية بقيت بتبرق من تحت
فكينا التيل و طلع خلصان و جبنا تيل كورى زى اللى كان راكب فيها
HI و سعره 100 بلبل
ركبنا المصفحة و كله تمام التمام
و نسيت ثبتنا الخراطيم بتاعه البنزين و غيرنا منها الخروطوم اللى جنب العوامه و راكب من تحت فى مكان غلس جدا
العربية بسم الله ما شاء الله عليها رجعت زى الفل
التكاليف
فلتر زيت 25 جنية
فلتر هواء 60 جنية
زيت وولف 135 جنية
تيل امامى 100 جنية
احمد الصبى اليوم الاول 10 جنية
احمد الصبى المرة التانية 10 جنية


اجمالى التكلفة 340 جنية
المصنعية ايصال امانه بـ 50 جنية

و دى الصور للعربية قبل و بعد الغسيل

http://im40.gulfup.com/QQOx0.jpg

http://im40.gulfup.com/UCjaC.jpg

http://im40.gulfup.com/APZgC.jpg

http://im40.gulfup.com/5y0Rd.jpg

http://im40.gulfup.com/OvmXb.jpg

ادى لينك الفيس بتاع المركز
و شغالين فى الانواع الحديثة كلها
الكوري - اليابانى - الاوربى


https://www.facebook.com/pages/Maste...34260263373061