عيب كان في فيكترا 95 إيه دوخنى والتوكيل 3 شهور اللى عاوز ياخد خبرة يدخل

من حوالى خمس سنوات عربيتي الفيكترا 95 إيه 2000 اوتوماتيك كنت بسمع فيها صوت غريب كل ماجى ألف يمين أو شمال والصوت ده كان زي مايكون حديد بيخبط في بعض والعربية كانت زى الفل سرعة وسحب وثبات ومفيش سخونة ولا اى اصوات تانية.اﻷول رحت لميكانيكى عندنا في الزقازيق وبعد الفحص والتمحيص قالي العفشة مش مظبوطة روح لعفشجى كويس العفشجى قعد يربط في العربية شوية وقالي جرب ولا في اي تقدم. قلت اروح الحرفيين فرحت لواحد إسمه محمد كانوا بيشكروا فيه هناك وبعد الفحص وتجريب العربية قالي لازم تغير بطاحات وبيض دريكسيون يعنى الموضوع كله عفشة برضه قلت اكيد الحرفيين بيفهموا احسن من اللى عندنا وغيرت الحاجات اللى قال عليها وكانت العربية كويسة وانا راجع الزقازيق ولكن بعد يومين رجع نفس الصوت قلت مافيش الا التوكيل قمت رايح منصور اللى فى العبور وبعد الكشف قالولى علبة الدريكسيون بايظة ولازم تتغير والا العواقب خطر جدا وكمان قالي الفرامل ضعيفة شوية.طيب بكام علبة الدريكسيون قالى المهندس 7000 جنيه قلت ارجع الزقازيق والله منا مغير حاجة بس كنت راجع على سرعة 50 علشان خايف من العواقب وعلى فكرة العيب طلع حاجة تانية خالص..ياريت كل واحد من الاخوة الاوبلاوية الافذاذ يقول السبب ممكن يكون ايه.

كبالن

مدام اتحلت و الحمد لله قول علطول :)

مش فاضل غير كبالن ومقصات ومساعدين وسوست ههههه

أنا عندى نفس الموضوع ممكن تكون صباع الميزان؟؟؟ يا ريت تقولنا يا باشا علطل لأن فعلا الصوت دا هيجننى لانه رجع تانى

عروستي

باشا دى الكبالن
وعلشان تتاكد تقريبا الصوت ده مش بيحصل غير فى الملفات يمين اوشمال لو يمين يبقى كبلن يمين والعكس
وانصحك تيجيبهم استيراد
انا كان عندى نفس المشكلة غيرت الكبالن وبقت تمام
وياريت ماتمشيش بيها كتير على الحالة دى كده
ونصيحة اخرى وانت بتلف ياريت متجيبش لفة الدريكسون للاخر سيب سنة
سبحانك اللهم وبحمدك ، أشهد أن لا إله إلا أنت أستغفرك وأتوب إليك

دى المجرة بتاع الزجاج الامامى بيبقى فيها عجل صغير كدة بيكون اتنحل شوية. ويعمل بوش بينه وبين المجرة اللى بيمشى فيها الزجاج بيعمل صوت زى ما يكون ملعقة بتخبط فى حديد وانت مفكر ان هية من تحت هى جنبك بعض الزملاء هنا كان عندهم نفس المشكلة اعتقد هتكون هيه دى المشكلة

بلي العجل الامامي بيلق في الاكس بتاعه .

صوت وانت بتلف كبالن لكن قولنا ايه الجديد