بيجو 405 برستيج أوتوماتيك

**mfnada** · 09-09-2008 01:03 AM

بيجو 405 بريستيج1800 سى سى-اوتوماتيك-سنتر-باور-تكيف-موديل 1996-147000كم -فرنساوى مواصفات خليجية-دواخل فابريكة و رش خارجى نظافة فقط--سى دى -ام بى ثرى كينوود-6 سماعات-حالة رائعة-من المالك-رخصة حتى 2010
55 الف جم
السعر نهائى لأن السيارة فعلا بحالة ممتازة
شكرا جزيلا
0106551540

**MoDyBeNz2008** · 09-09-2008 01:14 AM

lمش حضرتك كنت عامل الموضوع دة قبل كدةhttps://www.nilemotors.net/Nile/32813-405.html

**mfnada** · 09-09-2008 02:07 AM

اه فعلا..مظبوط ...بس انا مش بعمل اعلانات غير على النت لأنى بصراحة مش مستعجل على البيع لأنى لسة مش مستقر على العربية الجديدة بافكر فى الكورولا الجديدة...بس متخوف من موضوع الفتيس دة..لسة مش محدد..شكرا على سؤالك :)

**Ahmad Allawy** · 09-09-2008 06:20 PM

معلش كام سؤال كده علي الماشي.. لأني كش حبرة قوي ف البيجو..
هي ايه الاختلافات بينها و بين ال405 العادية..؟؟
و هل في فرق في قطع الغيار..؟؟
قطع الغيار موجوه ف التوكيل ولا خلاص معادوش بيشتغلوا فيها..؟؟
البنزين ايه نظامه..؟؟ الاستهلاك..والضريبة.. ايه نظامها..؟؟
معلش انا اسئلتي كتير شوية.. :)

**kareem_Ashmawy** · 09-09-2008 08:04 PM

معلش كام سؤال كده علي الماشي.. لأني كش حبرة قوي ف البيجو..
هي ايه الاختلافات بينها و بين ال405 العادية..؟؟
و هل في فرق في قطع الغيار..؟؟
قطع الغيار موجوه ف التوكيل ولا خلاص معادوش بيشتغلوا فيها..؟؟
البنزين ايه نظامه..؟؟ الاستهلاك..والضريبة.. ايه نظامها..؟؟
معلش انا اسئلتي كتير شوية..

اسمحلى ارد بما انى معايا العربية
السؤال الأول:
البرستيج تختلف عن ـ405 العادية
موتور 2000 سى سى انجيكشن ( العادية 1600 سى سى كربيراتير)
و دا بيخلى الفارامل و طقم الدبرياج فى البرستيج مختلفين عن العادية
يوجد كماليات فى البرستيج زيادة عن العادية:
اربعة زجاج كهرباء( اماى بس فى العادية)
مرايات كهرباء
كشافات شبورة
عداد ار بى ام
عدد سماعات زيادة عن العادية
اكصدمات مختلفة
أغلبها اتوماتيك بس اللى معايا مانيوال ( كمان الاتوماتيك سهل اوى تقلبها مانيوال و فلاينج بيجو كان كاتب الحكاية دى فى منتدى بيجو)

.
السؤال الثانى:
تختلف قطع الغيار الخاصة بالموتور عشان انجيكشن
و الدبرياج و الفرامل
غير كده هما تقريبا واحد...بس مش متأكد ممكن يكون فى حاجة تانية مش فاكرها
بس الحاجات المختلفة دى بتبقى أغلى شوية فى البرستيج
.
.
السؤال الثالث:
قطع الغيار متوفرة بالعبيييييييييييييييييييي يييييييييييييط
جوة التوكيل و بره التوكيل فى اماكن كتير جدا
جديد و مستعمل كل حاجة موجودة و بوفرة عكس ما يشاع عنها انها نادرة و غالية
و فى منها بيجو الاصلى و فى انتاج دول اخرى
و هديك أمثلة لقطع الغيار انا لسه جايبها الفترة اللى فاتت
تيل فرامل فرنساوى 125ج (الاصلى بيجو بــ250 بس بناء على رأى الناس اللى شغالة فى التوكيل هما اللى بينصحوا بالتانى و انا مركبة و شغال تمام)
مساعدين امامى 650ج
طنابير امامى 130 ج ( برضه الاصلى غالية جدا و محدش بيجيبها لأن دى شغالة كويس)
بيض مقصات 130 ج
طرمبة بنزين 1000ج بس طبعا دى مش بتتغير يمكن فى العمر مرة واحدة
.
.
بالنسبة للبنزين
قبل ما البنزين يغلى اما كانوا لسه مش بيغشوه اوى كده كانت بتعمل معايا 170 كيلو فى الصفيحة
فى الزحمة الشديدة بتاعت فيصل و الهرم انما دلوقتى بقت بتعمل 140-150 فى الصفيحة
الضريبة
احنا بندفع 450ج فى السنة بتقل 50ج كل سنة لغاية ما تبقى 200 و تثبت على كده

ارجو اكون افادتك يا أحمد باشا

**Ahmad Allawy** · 09-09-2008 08:08 PM

والله يا باشا شرحت فأوفيت..
بس التعليق الصغير اللي عندي.. ان استهلاك البنزين بتاعها كتير شويتين تلاتة..
و انت كمالن مانيوال..
الاوتوماتيك دلوقتي اكيد استهلاكها اعلي..

و الف الف شكر تاني علي التوضيح.. و جزاك الله خيرا..

**kareem_Ashmawy** · 09-09-2008 08:16 PM

الشكر لله يافندم .. ربنا يكرمك
.
.
اه للأسف كلامك صح فى موضوع البنزين
الحكاية دى من ساعة زيادة أسعار البنزين
ربنــــــــا يرحمنا يارب

**mfnada** · 10-09-2008 01:06 AM

السلام عليكم

اسمحولى أرد على كل الاسئلة لأن فى اختلافات و الإجابة بتاعتى حتكون عن عربيتى:

أولا عربيتى 1800 سى سى لأنها فرنساوى- ال 2000 سى سى بيكون تقفيل توكيل أباظة و عامة بيجو اخر موديل عملتة 405 كان سنة 96 و بعدين نزلوا ال406 و ال 407

العربية انجكشن و استهلاك البنزين حقيقى رائع عن تجربة شخصية مش مجرد كلام-انا كان معايا لانسر و ممكت أؤكد ان البيجو ال 1800 زيادة بسيطة جدا عن الانسر ال 1300
الإختلافات بينه و بين العادى فى لاساس الاوتوماتيك - و الانجكشن-بقية الكماليات التانية مش جوهرية-بصفة عامة الفرنساوى مقاس العجل أكبر و الاكصدام بيكون فية فوانيس صغيرة و حجمة اكبر من المصرى-غير ان الكراسى مريحة اكتر وفرق جامد بينها و بين المصرى
بالنسبة للترخيص عشان هية 1800 مش 2000 سى سى فترخيصها فى السنة حوالى 250 جنية و ال عربية 142 حصان تتمتع بقوة و عفشة ناعمة جدا - و دة فرق بيتها و بين المصرى موضوع العفشة دة
بالنسبة لقطع الغيار فهى من اكثر السيارات انتشارا فى قطع الغيار و فى جميع المستوايات و الاسعار و على فكرة انا عربيتى بعملها عند مركز صيانة محمد جاد أو احمد عمارة و الاثنين معتمدين

ارجو اكون جاوبت على كل الاستفسارات :)

**Ahmad Allawy** · 10-09-2008 04:14 AM

طيب معلش هاكون اكتر رخامة و هسأل سعاتك..
ممكن لو تفتكر ارام عن استهلاك البنزين بتاعها,,..؟؟
يعني بتعمل تقريبا جوة البلد كام و علي السفر كام ف الصفيحة..؟؟
عشان الموضوع ده مهم جدا بصراحة.. و ده اللي هيفرق جامد معايا..
عشان العربية اكيد لا غبار عليها.. ما شاء الله..

**mfnada** · 10-09-2008 09:53 AM

السلام عليكم

استاذى العزيز...انا بعد زيادة البنزين بجيب دايما ب50 جنية (يعنى حوالى 26 لتر) بنزين 92 فى المرة و بيعد معايا حوالى 200كيلو متر مستريح و يمكن اكتر شوية...العربية انجكشن 1800 يعنى مش بتاكل بنزين أكيد بالعكس انا شايف ان حجمها و انها اوتوماتيك اكتر سعة لترية هى 1800 عشان القوة مع الاوتوماتيك من ناحية الحمد لله و الاستهلاك الاقتصادى للبنزين من ناحية تانية...على فكرة انا سوقت الانسر ال 1600 الاوتوماتيك و حسيت ان عربيتى اقوى منها بكتير فحقيقى صرفت نظر عنها...

شكرا

الموضوع: بيجو 405 برستيج أوتوماتيك

LinkBack

أدوات الموضوع

عرض

-

-

-

-

المواضيع المتشابهه

بيجو 405 برستيج للبيع

مطلوب بيجو 405 برستيج

بيجو برستيج للبيع (حالة نادرة)

بيجو 405 برستيج أوتوماتيك

حد يعرف ميكانيكي بيجو برستيج كويس

الكلمات الدلالية لهذا الموضوع

المفضلات

المفضلات

ضوابط المشاركة