تركيب تكييف لبيـــجو 504

**jorgealibaba** · 09-09-2008 12:00 AM

انا عايز اركب تكيف لعربيه 504 Gl موديل79 فى التوكيل مع العلم ان فيها فتحات فى الارضيه خلف الكرسى الامامى.
ارجو الافادة؟

**jorgealibaba** · 06-10-2008 07:14 PM

اية يا رجال

**ahmad7610** · 06-10-2008 08:46 PM

ممكن أكيد تركبلها تكييف طالما .. فيها مسارات التكييف وكله سليم ..
لكن فى التوكيل دى مش عارف ممكن ولا لأ ... فى اعلانات بتيجى فى أهرام
الجمعة عن محلات لتركيب التكييف لاى عربية فى حدود 3000 جنيه
-

**jorgealibaba** · 10-10-2008 07:31 PM

شكرا يا باشا بس عايز اعرف منين اجيب فتحات المراوح اللى بتبقى فى التابلو

**egynoor** · 12-10-2008 12:52 PM

يص يا سيدي, انا دخلت في القصص دي, أحسن حاجة انك تجيب الكويل و تحطة في نصف التابلوة. و في ناس بتحطة علي جانب, تحت الدرج اللي علي اليمين. اما تركيبة علي مسارات الهواء اللي موجودة في التابلوة فصعب و دة بعد سؤال اثنين من بتوع التكييف. علي ما أعتقد ممكن تجيب التكييف الأصلي بتاع ال504 استيراد لكن مش هاتلاقي قطع غيارة بسهولة - دة كلام بتاع التكييف اللي ركبلي بتاعي- طبعاً تركيب التكييف علي مسارات الهواء اللي في التابلوة هايديك توزيع أفضل لهواء التكييف لكن لو ممكن يبقي منة مشاكل يبقي بلاش و تركب التكييف في نص التابلوة وممكن تجيب كونسولة قصيرة أو تخلي بتاع التكييف يقص الكونسولة بتاعة العربية بطريقة نظيفة... علي فكرة هايريحك و بيشتغل كويس حتي في عز الحر و بيريح الركاب كلهم حتي اللي في الكنبة الخلفية. علي العموم اسأل كتير و انت عندك شهور الشتاء علشان تسأل براحتك.... طبعاً ما تركبش التكييف الا في أوائل الصيف علشات تستلمة من بتاع التكييف و انت مجربة في عز الظهر و تستفيد بالضمان بتاعة كلة.

**kisho55555** · 12-10-2008 01:36 PM

بس انا كنت عايز اسال على حاجة ....

انا عندى بردوا بيجو 504 Gr موديل 79 .... والموتور كويس

سالت كام ميكانيكى قالى ان سحب العربية بيتاثر جامد بالتكييف .... فمش عارف اعمل عمرة للموتور ولا احاول اظبطه ؟؟؟؟ ....

وبرده عايز اعرف سعر التكييف الاستيراد بيكون بكام ... وفتحات التابلوه بكام ؟؟؟

شكرا

**jorgealibaba** · 17-10-2008 09:29 PM

فتحات التكييف لوحدها 1000 جنية عشان كدة انا شايف ان استخدام مسارات التكييف القديمة اللى فى التابلو دة حل كويس
اما عن سحب العربية دة يعتمد على سعة البيستم
عندك 1971 cc ودة حلو

**jorgealibaba** · 17-10-2008 09:32 PM

شكرا يا نور باشا
اية اخبار النادى

**shanodaa** · 17-10-2008 09:36 PM

بيجو عربيه جامده بس حرام تدفع 3000 في التكييف علشان سعر البيجو نزل جامد
لو عايز كملايات غير السياره وهات مثلا هيونداي اكسيل وها تدفع فرق 3000 جنيه ويبقي معاك موديل احدث