تصريح العربيه هيخلص ومش عارف ايه الاجرائات

**احمد المصرى** · 22-09-2013 11:58 AM

السلام عليكم

العربيه كانت مرور الدقى وانا حولتها لمرور 6 اكتوبر واخد تصريح 6 شهور من انى مجدد 3 سنوات والتصريح هيخلص كمان كام يوم

المفروض انى هروح المرور علشان اشوف الملف جه ولا لسه طيب لو الملف جه هاخد رخصه بباقى المده صح كدا .... طيب لو الملف مجاش ايه الاجراء وهتتكلف كام تقريبا مع انى دافع ال 3 سنوات كامله

**Silent~Dream** · 22-09-2013 12:11 PM

ان شاء الله هتلاقى الملف موجود لانهم بيدوا مده اكبر من احتماليه انه يجى هتجيب نموذح فحص و تديه لموظف الملاكى و بعدين تاخده تختمه من الضابط
و ترجع تديه للموظف تانى و بس تستنى لما ينادولك على الرخصه و هتاخدها طبعا ب ثلاث سنين و حاسبين ال6 شهور طبعا منهم ( يا ريت لو قولت حاجه غلط حد يصححلى )

**احمد المصرى** · 22-09-2013 02:14 PM

المشاركة الأصلية كتبت بواسطة silent~dream

ان شاء الله هتلاقى الملف موجود لانهم بيدوا مده اكبر من احتماليه انه يجى هتجيب نموذح فحص و تديه لموظف الملاكى و بعدين تاخده تختمه من الضابط
و ترجع تديه للموظف تانى و بس تستنى لما ينادولك على الرخصه و هتاخدها طبعا ب ثلاث سنين و حاسبين ال6 شهور طبعا منهم ( يا ريت لو قولت حاجه غلط حد يصححلى )

نموذج فحص ايه يا باشا اكيد انت غلط والنبى قلى انك غلط اكيد مش هفحص تانى هههههههههههههه كفايه اوى فحص ......... انت تقصد انى هجيب نموذج لموظف الملاكى لو الملف موجود هيعملى الرخصه على طول ولو الملف مش موجود باخد تصريح تانى

**احمد المصرى** · 22-09-2013 02:18 PM

المشاركة الأصلية كتبت بواسطة abdelmoneem

الموضوع ده حصل معايا من أسبوعين،
لو الملف مجاش الموظف هيعملك حاجة اسمها استعجال (غالبًا عشان يبعته للمرور التاني عشان يستعجل الملف) وهتاخد تصريح تاني بـ 6 شهور كمان،

بالنسبة للمصاريف هتصرف بتاع 20 أو 30 جنيه أو أقل مش فاكر بس حاجة بسيطة، والإجراء بسيط يعني مش هتعد كتير،

بس إن شاء الله تلاقي الملف وتاخد الرخصة وترتاح لآخر مدة التجديد.

يا مسهل يا رب لان موضوع المرور دا بشيل همه قبلها بسنين

المشاركة الأصلية كتبت بواسطة ayman_aly

كنت نفس الحالة بس مرور شبرا الخيمة
رحت بعد ال6 شهور خدت وصل كومبيوتر قيمته 10 جنيه
وصورة البطاقة وأصل التصريح
سلمتهم للموظف واتسلمت الرخصة بعد 3 ساعات علشان البهوات يشربوا الشاى ويفطروا براحتهم وبعدين يقوموا يشتغلوا

ولما لمحت الملف بتاعى لقيت فيه الأوراق اللى جبتها وقت التحويل.. ما جاش فيه الورق اللى كان فى المرور القديم اللى كانت تبعه

معنى كدا انى يفضل قبل ما اروح لوظف الشباك انى اشترى وصل كمبيوتر ( من الخزنه ولا منين ) علشان مرجعش تانى على ورقه واسلمها للموظف

**Silent~Dream** · 22-09-2013 02:40 PM

المشاركة الأصلية كتبت بواسطة احمد المصرى

نموذج فحص ايه يا باشا اكيد انت غلط والنبى قلى انك غلط اكيد مش هفحص تانى هههههههههههههه كفايه اوى فحص ......... انت تقصد انى هجيب نموذج لموظف الملاكى لو الملف موجود هيعملى الرخصه على طول ولو الملف مش موجود باخد تصريح تانى

اكيد مفيش فحص تانى بس انا مش فاكر اسمه بالضبط نموذج فحص - ملف فحص مش فاكر و تصور بطاقتك صوره و الرخصه صوره و زى ما قولتلك و تديهم للموظف هيبعتك تدفع 20 جنيه تقريبا فى الخزنه و هيكتب شويه حاجات و هيقولك اختمهم من الضابط و تعالى و هتاخد الرخصه لما تطلع من على الكمبيوتر

**احمد المصرى** · 25-09-2013 09:22 AM

الحمد لله رحت انبارح خلصت فى خمس ساعات ( حرب اكتوبر كانت فى 6 ساعات ) قدمت الرخصه ورحت دفعت 10 جنيه والملف جه من الارشيف واخد تصريح 6 شهور تانى عقبال لما الملف يجى من المرور التانى

الموضوع: تصريح العربيه هيخلص ومش عارف ايه الاجرائات

LinkBack

أدوات الموضوع

عرض

تصريح العربيه هيخلص ومش عارف ايه الاجرائات - انشر الموضوع فى :

-

-

-

المواضيع المتشابهه

البترول هيخلص علي سنه 2050

مش عارف ارش العربيه ولا لآ

حد هنا هيخلص بكالوريوس في التخصصات دي السنة دي

المعرض هيخلص امتي وهو فين بالظبط في ارض المعارض

التلين هيخلص امتا.........

الكلمات الدلالية لهذا الموضوع

المفضلات

المفضلات

ضوابط المشاركة