ياجماعه انا هتجنن

**احمد سعيد كمال** · 22-09-2013 01:33 PM

عربيتى كورولا 1600 موديل 94 المشكله ان العربيه لماابتدى ادوس الاقى العربيه تتكتم وبعد كده تسحب مع العلم انى مغير بوجيهات وفلتربنزين وقلب طرمبة البنزين ونظفت الانجكشن والبوابه

**ياريساوي** · 22-09-2013 02:00 PM

يعني استجابة دواسة البنزين بطيئة ؟؟؟ متااااااابع :d

**saddam** · 22-09-2013 02:43 PM

صديقي المواطن
ه
يعني إيه نظفت.اﻹنجكشن يعني الرشاشات إتفتحت وإتنظفت عالجهاز ولا لسه ودمتم للنضال ﻷن مشكلتك مشكلة.رشاشات

**احمد سعيد كمال** · 22-09-2013 02:46 PM

نظفت البوابه من غير مااحلها وبالنسبه لدواسة البنزين بحس انها تقيله اول لما ييجى ار بى ام على 3 وبعد كده تسحب

**ahmedteam** · 22-09-2013 03:06 PM

مينفعش تنضف البوابه و هيا راكبه لان كل اللى فيها هيدخل ع الموتور و كانك معملتش حاجه

**GALAL mohammed** · 22-09-2013 08:01 PM

لو العربية بتتأخر معاك في الدوارة تبئا حساسات ، غير كده يبئا حساساتك زي الفل ، بالنسبة انك نظفت البوابة وهيا راكبة سيبك من الكلام ده ، انته فك البوابة خالص من العربية ونظفها هيا والمانيفول ، انا كان عندي نفس مشكلتك وزياده عليها كان فيه دخنة سودة علي السلانسيه وطبعا بتاكل بنزين بغباء وكنت بنظف البوابة وهيا راكبه ولا كنت بشوف اي نتيجة ، بس لما خرجت البوابة خالص وغيرت جوان البوابة علشان كان متبهدل وده مش هتشوفو غير لما تفك البوابة والبوابه نفسها كانت زي الزفت ، المهم بعد ماعملت الكلام ده العربيه رجعت زي الفل وكله تمام ، ومش هتكلفك حاجه

**احمد سعيد كمال** · 23-09-2013 11:00 AM

العربيه بدور من اول مره من غير اى تعب واسخنها شويه وبعدين اجى اطلع بالذات لمااجى اقرص على الاول الاقى فى تنتيشه وخنقه وبعدين تسحب وكذلك فى التانى يعنى حاسس ان الدواسه تقيله سنه صغيره بمعنى ان الدوسه الاول كانت باقل مجهود العربيه تجرى دلوتى لا لازم ادوس شويه معليش طولت عليكم