الموضوع: ازاى تنظف الشباك السلك من غير ما تتبهدل

المشاركة الأصلية كتبت بواسطة swimmer25

ايه دا مصطفي رجع بس في الإجتماعي
غريبة أوي
سيبت المفكات والمفاتيح والخراطيم والفلاتر وبدات رز ومكنسة وزيت
منور يا صديق

بالنسبة لممكنسة...ياريت تحدد الأول قصدك المكنسة اللي بشنطة ولا المكنسة اللي بدون شنطة

زى ما تقول لقيت الموضوع دة دمة خفيف ولذيذ فقلت اشارك
وخصوصا ان صاحبة زميل محترم فى قسم الانوس
وانا ضعيف جدا قدام اى موضوع فية تشغيل دماغ

بالنسبة للمكنسة انا بتكلم على المكنسة العادية اللى بتستخدمها السيدات فى البيوت

المشاركة الأصلية كتبت بواسطة a.saad

مياه النار معروف انه مذيب قوى للقاذورات فى البلاعات
الفلاش مخفف منها


الارز يوضع له مياه مغلية
الفكرة انك وفر ت الوقت اللازم لغلى الماء عند طهيه

هههههه
انا قلت ان الرجالة هتعمل احلى شغل فى الموضوع دة
فعلا المية المغلية هيا كلمة السر فى طهى الارز فى 4 دقايق ( تقريبا يعنى )
الستات هيغسلوا الارز بمية دافية
وبعدين هيحطوا المعيار بتاعة مية مغلية
وهناكل احنا الرجالة اسرع ارز

المشاركة الأصلية كتبت بواسطة tarek_2005

الافضل من الفلاش لاذابة الدهون (( البوتاس )) مذاب في الماء لانه قلوي ومع الزيوت بيتحول الي صابون نتيجة التفاعل الكيميائي وبالتالي بتحول الدهون لصابون مع وجود المياه اوعي الرغوة
موضوع زيادة قوة المكنسة
رفع احد الفلاتر الداخلية اما الي بعد الكيس او الي بعد الموتور
والي بعد الكيس بياثر علي عمر رومان بلي الموتور
والي بعد الموتور بيخلي المكنسة تبهدل وراها

يا جامد يا استاذ طارق
المشرف بتاع القسم بتاعنا جاب الخلاصة
دا راجل بيعدل على الخواجة فى كهربة العربية
يبقى مش هيعرف يحل مسئلة زى دى
وفعلا كلمة السر فى رفع كفاءة المكنسة 25 % هيا الفلاتر
بس عشان الشقة متتبهدلش
الخطوات هتبقى كالتالى :

1 - هتختبر الاول ان مفيش ثقوب فى الخرطوم من اول ما هو طالع من المكنسة لحد الحتة المبططة اللى بتشفط من الارض........هتولع عود بخور وتشغل المكنسة على الاخر وتمشى دخان عود البخور تحت الخرطوم من بدايتة لنهايتة والمكان اللى هيشفط الدخان هوة دة اللى فية ثقب ........ عالجة بسلوتيب ( لزق ) شفاف عريض سعرة تقريبا 3ج

2 - افتح المكنسة وطلع الكيس اللى بتتجمع فية الزبالة وفرغة تماما واغسلة كويس اوى لو هو قماش ........قبل ما تركبة فية فلتر قبل دخول الهوا للموتور ... شيلة خالص.....وفية فلتر فى نهاية المكنسة عند مكان خروج الهوا بردو شيلة خالص......... ومتقلقش مفيش تراب هيطلع من المكنسة الا فى حالة التراكم الشديد يعنى بعد استخدام اسبوع مثلا......... وعشان تتفادى الموضوع دة يبقى مرة بعد مرة سيدات البيوت اللى بتستخدم المكنسة تطلع الكيس الرئيسى وتفضية وتغسلة وتركبة تانى بعد ما ينشف وتستمتع بقوة الشفط الجبارة ( كل الكلام دة عن تجربة شخصية )

الرجالة هيا اللى جابت الحلول مش السيدات
ولا عزاء للسيدات فى المنتدى

طيب
سؤال بسيط كدة للسيدات حفظا لماء الوجة
ازاى تغسلى سجادة مقاس 2 م فى 3م فى مكان مساحتة متر فى متر وتقريبا بمجهود بسيط جدا