الموضوع: استهلاك بنزين عالي جدا فيكترا 2002 1600 ايكو تك

المشاركة الأصلية كتبت بواسطة buddha

ارتفاع الـــ fuel consumption
ارتفاع الاستهلاك نتيجة لحدوث انسداد فى دورة الـــ Exhaust
وغالبا من علبة الـــ catalyst فبتعمل راجع للموتور وبالتالى استهلاك اكثر

ودى اهم نقطة ودى واحد زميلى بخارج مصر قالهالى وجربتها فى الاوبل لما نزلت مصر وكانت النتيجة اداء موتور ممتاز واستهلاك اقل بكثر

او الخراطيم ال رايحة من التانك على فلتر البنزين

او الـــــ FPR او الــ fuel pressure regulator
ال خرطوم نفسة ال بيروح لية من ال manifold بيكون راكب فية زى مشترك واحد بيدخل فى بلف الراجع وواحد تاى رايح لخرطوم لونة اخضر ومش عارف لحد دلوقتى الخرطوم البلاستيك الاخضر وظيفتة اية

الحل انى جبت خرطوم جديد بتاع 10 سم ووصلنة من المنافول لبلف الراجع مباشرة ولغيت المشترك

الجانب الايجابى ان الخرطوم دة للــ فاكيوم (شفط) لما بيحصل شفط من المنافول نتيجة لضغط رجلك على الاكسراتير المفروض نفس الضغط يحصل على ال FPR وليس اقل منة عشان يسحب بنزين من الطرمبة ويدخلها المسطرة للرشاشات عشان الاداء بتاع الموتور يبقى على نفس حاجة قوة ضغطة قدم السائق
(absolute pressure)

من وجهة نظرى المشترك ال تم الغائة كان بيخلى نسبة الضغط الواقع على البلف اقل من الفعلية نظير اهدار جزء من الفاكيوم وبالتالى اداء ضعيف واستهلاك اكثر


سلبيات النقطة دى بالتجربة مفيش اى ملحوظة انا شايفها بالعكس التانك ال 60 لتر كان بيعمل معايا 450 كيلو دلوقتى اكثر من 620 داخل البلد وعن شرط اغلب الاوقات سرعات فوق 140 وكيك داون كثير جدا

التجربة فى موتور C20NE SOHC 8V
-----------------------------------------------------------------------------------------------------
kiroo85

لو جربت حاجة من ال قولتلك عليها وجابت نتيجة بلغنى ولو انت عملت حاجة والتاثير كان ايجابى يا ريت تقولنا عليها

طبعا انسداد علبه البيئه بيزود استهلاك البنزين لكن بيعمل حاجات تانيه اكتر من زياده استهلاك البنزين واللي هيا كتمه شديده في الموتور و سخونه و ضعف شديد في السحب
والنقط دي صاحب الموضوع متكلمش عنها فدماغي مراحتش لعلبه البيئه لكن الله ينور عليك

انت عملت اه في علبه البيئه ؟؟؟؟


بالنسبه لبلف الراجع !!!!! بلف الراجع موجود في الهاوزنج فوق طلمبه البنزين في التنك !!! ملوش علاقه بالفاكيوم بتاع المنافولد خالص

و وظيفته انه يثبت ضغط البنزين عالرشاشات بغض النظر عن سرعه الموتور

يعني عالسلانسيه بدون بلف الراجع ضغط البنزبن عالرشاشات هيكون اكبر بكتير من الضغط على 6000 rpm


القصه ان اللي بيحصل لو الكنترول عايز يرمي بنزين زياده بيزود الديوتي سيكل للرشاشات و مبرمج على ضغط ثابت للبنزين

يعني من 1000 RPM
الى 6000 RPM
الوضع المثالي ان ضغط البنزبن يفضل ثابت و اللي بيتغير الديوتي سيكل للرشاشات


ممكن اعرف العربيه اللي بتتكلم عليها دي موتورها اه ؟؟؟ و الصوره اللي رفعتها دي مش مواتيرنا في مصر خالص

تحياتي

المشاركة الأصلية كتبت بواسطة kiroo85

>>>

القراية بتاعت -25 % دي كانت قبل القرايات اللي بعتهالك

بس دلوقتي هي -1 % (هي القيمة الافتراضية بتاعتها ايه؟؟)

- بالنسبة للاستهلاك بحسبوا بالتفويل كل تقريبا 20 او 30 لتر.

- الكاوتش الديفولت بتاعها ومفيش جنوط.

- العربية سحبها بحالات اوقات تبقي ممتازة واوقات لأ بس في المجمل جيد.

- حركة العربية سهلة مفيش حاجة.

- بالنسبة لحساس الانتاك اير ده وصل معايا 62 والجو مكنش حار وكنت قريتوا قبل كده 80 من حوالي شهر في الشمس الحارقة هو كده مظبوط ؟؟

- واخيرا انا عندي لو فصلت حساس او اكتر لمبة السيرفس هي اللي بتنور ومرة فصلت حساس الاكسجين بانك2 مفيش اي حاجة حصلت بس لما قريت الكمبيوتر بالاوب كوم لقيته مسجل ايرور للحساس ده وبرضه لمبة التشك انجن منورتش ( هل في اي دلائل من ناحية ecm ) مع العلم ان لمبة التشك بتنور مع المفتاح قبل الدوارة عادي ...

اه كدا ماشي -1% كويس جدا جدا جدا ... المثالي صفر

مش فاهم 20 و 30 لتر دول

لا انا عايزك تفول و متفولش تاني الا لما اللمبه تنور

انتا بتسوق ازاى ؟؟؟

حساس intake air دا درجه حراره الهواء اللي داخل عالبوابه !!! ازاي يوصل 80 دي ؟؟؟؟ انت مركب فلتر رياضي ؟ ولا ستوك شوف كدا الفلتر بياخد هواء منين انت كدا بتاخد هوا من حولين فرن الشكمان ولا اه ؟؟

لمبه العربيه اللي فيها مفتاح دي بتنور فقط مع مشكله كهرباءيه في حساسات المحرك
اللمبه اللي على شكل طرمبه دي بتنور فقط نتبجه زياده الانبعاثات من الحريق و بتعمل فلاش لو الانبعاثات دي هتبوظلك الكتاليزر

فول و استنى اللمبه تنور و نكمل كلامنا ان شاء الله

بس -1% لونج تيرم كدا الله اكبر عربيتك مظبوطه عالشعره من الالف الى الياء بشهاده حساس الاكسجين 1

المشاركة الأصلية كتبت بواسطة kiroo85

بصراحة الموضوع حماسي جدا مما ترتب عليه الاتي:

- روحت وصلت الجهاز بالعربية وفتحت الكبوت وسخنت العربية والقراية بتاعت الانتاك اير كانت في الرنج ما بين 35-40 درجة واللونج تيرم كان ما بين -2 الي -5 % وده مش عارف اذا كان كويس ولا لأ !!!!

- وبعدين قفلت الكبوت والانتاك اير بدأ يوصل لل 60 درجة هوب لاقيت اللونج تيرم وصل ما بين -6 الي -9

وبالتالي لما بوصل بقراية الانتاك الي80 درجة اثناء التشغيل في اليوم العادي ممكن نكون بنوصل باللونج تيرم ل -15 الي -25.

بس لحد كام في اللونج تيرم يبقي كويس او في المدي المقبول ؟؟؟؟

ال z16xe
-15% الى +15%

الهواء كل مدخل سخن الكنترول يرمي بنزين اقل

جرب تفك فيشته و تمشي من غيره