الموضوع: هو ليه مافيش تقرير مفصل عن البيجو ٢٠٨

المشاركة الأصلية كتبت بواسطة Ahmedshalaby

النهاردة قلت انزل استكشف ال بيجو ٢٠٨ بنفسي و اعمل تقرير مبدئي كده عنها
بصراحة العربية فاقت توقعاتي كعادة الاسد الفرنسي
البيزلاين اوتوماتك ب ١٥٠ لكن الحقيقة هي مش بيز لاين ولا حاجة
فيها كماليات اكتر من عربيا كتير تفوقها سعرا زي الريو مثلا
الريو هايلاين خليجي لقيتها في معرض جنبه ب ١٥٥
بصراحة مش عارف ازاي السوق المصري بتاعنا وصل عربية زي كدا انها تعدي سعر البيجو دي و الغريب ان الناس لسه بتجيب الريو باقبال تاريخي
طبعا مش هاتكلم عن صاج العربية القوي جدا و الصالون البالغ الفخامة مع تقفيل فرنساوي مايخرش الميه و ماتيريالز ماشاء الله
البيز لاين فيها
جنوط سبور ١٦
طارة مالتي فانكشن
كروز كنترول و سبيد ليميتر
مرايات طي كهربا
اشارات بالمرايات
شاشة ديجيتال بالتابلوه
على فكرة نسيت اقول ان العربية ١٦٠٠ سيسي و بتدي ١٢٠ حصان ما شاء الله
طبعا دا بالاضافة للحاجات العادية بلوتوث و يو اس بي و اي يو اكس
الهايلاين ب ١٦٨ تزيد عنها
سقف بانوراما
زينون و ليدات بالمصابيح
باركنج سنسور مع كاميرا
الطارة جلد طبيعي
سنسور مطر و سنسور اضاءة

دي الحاجات اللي انا فاكرها الصراحة لانها كانت كلها رفاهيات مش اساسيات باستثناء الباركنج سنسور في نظري
لكن بصراحة العربية جامدة جدا و مش عارف ايه اللي يخلي الناس كلها جايبة الريو ب ١٥٥ الخليجي رغم انها مافيش وجه مقرنة بينها اساسا
ولا انتشار الريو دا كان قبل الزيادة الرهيبة في سعرها دا اللي عداها الفئة بتاعتها بكتير

تعليقاً علي الكلام اللي حضرتك قلته واللي أنا معلم عليه بالخط الأزرق, أحب أقول,,




بس تعمل أيه بقي,, أحنا سوق وأقتصاد عجز عن تفسيرة العالم أجمع.!
حتي في عز الأزمة الأقتصادية لما كانت البنوك بتفلس في أمريكا السنين اللي فاتت وأزمة الرهن العقاري,,
كانت حركة البيع والشراء في مصر في سوق العربيات وغير سوق العربيات ماشية وفيه أقبل وزي الفل,,
والناس كانت في أوروبا وأمريكا بتستغرب المصريين اللي هوا مفروض شعب دخله مش عالي عايش كدا أزاي ولسه بيشتري حتي في ظل الجمارك العالية والظروف الأقتصادية الصعبة ؟؟
طبعاً كله بالستر والبركة وبركة دعاء الوالدين.


كان زميل معانا هنا في القسم قال حاجة مشابهه وهوا عنده حق فيها, وأنا كنت متفق معاه في رأية,
ودلوقتي أنت أأكدت نفس الرأي بكلامك عن الفرق ما بين 301 وال 208 والريو,
أو ال 3008 والكارينز الجديدة.

المشاركة الأصلية كتبت بواسطة Akram.Gamal

حضرتك كلامك صح يا دكتور
وللكن فين السعر ده
يا دكتور عمروالكارينز ب ١٨٠ ل ٢٢٠ الف
طب انا ليه مركبش بيجو ٣٠٠٨ مثلا والله المفروض نعمل حملات توعيه ههههه

http://www.nilemotors.net/Nile/37901...post3875188310



طبعاً ألف شكر علي مشاركته دي اللي عرفنا منها عن تجهزيات ال 208 بيز لاين وهاي لاين,
وطبعاً وااضح لأي حد إن البيز لاين في البيجو, يتقارن بالهاي لاين للعربيات التانية,!

ووسائل الأمان اللي حضرتك ذكرتها في تاني مشاركة بتنزل طول عمرها أستاندرد في البيجو في كل الفئات,, ومش بتنزل كأوبشن فقط في الهاي لاين زي ما في العربيات الكوري,,

والهاي لاين في البيجو دي حاجة سابقة زمانها كعادة بيجو طول عمرها,,

وفعلاً أحنا لازم نعمل حملات توعية عشان نوعي الناس والوهم اللي بقو فيه إن الكوري أرخص, وإن الأوروبي غالي ونار والأساطير دي,,

شكرا تاني علي التقرير والمواصفات,,