مقارنة لشراء سيارة

**AmrMohmmed** · 22-09-2013 09:31 PM

السلام عليكم و رحمة الله

أنا بقارن بين شراء سيارة تويوتا كورولا 2014 و بين كيا سيراتو 2014 وكنت اريد معرفة الأفضل بين السيارتين وتكون المقارنة من وجهة نظر محايدة بناء على إمكانيات كل من السيارتين أسعار قطع الغيار والخدمة فى التوكيل عيوب كل من السيارتين سعر كل من السيارتين أو أسعار فئات السيارتين

لو إن هناك من يعلم أسعار قطع غيار الكيا سيراتو 2014 الشكل الجديد أو حتى كيا سيراتو الشكل القديم ممكن يقول لى على أسعار قطع الغيار الشائعة على سبيل المثال أسعار قطع غيار السيرفس الفوانيس الأمامية و الخلفية الطنابير والتيل الأمامية والخلفية المرايات الجانبية

**abofandy** · 22-09-2013 11:07 PM

المقارنة ستبقى مقارنه سعرية ... اقصد .. لقرب سعر السيارتين من بعضهم لبعض
لكن الكفه سترجع ناحية الكورورلا في معظم الاشياء :
1 - سياره يابانى اى نعم تقفيل تركى ولكن لن تعطى تويتا توكيل لاى بلد الا بمواصفات جودة معينة
2 - اعتمادية
3 - قطع غيار متقارب ومفيش حاجة رخيصة دلوقتى في قطع الغيار السيارات الجديده كلها نار
4 - سعر اعادة البيع لصالح التوييتا ( المقوله الشهيره ان من معه تيوتيا فان معه قطعة ذهب يكفى ان موديل 2007 يباع حتى الان باسعار خيالية قد تقارب سعر سياره جديدة زيرو مثلا : هناك تيوتا 2007 تباع 140 الف جنيه ممكن تشترى بهذا السعر سيارة نيسان صنى 2014 او هيونداى اكسنت 2013 او هيونداى الالنترا 2013 ))
5 - الثبات في هذا الموديل يميل ناحية الكورورلا خصوصا بالثبات الالكترونى الموجود بها vsc

**د.عماد صلاح** · 22-09-2013 11:44 PM

مفيش كلام بعد اللي اتقال ...تويوتا

**OilMan** · 23-09-2013 10:10 AM

والله مش لاقى حاجه ااقولها بجد الردود كلها سكتتنى وعرفتنى انى مش انا بس العاشق للتويوتا (كرولتى معشوقتى)

تحية للجميع

**S O P H O S** · 23-09-2013 12:46 PM

بصراحة تويوتا برضوا

**dr.amr** · 23-09-2013 12:57 PM

انا لسه بايع سيراتو 2013 الشكل القديم وجبت كورولا الجديده

مش هقولاك غير كورولا

**AmrMohmmed** · 23-09-2013 01:16 PM

السلام عليكم

شكرا لكل الردود لكن أنا سؤالى لأن أنا خبرتى بالألمانى بالتحديد bmw وأنا بسأل لشخص معرفة وهو كان بيسألنى على الكيا سيراتو 2014 (الشكل الجديد) والتويوتا كورولا 2014 (الشكل الجديد) وأنا طبعا لأنى مش اعرف إمكانيات السيارتين سألت

المشاركة الأصلية كتبت بواسطة dr.amr

انا لسه بايع سيراتو 2013 الشكل القديم وجبت كورولا الجديده

مش هقولاك غير كورولا

يعنى حضرتك يا د/عمرو من واقع تجربتك بترشح لى التويوتا كورولا. هل التويوتا المتواجده معك حاليا التويوتا كورولا 2014 الشكل الجديد. أسعار قطع الغيار لو حضرتك عندك خلفية بها على الأقل الشائعة التغيير كالتيل و الطنابير و أسعار السيرفس (بوجيهات, فلاتر (هواء, زيت وبنزين) وسيور)

وفى النهاية ما الفارق/الفوارق بين التويوتا كورولا وبين الكيا سيراتو الذى جعل حضرتك ترشح لى التويوتا كورولا؟

**dr.amr** · 23-09-2013 02:01 PM

المشاركة الأصلية كتبت بواسطة AmrMohmmed

السلام عليكم

شكرا لكل الردود لكن أنا سؤالى لأن أنا خبرتى بالألمانى بالتحديد bmw وأنا بسأل لشخص معرفة وهو كان بيسألنى على الكيا سيراتو 2014 (الشكل الجديد) والتويوتا كورولا 2014 (الشكل الجديد) وأنا طبعا لأنى مش اعرف إمكانيات السيارتين سألت

يعنى حضرتك يا د/عمرو من واقع تجربتك بترشح لى التويوتا كورولا. هل التويوتا المتواجده معك حاليا التويوتا كورولا 2014 الشكل الجديد. أسعار قطع الغيار لو حضرتك عندك خلفية بها على الأقل الشائعة التغيير كالتيل و الطنابير و أسعار السيرفس (بوجيهات, فلاتر (هواء, زيت وبنزين) وسيور)

وفى النهاية ما الفارق/الفوارق بين التويوتا كورولا وبين الكيا سيراتو الذى جعل حضرتك ترشح لى التويوتا كورولا؟

انا رديت علي رسالة حضرتك
لكن المقارنه بين الكورولا الجديده والسيراتو القديمه حرام ولا تجوز شرعا