ياريت كل واحد عارف نوع دوكو معين
يتفضل يقول نوعه وكمان لو يعرف سعره
انا حاسس انه بجد هيكون موضوع مفيد جدا لكل الأعضاء
وأسف لو كان الموضوع مكرر
عرض للطباعة
ياريت كل واحد عارف نوع دوكو معين
يتفضل يقول نوعه وكمان لو يعرف سعره
انا حاسس انه بجد هيكون موضوع مفيد جدا لكل الأعضاء
وأسف لو كان الموضوع مكرر
شوف ياسيدي في انواع كتير
نيتدي بالأضف (اسكنز) وده صناعة هولندي والكيلو تقريبا 500 جنيه من غير مشتملاته واللي هي (المثبت -والتنر-الورنيش) يعني تخش في حسبه 1200 جنيه بويه بس
وفي الايطالي وده بردوا كويس والكيلو يعمل تقريبا 250 الى 300 جنيه و زيهم مشتملاته
وفي المصري طبعا والكيلو 150 بمشتملاته
طبعا ده غير علب المعجون بردوا حسب النوع انا عن نفسي جربت الكابسي ممتاز والاستوك بردوا ممتاز
المعجون نوعين عادي وفايبر والسعر حسب حجم العلبه من 18 جنيه اللى 25 في العادي
والفايبر بيزيد 2 او 3 جنيه
المعجون العادي في منه لونين الاحمر والرمادي انا بفضل الرمادي لانه بنشف بسرعه والسعر في اللونين واحد
اما المعجون الفايبر لونه أخضر والخامه مفروله
ولو هترش مقابض البيبان والمرايات بتحتاج ماده اسمها (عازل) ده بيترش قل الدوكو
ارجوا اني اكون افدت الناس ولو في اي حاجة انا تحت امرك
وان شاء الله قريب اتأكد من الاسعارلاني سمعت انها زادت
طب العربية لو عاوز اديها حقها بتاخد كام كيلو بويه؟
طيب لو عايز أرش الاكصدام .. أعمل ايه علشان أتا شفت اكصدامات كتييير بتقشر بعد رشها وذلك من أقل خبطه !!!
أشكر العضو badblood على هذا الشرح الكافي الوافي .. بس كنت عايز أسأل عن رش الاكصدامات .. كيف أتجنب حدوث تقشير بعد رشها .. وما الاحتياطات اللي اتبعها في تحضير الخامات ؟؟ وهل كثر المعجون غلط ؟ وهل لحام الفيبر متين ؟
انا جبت نوع مصرى بس انا كنت عاوز اعرف ايه المثبت والورنيش هل ممكن ارش ورنيش اسبراى عادى من الجاهز
أنا جبتوة من موزع معتمد لسكنز فى الحرفيين والراجل
حلف انه الأصلى ومكتوب عليه هولندى
ياباشا والله دة السعر الحقيقى بتاع الكيلو وعلى فكرة
السكينز اصلا مش بيجى معاه ورنيش
بيجى معاه مثبت وتنر بس و متبرشمين فى علب سكينز
الأصلى علشان هيه اصلا مش بتحتاج ورنيش علشان
البوية بتبقى لامعة جدااااا لوحدها غير المصرى لازم
ورنيش علشان بيطفى بعد 3 شهور بالكتير وبعدين
الورنيش دة مش غالى تقريبا بحوالى 20 جنية أو أقل
ممكن يكون محمود سمع من اى واحد من بتوع الدوكو اللى
بيشتغلوا الناس...وعايز اقولك انت لما تتفق مع حد بتاع
دوكو اتفق معاه على مصنعية وكابينة فقط علشان
مايشتغلكش.
بمعنى انك لو اتفقت معاه على كله هيقولك مش اقل من
2000 جنية علشان هيقولك هيجيب بوية سكنز بس انسى
مش هيحصل...واللى هيحصل انه لو عربيتك هتاخد 2
لتر هيجيب 1.5 لتر أوميجا مصرى و النصف لتر الأخير
هيبقى سكنز علشان الشكل.
يعنى هيبقى كسبان فى الشغلانة دية مش اقل من 1600 جنية
لكن لو انت اللى اشتريت الخامات هتقف ارخص بكتيير
وهتجيبها كلها سكينز ودة اللى حصل معايا.
اشتريت 2 لتر بويه سكنز كلها ب 540 جنية جبتها
وخدتها معايا البيت علشان ماتتبدلش و جبتها على ميعاد الرش فى الكابينة .
و وهوه هياخد حوالى 500 بالكتييرررر أوى شغل ايدة
من تجهيزات سحق وصنفرة وبطانة وخامات اولية زى
المعجون الأبيض ولزق وجرايد وخلافة .
وهتدفعلك 80 جنية ايجار كابينة فرن + 20 جنية
للصنايعى بتاع الكابينة اللى هيرش العربية ودخلت معاه
الكابينة وشوفت العربية وهيه بتترش علشان ميغيرش
البوية ويحط مصرى و يرجع السكينز وياخد الفرق ودة اللى بيحصل دايما.
يبقى كدة الحوار كلة حوالى 1140 يعنى قول 1200
بالبقشيش ....ودة بالكتيييييير اوى وتبقى كلها سكينز
طيب يا شباب استأذنكو فى ايضاح بعد المعلومات
1- مكان الموزع المعتمد ل اسكنز فى الحرفين " مكانه و اسمه و رقم تلفونه اذا امكن "
2- منين اشترى الورق الابيض و اللزق الورق الى بيتحط على العربيه . و هل بيتباع بالفه ولا ازاى ؟
3- احسن نوع معجون ؟
4- هل فى معجون مخصوص لاكصدامات ؟
5- درجه لون البويه .. هل بتتحدد عن طريق كود اللون الى موجود مع العربيه " جوه الكبوت " ولا بتتقاس ازاى ؟؟؟؟؟ يعنى هل فعلا فى مراكز ممكن اشترى منها البويه بكود اللون ؟
** عندى الكبوت فيه نغزه كبيره تحت عضم الكبوت هل فى حل للموضوع ده لانى سالت واحد و قالى شبه مستحيل ان حد يعرف يسمكر خبطه او نغزه تحت عضم الكبوت .
1- والله ياباشا مش هعرف اوصفلك بالظبط بس اللى أقدر أقولهولك انه قريب جدا من مركز السمكرى الشهير سمير على خليه على شمالك وتمشى لأخر الشارع بتاعه وتسأل هناك على موزع اسكينز.فيه ناس قدامة بتوع قطع غيار بي ام .
2- بكر اللزق عند اى حد بتاع بويه هتلاقيها عند نفس الراجل وبتجيب جرايد قديمة من اى حتة.
3- أحسن نوع معجون تقريبا كابسى-اللون الأبيض
4- فيه معجون مخصوص للفايبر اسأل عليه
5- اللون بتجيبة بنفس كود اللون بتاع العربية هات الرقم وادية للراجل وهيطلعهولك من على الكمبيوتر.
**النغزة دية ليها حل تبعا بس عايزة سمكرى حريف هيعملك خرم صغير فى النغزة و هيسخن عليها ويشدها بخطاف من جوة لحد ماتتقرب وبعدين هيلحم مكان الخرم و كل دة هيتدارى بالمعجون.أنا شفتها كتير عند السمكرى بتاعى.
تصدق بقى انك راجل برنس بجد http://nilemotors.net/Nile/images/icons/icon7.gif انا فعلا جه على بالى موضوع انه يخرم فى الصاج و يستعدل النغزه ديه بحاجه زى خطاف فعلا .... مع انى مكونتش واثق ان فى حد ممكن ينفذ الموضوع ده و مكونتش عارف اساسا اذا كانت فكرتى صح ولا لا " كده ممكن انفع سمكرى " حتى الراجل الى اتكلمت معاه برده هبط معنوياتى فى موضوع الكبوت ده و قالى مش حعرف اعمل فيه حاجه و الصاج حيلب و يبقى ضعيف لو فكينا العضم .
الف شكر يا اكسلنس على المعلومات الجامده ديه , بجد افادتنى جدا علاشان انا بظبط موضوع رش العربيه بالكامل فى دماغى و عاوز اجيب كل حاجه بنفسى و اعمل العربيه زى منا عاوز بدون " استكراد و حوارات " الصنايعيه .
طيب يا باشا لو تعرف سمكرى " زعيم " يعرف يقوم بالموضوع ده فى الحرفين ياريت تقولى عليه او تديلى رقمه .
العفو ياباشا و أتمنى انى اكون فيدتك
انا بتعامل مع السمكرى بتاع العائلة أكتر من 30 سنة وأسعارة كويسة جدا بالنسبة للسمكرية المودرن بتوع اليومين دول اللى بيغيروا الصاج من غير مايتعبوا نفسهم ويسمكروا.
اسمه الأسطى عيسوى ودة رقم الموبايل :- 0103036989
مكانه أخر شارع جمال عبد الناصر بعد ما تعدى الترعة تدخل أول شارع شمال هتلاقية قدام شوية على اليمين.
كلمة وهوه هيوصفلك بالظبط.
و اى استفسار انا موجود.
السلام عليكم Xlans باشا
ياريت لو تكرمت تعرفني العنوان بالضبط للسمكري اللي بتعمل عنده ولو أمكن نتقابل انا وانت تشوف عربيتي الإبيزا فيها شوية تظبيط بس محتاجه سمكري محترف عشان يرجعها لأصلها وكمان لو تكرمت تتكلف كام عشان تتظبط وانا ممكن أصورلك الخبطات اللي عندي وكمان تساعدني في عمل الدوكو عند نفس الناس اللي تعاملت معاها وجزاك الله خيرا وياريت تبعتلي عنوانك وفين ممكن نتقابل وتليفونك انا عامة من عين شمس قريب من جسر السويس عند ألف مسكن
الف شكر يا باشا على اهتمامك
ان شاء الله فى القريب العاجل حكلمه علاشان يشوف الكبوت
شكرا ليك مره تانيه على المعلومات الجامده ديه http://nilemotors.net/Nile/images/icons/icon14.gif
انا سألت انهارده على بويات سكينز عند المستورد وباعتني لواحد في الحرفيين وبتاع الحلافيين بعتني لاقرب واحد ليا في المعادي وفي الاخر
الاسكينز الميتالك480 جنيه والعادي 300 جنيه
والله انت ابن حلال انا كنت لسا هرمي الورقة اللي مكتوب فيها الارقام
الوكيل بس ده بيبيع بالجملة في العتبة/ 25895041
حولني على الراجل ده موزع جملة في الحرفيين / 26972506
حولني على اقرب محل من المعادي في غين الصيرة -حتة اسمها الخيالة(ماعرفهاش) اسمه مركز البطل 0122402784
شكرا علي الموضوع الجامد
فى نوع اسمه ماكس مير ايطالى ممتاز الكيلو 140 جنيه شامل المثبت والونيش والتنر
:verygood::verygood:
موضوع هايل و ياريت يتنقل لفرع جسم السيارة داخليا و خارجيا للافادة
موضوع جميل شكرا على الافاده
معلومات رائعة جدا وشكرا لكل من شارك
موضوع هايل يا جماعة ألف شكر على المعلومات دي :d
متشكرين يا جماعة على الموضوع ده
انا دلوقتي بسمكر لانسر بومة و بتاع الدوكو هيجيب اوميجا هل هي كويسة ولا ايه و تاخد كام كيلو تقريبا و الكيلو بكام
و شكرا
طيب بالمناسبة حد يعرف معلومات عن سبراي برايمر ألاقيه فين و بكام؟
---------------------------------------------------------------
والله يا اكسلانس باشا برافو برافو عليك:satelite: انا احترم الناس اللي تعمل كده و بغض النظر عن التوفير في الموضوع المهم انك استخدمت خامات انت واثق منها و ما اديتش للصنايعي فرصة انه يضحك عليك و يشتغلك و دي في حد ذاتها حاجة عظيمة جدا
تحياتي يا باشا
محمد فهمي
الاكصدام اكسر عندى ولحمته فايبر بس عايز ارشه قالو هايكلف 150 ياترى سعره كدة مناسب ولا ايه واعمله فين يعنى لو حد يعرف وشكرا