اقتباس المشاركة الأصلية كتبت بواسطة amrelsaqqa مشاهدة المشاركة
ياه ، اول مرة اعرف الكلام ده
ربنا سترها معايا بقى
انا مشيت اسبوع كامل بالعربية بدون نمر وسافرت المنوفية كمان بيها وهى كدة

والعيب القاتل في الموضوع ده بقى ، العين الرهيبة اللى العربية بتاخدها
أنت حظك حلو,, وناس كتير الموضوع بيمشي معاها بالبركة,,
لكن دا مش قانوني, بمعني أنك لو خرجت بالعربية من المعرض من غير نمر,
و وأنت مروح بيها خبطت واحد عشان العربية لسه جديدة ومش واخد عليها ولا مش عارف تسوق,
وطبعاً رد فعل أي واحد مش معلق نمر ومش عايز مصيبة هيجري,, خد هيعرف يجيب حق الراجل اللي أتخبط ولا يجيبك وأنت مش معلق نمر ؟


المعارض المفروض أنها يكون عندها نمر تجارية بعدد العربيات اللي عندها, عشان لما حد يشتري منه عربية زيرو يديله نمرة لحد ما يرخص, أو يأجرها له لحد ما يرخص.

بس عشان المعرض مش بيبيع كل يوم, وعشان النمرة التجارية بيدفع عليها ترخيص سنوي أغلي من النمر العادية, مش بيجيوبها,
وعشان الزبون ميهربش أو يطلع من عندهم يدور علي نمر ويشوف معرض تاني ويغير كلامه, هتلاقي كل المعارض تقولك أنك من حقك تمشي من غير نمر, والمحضر دا يغني وهوا مش محضر ولا بتاع وعإن العربية بورقها لسه وهيعدوك لو وقفت في لجنة عادي,,

بس كل دا في الهجس.
ولو وقفت في كمين محترم, والظابط غلس,, قانوني أن العربية تتحجز طالما أنت ماشي مش معلق نمر والعربية مش مرخصة,


وبالنسبة لموضوع العين,, دا طبيعي في مصر بسبب العين,
أنا بعد ما جبت العربية في أول أسبوع ودي مبتحصلش عربية مطافي بتدير في الشارع خبطت لي الرفرف الامامي شمال :(
وبعديها طلعنا صدقة أو زكاة عن العربية,, والمفروض دي تتعمل أول ما تشتريها عشان العين, وشكر لربنا علي النعمة اللي أنت فيها.