الموضوع: تقرير مصور نيسان تيدا الجديدة 2014

السلام عليكم

النهارده روحت توكيل نيسان ( قطر ) مع واحد صاحبى عشان عايز يتفرج على التيدا الجديده قولت أصورهالكم كام صوره كدا

المواصفات

ABS EBD BA و 2 إيرباج

موتور 1600 سى سى 113 حصان 154 نيوتن

فتيس أوتوماتيك CVT XTronic

تعليق أمامى MacPherson خلفى Torsion Beam

تقفيل تايلاندى

الأبعاد طول 4305 عرض 1760 إرتفاع 1520 قاعدة عجلات 2700 الشنطه 310 لتر

الكماليات زى ماهو موضح فى الصور جنط سبور 16 وطاره ملتى

السعر 62 الف ريال

وفى واحده قبلها فاضيه طاسات ومفيهاش ملتى وكمان مش الكاسيت الأصلى مركبين فيها Kenwwod سعرها 58 الف ريال

معظم الكماليات هاتكون فى ال 1800 ودى سعرها 73 الف ريال بس مكانتش معروضه

فيها فوج لايت وسمارت كى ومثبت سرعه وتكييف أوتوماتيك والسى دى بشاشه 4.3 بوصه ومخرج USB ( وتقريبا كاميرا وسنسور بس مش متأكد )

وفى فئه ب 78 الف فيها فرش جلد وفتحة سقف و 6 إيرباج

بمقارنتها بالتيدا القديمه

الشكل أحلى بس من وجهة نظرى مش دا الشكل اللى المفروض يتعمل لعربيه بقالها 10 سنين !! المفروض يبقى مطور عن كدا , دا بالكتير أسميه Facelift

الموتور تقريبا هو هو , الفتيس إتغير وبقى CVT , قاعدة العجلات زادت 10 سم والمفروض إنها بقت أوسع شويه والشنطه أكبر شويه , مع إن القديمه كانت واسعه برضه ماشاء الله

مستوى الخامات والتقفيل تقريبا زى القديمه التقفيل التايلاندى مش وحش

أتمنى لما تنزل مصر سعرها مايعلاش أوى عشان تقدر تنافس , وكمان مفيش أسباب قويه تخللى السعر يزيد لأن مفيش تغييرات كبيره , أبرز تغيير هو الفتيس

وكمان إنتاج العربيه فى تايلاند أكيد أوفر من المكسيك واليابان

ياريت برضه التوكيل ينزل السينترا اللى تعتبر أخت التيدا الجديده فى كل شئ بس بشنطه , لأن مفيش تيدا سيدان تانى تقريبا

بالتوفيق لكل محبى نيسان