يارجل اول فئه ميتسوبيشى نازله من غير كاسيت 2014 معقوله طبعا البيجو احسن فى كل حاجه
يارجل اول فئه ميتسوبيشى نازله من غير كاسيت 2014 معقوله طبعا البيجو احسن فى كل حاجه
أنأ بصراحة مش عارف ليه فيه ناس لسه بتشتري البومة دي !!!
عربية بقت تجيب الاكتئاب لما الواحد يشوفها من كتر ما قدمت ... ولسه بتتباع زيرو ، لا وكمان لسه الناس بتشتريها زيرو :) .. شوف المفارقة يا جدع :)
وكفاية اسمها .. فيه حد يجيب عربية اسمها .. بوووومة :)
فعﻻ انا باستغرب من ان فيه ناس لسه بتشتريها زيرو
البومه ميزتها اعتماديه و سعر اعاده البيع ممتازه جدا لكن انا لومكانك هختار بيجو 301 شكل افضل وسعر مناسب للمواصفات خصوصا ذا كنت من القاهره لان مراكز التوكيل والصيانه متوفره عكس لو فى الصعيد هتبقى مشكله
انا بفضل لانسر و انا البومة اشتريتها قبل كدة مرتين زيرو 2006 و 2008
و 2008 كانت هاف سبور قعدت معايا 5 سنين مكانش فيها اى عيب نهائى كل اللى كان مضايقنى منها العفشة ناشفة شوية و الفتيس ال cvt تحفة و مفهوش مشاكل خالص
بس انا شايف ان العربية كان اخرها المفروض 2008 و نزل شكل جديد منها
و الانسر شارك اتظلمت بسبب البومة اللى لسه بتنزل لحد دلوقتى
فا انا عن نفسى شايف ان لانسر بومة احسن من 301 طبعا بس مينفعش حد يجيبها 2014
اصرف نظر عن البوما لكذا سبب اول حاجة عربيه في الشارع بقالها عشر سنين واوبشن عاااادي جدا جدا جدا مقارنه بعربيات في نفس الفئة السعريه تاني حاجة انا سمعت كلام ان البوما اخر شكل ليها السنادي وده معناه انك لوجبتها ونزل شكل جديد بعدها هتخسر فيها كتير انا رايي ال 301 افضل لو بنتكلم في المقارنه دي وفكر في الشارك 2013 كسر زيرو افضل بكتير من البوما
طالما ذكرت البيجو 301 يبقى لازم تفكر جديا فى توأمها الجميلة ستروين سى اليزية ... السيارتين واحد باختلاف الشكل الامامى للسى اليزية اجمل من 301 ... والسى اليزية ارخص من 301 ...
http://www.nilemotors.net/Nile/356605-a.html
http://www.nilemotors.net/Nile/404042-a.html
هذا زمن البيجو 301
أما زمن البوما فقد.. ولّى وراح.
والله أعلم.
بيجو 301
وكفايه على البومة لحد كده
تخيل كده لما العربية تقعد معاك 5 سنين
وتيجي تقول للبيع بومة موديل 2014 للبيع في حين ان في منها نفس الشكل موديل 2007
يعني هيبقا عدى على الشكل حوالي 12 سنة