دة رأى الشخصى والله اعلم :))
أنا أميل أكثر إلى البيجو 301....أشيك و مواصفات أوروبى و صاج أثقل
لكن برده لما تركب عربية مجربة فى السوق و قطع غيارها متوافرة بأسعار رخيصة...تكييفها كويس و الأوبشنز ضايعة شوية مش مشكلة....لما تروح تصلحها حتعرف تتصرف عند أى مركز صيانة أو ميكانيكى شاطر ....مش حتبقى خايف من توكيل أو كمبيوتر و الحركات دى....سعر إعادة البيع مبفكرش فيه غير بعد 6 سنوات....شوف إنت عايز إيه فى العربية...إعتمادية و يوم ما تعمل صيانة تدفع قليل...لمل تروح لسمكرى ميغليش عليك...و لا برده عايز عربية حلوة برستيجها أحسن صيانتها تكلفتها فوق المتوسط..و أوبشنز كويسة....بس الصراحة اللانسر كفاية عليها 110 ألف
حضرتك سألت نفسك ليه أركب عربيه من ١٠ او ١١ سنه فاتو في التكنولوجيا
كأنك بالظبط شاريها من ٢٠٠٤ و رفعتها
ايه المتعه في كده
سبحان الله اعذرني انا صريح مش بحجر على رأيك بس عندي شجاعة اقولك انك غلط :)
بتمنالك الخير بس بجد اركب شيء تكنولوجيا سنة ٢٠١٥ يا راجل دنت هتدفع ١٢٥ الف تقريبا
عشان تركب زيك زي واحد من ١٠ سنين :)))) على الاقل هو كان راكب حاجة يا سلام
انت ركبت ايه ؟؟؟؟؟
ربنا يهدينا للخير حيث كان
بص انا هاقولك المفيد في اي مقارنة شبه دي
اي عربية عدى علي تصنيعها اكتر من خمس سنين بتبقى عربية معظم المشاكل اللي فيها اتحلت
عندك مثلا. كورولا ٢٠٠٢ لحد ٢٠٠٧
لانسر بومة من ٢٠٠٣ لحد ٢٠٠٨
اوكتافيا a4 ، فيرنا ، و غيرهم كتير
تكرار الشكل له شوية مزايا زي توافر قطع الغيار أصلي و استيراد و مضروب،
سهولة حل الاعطال بحكم ان العربية اتعرفت جوا التوكيل و براه
سعر اعادة بيع كويس نسبيا
وجود اكسسوارات داخلية وخارجية
فكر في الموضوع من وجهة النظر دي في اي عربية
انا من رايي الانسر شارك تكسب في مقارنة زي دي ، عربية موجودة من ٢٠٠٨ و غيروا موتورها من ١٥٠٠ ل ١٦٠٠ سعر اعادة بيع حلوة لو البومة شكلها قديم
و ربنا يوفقك لما في الخير ليك
البومة من 2011 تقفيلها وحش جدا وبتتقفل فى تايلاند وعن تجربة والعفشة بقت وحشة جدا مش زى القديمة ونفضوها من الكماليات خليك فى ﻻنسر شارك دا احسن اختيار
معلومة بسيطه ان الشارك شكلها هيتغير مش اقل من ٦ شهور لأنها من ٢٠٠٨ نفس الشكل داخله في سبع سنين اهو
معرفش هتبقى مبسوط لو اتغير عليك شكل جديد في اقل من سنة بس لازم تعرف ده و انت بتقرر
انا رايي 301 افضل من البومه لان العربيه لسه مستقبله جاي وانا اتوقع انها تكون السياره الاكثر مبيعا في مصر دا لو سعرها ما رفعش عن كده