ميتسوبيشي لانسر بومة اوتوماتيك زيرو ام بيجو 301 اوتوماتيك زيرو

**ahmedteam** · 24-09-2013 12:44 PM

انا هقولك البومه علشان الانتشار و الاعتماديه

البيجو 301 لسه جديده و محدش جربها اوى فى اعطال و صيانات علشان كده الحكم عليها صعب من وجهه نظرى

قارن بين عربيتين منتشرين علشان يبقى الحكم عادل

**nyzo** · 24-09-2013 12:56 PM

المشاركة الأصلية كتبت بواسطة ahmedteam

انا هقولك البومه علشان الانتشار و الاعتماديه

البيجو 301 لسه جديده و محدش جربها اوى فى اعطال و صيانات علشان كده الحكم عليها صعب من وجهه نظرى

قارن بين عربيتين منتشرين علشان يبقى الحكم عادل

البومة أنا عارف إنها عربية كويسة بس ده في الموديلات القديمة 2007 و 2008 و 2009, لكن الجديد 2014 معرفش إيه اخبارها بالاضافة إلى إنها فكرة جدا من حيث الoptions و كتير عليها 130,000 جنيه بالمواصفات ده.

عشان كده ابتديت افكر في البيجو 301.

فا محتاج نصيحة في الموضوع ده.

مع الشكر.

**Ahmedshalaby** · 24-09-2013 02:30 PM

انا كنت في نفس حيرتك دي و في الاخر اخترت البيجو ٣٠١
بالنسبة لموضوع التقفيل هو في مصانع بي اس ايه في اسبانيا و العربية كلها بتتجمع هناك مافيش تركيا ولا المغرب في الموضوع و كل اجزاء العربية فرنساوي و لو فيه حاجة من مصانع بيجو في المغرب هتلاقي فانوس او حاجة كدا اكسسوري يعني
الخلاصة هي فرنساوي تقفيل اسباني
و لعلمك بقى يا ريت كانت تقفيل تركي التركي عالي جدا في التقفيل و شوف الكورولا الجديدة وانت تعرف
ثانيا انا اخترت البيجو بصراحة لاني شايف ان السعر مقابل القيمة مناسب جدا على عكس البوما اللي موجودة من ٢٠٠٢ و كانت من سنة ب ١١٠ و دلوقتي وصلت ١٤٠ و مش الهايلاين كمان
بالنسبة لقطع الغيار لو هتجيب الاصلي من التوكيل يبقى مش هتفرق في الاتنين
بالنسبة للاوبشنز والركوبة انا شايف انها في صالح البيجو انا كان معايا زمان ٣٠٧ و كانت احلى حاجة فيها ركوبتها و الاوبشنز اللي فيها
الناس بتقول العربية دي ليه نازلة كدا و اكيد فيه ان في الموضوع لكن الحقيقة انها العربية الوحيدة اللي لسه بسعرها و اول ما يعدي عليها سنة في السوق المصري هتشوف انها هتختلط باللسعار بتاعتنا و هتوصل ١٥٠ ان ماكانش اكتر
لكن هي نازلة بسعر تسويقي بحت عشان تعمل ارضية في الاسواق بتاعتنا
طبعا البوما مافيش كلمة عليها و يا رب تطلع ال٣٠١ في اعطالها و استخدامها بعد عمر طويل زي البوما كدا لكن انا واحد من الناس شايف ان حرام اجيب بوما ٢٠١٤ بنفس شكل ال ٢٠٠٢ و كمان بنفس الكماليات و الاوبشن و سعرها عدا ١٤٠

**maxx** · 22-10-2013 10:29 PM

المشاركة الأصلية كتبت بواسطة ahmedshalaby

لكن انا واحد من الناس شايف ان حرام اجيب بوما ٢٠١٤ بنفس شكل ال ٢٠٠٢ و كمان بنفس الكماليات و الاوبشن و سعرها عدا ١٤٠

مفيش كلمة تانية احطها بعد الجملة دي عن اللانسر البومة ...

ال 301 ... قيمة مقابل سعر افضل من الريوا و الاكسنت بالنسبة ليا ... ثبات افضل و اداء فرامل مقابل الاكسنت و ما اعرفش حاجة عن الريو في الموضوع ده ... اعادة البيع مش فارقة معايا كتير يمين شمال هخسر لو فكرت ابيع فخلاص اركب اللي على مزاجي

و غير كل ده اهو ندخل دم جديد السوق الميت بتاعنا ده ... احنا في حالة شبه احتكار من الكوري في الفئة المتوسطة دي ... اهو النيسان نزلت تنافس شوية و الجين تو وكيلها مضيعها مع خاماتها الداخلية.

انا شايف ان المستقبل لل 301 ... و اتمنى سعرها ما يرفعش بجنان بعد سنة و لو اني متوقعه في ظل السوق بتاعنا