العربية ما بتدورش

**ahmedom** · 24-09-2013 11:08 AM

السلام عليكم ورحمة الله وبركات

عندى عربية ستروين zx موديل 98 العربية شاريه من شهر

بعد اسبوع من شرائها لاحظت حاجه ان العربية ما بتدورش من اول مرة ولازم ادور المفتاح وادوس بنزين على طول لحد لما تدور ولو وقفت العربيه العربية تبطل خالص ولازم اعيد ادور تانى وادوس بنزين ومرة اعدت ادور لحد لما شوفت دخان طلع من التبلوه

بالنسبة للكهربا انا عندى مروح وبشغلها بتشتغل عادى جدا وصوت الكلاكس كويس ولاكن لاحظت انى لما بجرى بيها بلاقى لمبه الى بتنور العداد بترعش

روحت لماكانيكى بيقولى الكربيراتير فيه حاجة يقوم فكة ومنضفة تشتغل شوية وترجع تانى برضوة تبطل

الله يكرمك المساعدة

**lidosasa** · 24-09-2013 11:28 AM

بتستخدم بنزين نوعه أيه ؟
وأيه هى الصيانات اللى عملتها للعربية بعد ما أشتريتها ؟ يعنى غيرت زيت موتور ونوعه أيه ؟ غيرت فلاتر ( الهوا والبنزين والزيت ) ولا لاء ؟ البوجيهات وضعها أيه ؟ هل فيه دخان بيطلع من الشكمان ؟

**lidosasa** · 24-09-2013 12:33 PM

المشاركة الأصلية كتبت بواسطة ahmedom

صاحبها كان بيستخدم بنزين 80 على 90 انا حطيتلها 92 وغيرت زيت ماتور شل 3000 وغيرت فلتر بنزين وفيه دخان بيطلع من الشكمان لما بدوس بنزين وانا بدور

دخان الصبح والعربية باردة واللى لونه أبيض ده مش مشكلة دا بيبقى بخار مياه لكن لو فيه دخان بعد العربية ما بتسخن يبقى مشكلة سواء أبيض أو أسود
نضف فلتر الهوا ولو محتاج يتغير غيره . وبص على البوجيهات لو محتاجة تتغير غيرها ونضف الكربراتير وظبط نسبة الهوا والبنزين اللى بيدخل للعربية ولو لسه المشكلة موجودة يبقى بص على طرمبة البنزين . عموماً المشكلة دى مشكلة دورة بنزين أو كهربة والله أعلى وأعلم

**lidosasa** · 24-09-2013 10:21 PM

المشاركة الأصلية كتبت بواسطة ahmedom

لما بوديها للميكانيكى بيفك الكربراتير وبينضفة بالهواء فبتمشى معايا وقبل كدة فك البوجيهات وقام مسخنها وبعدين ركبها تانى واشتغلت وبعد كدة وقفت تانى
هو فى حاجة انا كنت نسيت اقولها هو انا لما بدور اول مرة بسمع صوت ان العربية دارت للحظة وبعد كدة بتقف

سامحنى بس ده مش ميكانيكى دا عكاك
نضف الكرابراتير كويس وأعمل طقم سيرفيس للعربية وغير البوجيهات وفلاتر وممكن تحط منظف دورة الوقود وبعدها تاخد العربية فى طريق مفتوح وتفتح للعربية شوية عشان الموتور حتلاقيه مكتوم