شباب الرينو

**kimodiga** · 24-09-2013 12:45 PM

انا عندي كليو 2004 1200
التابلوه عندي في كتير لمض مش بتنور
كنت عاوز اعرف اية اللى المفروض ينور و اية مش عندي عشان العربية مش كاملة
ارجو الافادة لو سمحت ضروري

**MOHAMED HASAN** · 24-09-2013 02:26 PM

المفروض و العربية دايرة مفيش اى لمض بتنور خالص اللا لمض الاشارات و الكشافات و فرامل اليد بس كده اى لمض تانية فدا يدل ان العربية فيها مشكلة و لو عايز اى مساعدة اوصفلى شكل الاشارة و اقولك بتاعت ايه
انا عندى نفس العربية 2004 كلاسيك مش كاملة

**kimodiga** · 25-09-2013 08:22 PM

المشكلة اني لما بفتح الكونتكت مفيش غير البطارية و الايرباج و البنزين و الحرارة بس غير كده مفيش
و في لمض تانية بس مش بتتفتح و لا بتنور خالص
عاوز اعرف هل محتاج اروح لكهربائي و لا انا كده محسوك

**MOHAMED HASAN** · 26-09-2013 08:13 AM

ايوة يا فندم كده عربيتك تمام مشاء الله اول ما تلف المفتاح تكة واحدة قبل الدوارة حتلاقى كل اللمض نورت و تسمع صوت طلمبة البنزين و هى بتحضر و بعد كده كل اللمض تطفى و ميتبقاش غير البطارية و الايرباج و البنزين و الحرارة و لمبة علامة الزيت حتلاقيها جنمب لمبة البطارية ناحية الشمال قدمها و لما تدور العربية كله بيطفى معدا لمبة الاريرباج لو مش رابط الحزام و لو ربطت الحزام و لسه منورة يبقى الايرباج عندك باظ بس كده مفيش اى حاجة بتفضل منورة تانى النهارده انشاء الله حصورلك فيديو للعداد و انا بشغل العربية انشاء الله

**kimodiga** · 27-09-2013 08:06 PM

معلش استاذ محمد بس بتاقل عليك بس انت الوحيد اللى رديت عليا فاستحملني معلش
لمبة الزيت عندي مش بتنور خالص و الزيت مقياسه مظبوط مش عارف اعمل اية و خايف اروح لكهربائي يعمل عليا شغل و انت عارفهم طبعا...

ولو في كهربائي بتتعامل معاه كويس اروحله انا من الهرم بساروح لو بلاد الشام

**MOHAMED HASAN** · 01-10-2013 02:43 PM

معلش شوفت ردك متاخر كنت سافر و لسه راجع بص انا ساكن فى الهرم زيك فى الطالبية موضوع العدادت دا فى واحد بيقولوا عليه كويس فى العمرانية جنمبى بس بردو استنى النهارده انشاء الله حصورلك العدادت عندى و اوريك شكلها و بعدين لو طلعت مختلفة ساعتها تشوف كهربائى