الموضوع: عيوب الكوزمو

الحمد لله اشتريت كوزمو 2013 من شهر ودلوقتي عاملة 1000 كم وبصراحة العربية فيها المشاكل التالية اللي ظهرت من اول استخدام :

1. التكييف سئ جدا مش بيسقع بسرعة واكيد فيه حاجة غلط عشان الهوا الخارج مش ساقع برجة كافية..لما اروح التوكيل حشوف الموضوع معاهم

2. العربية فيها رعشة ...يعني فجاءة وانت واقف تلقيها رعشت كدة من نفسها او لما تنقل الفتيس للخلف...سمعت ان فيه مشكلة في السوفت وير وبيحتاج ابديت في اتوكيل.

3. المرايات الطي مش ماشية مع بعضها...يعني تلاقي واحدة سابقة التانية بحوالي 3 ثواني..عيب مش موثر بس غريب.

4. صوت البنزين في التنك عالي بالذات لما بيكون التنك مليان..حاجة بايخة قوي لما عزل عربية عليها اسم صانع الماني يكون معفن كده.

5. العربية بطة..مبتسحبش خالص ومش جراية ..يعني بصراحة متنقذكش لو في موقف محتاح تطير او تعدي بسرعة.

6. ابتديت الاحظ رجة ورعشة في الدركسيون بس عل خفيف ومش في كل وقت..انا اصلا معايا عربية بي ام تانية ومتعود علي الثبات الالماني...العربية دي فيها حاجة مش مظبوطة في الدركسيون..

7. لما تنقل الفيس علي المانيوال وترجعة علي الاتوماتيك تحس ان صوت الموتور بقي اعلي ونقلاته اوضح..مش عارف العيب ده حيتستمر ولا ايه..

غير كدة العربية كويسة الحمد لله.

الف مبروك علي العربية وربنا يباركلك فيها المرايات فيها فرق بس بسيط جدا حوالي ثانية او نصف ثانية والتكييف عادي مش مضايقني والعربية فعلا بطيئة في السحب بس لحد ٦٠ او ٧٠ والبنزين بتحرك في التانك بس ساعات مبخدش بالي منه عموما متدققش علي العربية عشان استمتع بيها لانها عيوب مش جوهرية ومتحطش في بالك عشان الوسواس ممكن يكره الواحد في العربية حتي لو كانت بي ام