ايه رأيكم ؟

**Enji sherif** · 24-09-2013 02:11 PM

معايا ف حدود 25:28 الف بالكتير اووووي و رأي حضراتكم اجيب ماروتي كويسة ولا اشوف حاجة تانية ؟ و هو في ماروتي بالحدود دي فيها تكيف و لا مفيش ؟؟

**dr.hazem** · 24-09-2013 04:07 PM

الماروتي عربيه ممتازة وحمالة قسيه...
هي بتنزل مش مكيفه وممكن تركيبه لكن يفضل ان اللي هيركبه يكون شخص ببفهم في العربيات تحسبا لبعض المشاكل....
تحياتي

Sent from my Xperia Arc S using Forum Runner

**waelgam2005** · 25-09-2013 12:58 AM

لو حضرتك بتزعل من الناس اللى بتتريق عليها يبقى متجبهاش احسن لان عيب العربية دى ان الناس بتقعد تتريق على صغرها وبيسموها توك توك
غير كدا هيا عربية جبارة

**mesaharaty** · 03-10-2013 05:08 PM

السعر ده كويس ويجيب لحضرتك عربية ماروتى موديل 2008 فى حدود 28000 جنيه وحتبقى بحالة ممتازة .

وأما بالنسبة للناس اللى بتتريق فأنا- على سبيل المثال - ماشفتش حد سبق وإتريق على الماروتى بتاعتى وكمان أنا مقتنع بيها وبتناسبها معايا ومع ظروفى المادية وتناسبها مع إحتياجاتى لها وبالتالى أنا غير مهتم بأى تريقة أو شىء من هذا القبيل لأنه من الأساس مافيش تريقة ولا حاجة .

**Amr Axel** · 05-10-2013 04:03 PM

انا دائما أفضل الزيرو حتي لو هتجيب صيني زي 113 او بي واي دي و تقسط لو تقدر او لو تقدر تعلي
لكن طالما عايز حاجة سوزوكي المبلغ ده زي ما قالوا يجيبلك ماروتي 2007-2008 و ممكن التو بس موديل أأقدم و ده مرجحوش عشان قطع الغيار
الماروتي كويسة و حمالة قاسية بس عايزة تعامل خاص في الشتا عشان كربراتير و ليها طقوس في التشغيل هتلاقيها في فهرس القسم المثبت :)