الموضوع: هي الموتوسيكلات في القاهرة زايدة اوي و لا انا بيستهيألي؟

مش لوحدك ..
حاجه تقررررررررف والله بجد ..
ام الموتوسيكل الصينى ده ب 1500ج ولا معرفش بكام كل عيل يعيط لامه تجيب له واحد يقرفنا احنا بقي بيه .. والفزبه بقت الحل الامثل لشوارع القاهره مصر كلها بتركب فزب دلوقتى ..

طيب كويس انه مش بيستهيألي

دول منتشرين في الشواراع كالجراد.

النهاردة و انا في شارع السودان في الاتجاه التاني كان فيه موتوسيكل خابط واحد كان ماشي في الشارع.. لسه بنقول الموتوسيكلات كترت لقيت الحادثة دي حاصلة النهاردة.

ربنا يستر منهم على المشاة و اللي سايقين عربياتهم كمان.. الواحد يبقى ماشي بالعربية يبص يلاقي اللي نط قدامه فجأة

اغبي حاجة شفتها في حياتي الموتوسيكلات الصيني دي
تلاقي عيل 13 14 سنة راكبة و طاير بيه و لا همة و لا حتي علية نمر و ماشين بكل استهتار علي 140 في المدن و الي بيرفعلي حصان و الي بيعمل امريكاني
انا عن نفسي لسة متخانق مع اتنين منهم
الاول بركن العربية و مفيش مسافة بين الرصيف و العربية حتة صغيرة

دة مصمم يعدي الزفت بتاعة من هنا و كان هيجرحلي العربية

دة غير الحوادث الي بتحصل بسببة من سرقة بالاكراه و حوادث سير و تثبيت
في ناس كتير هنا في المنتدي موتوسيكلات بتكسر عليهم و بتحاول توقفهم في مناطق مقطوعة
غير تبقي واحدة ماشية يقومو شدين شنطها او ولا سلسلتها و لا اي حاجة
ربنا يكفينا شرهو

يعني موتوسيكلات و ميكروباصات و تكاتك و كارو و عجل و مشاه.. كل دول على الغلبان اللي سايق العربية

و في الاخر يتقالنا
اييييييييييييييييييييييه يا عم هو انت عشان راكب عربية هتدوسو الناس
ارحمونا بقي
كان الي ركب عربية دة خلاص ماشي بيرمي فلوسة و يدوس ع الناس
و لا يهمهم اذ كان انت طالع عينك في الشغل و لا وراك مصاريف بنزين و لا صيانة