اية رايكوا فى العربية الفورد فوكس الجديدة حد شفها ؟ ولو حد شفها او عند حد يقولى راية فيها بصراحة ووضوح والمفاضلة بينها وبين الكرولا الجديدة والسيفيك الجديدة برجاء سرعة الرد :smile:
عرض للطباعة
اية رايكوا فى العربية الفورد فوكس الجديدة حد شفها ؟ ولو حد شفها او عند حد يقولى راية فيها بصراحة ووضوح والمفاضلة بينها وبين الكرولا الجديدة والسيفيك الجديدة برجاء سرعة الرد :smile:
ابعد عن الفورد فى مشاركه لعضو هنا كان بيشتكى منها كتير و كمان الشكوى كانت مكرره
رمضان كريم يا جماعة ...
الراجل بيسأل عن الفورد فوكس New shape و انا متهيألي فيها تغييرات كتيرة و لازم يكونوا تفادوا العيوب اللي فيها...
على فكرة أنا فاتحة موضوع بنفس السؤال في قسم فورد و برده كان فيه نفس الخلط ...
وانا مستغربة لأن العربية ده كانت بتتحجز قبل ما تنزل بشهرين و الدفعة الأولى و التانية كمان المفروض اتسلموا ومفيش أخبار في نايل موتورز و لسه بيتكلموا عن القديم!!!
احنا ليه لسه بتكلم على القديمه علشان مافيش فرق بين الاتنين غير فى الشكل الامامى فقط حتى الفوانيس الخلفيه و التابلوه يعتبر هوهو برضو تغيير بسيط بالتالى كل اللى غيروه شكل امامى فقط مش اكتر على ما اضن صح
يارب يكونوا ظبطوا المشكله اللى كانت فيها ياريت بجد علشان العربيه ده شكلها حلو اوى و عاجبنى
هو ده اللي احنا بنسأل عليه و عايزين نتأكد منه عن تجربة لو فيه حد جربها ...
إنما الردود كلها جاية بالحكم على طول ان احنا نبعد عنها خالص!!!
طب ليه مش يمكن تكون اتعدلت و خصوصا" انها مش شركة كوري و لا صيني و لا مصري ده شركة كبيرة فأكيد عندها R&d و متابعة و لازم تحسن في العيوب اللي كانت فيها... علشان اسمها و سمعتها ... و انا أعتقد ان تغيير الشكل كان نتيجة لتغيير المضمون ( يعني علشان يفرقوا القديم عن الجديد و يقولوا انهم غيروا ) و لا ايه؟
و ياريت اللي يرد يبقى عن تجربة للعربية مش ذنب ناس يخلصوه ناس
شكرا و مش هارد تانى على الموضوع ده
الفورد كلة مشكلتة عدم توفر قطع الغيار و ارتفاع سعرها جدا جدا و سوء الوكيل
مشكلة عامة, مش موضوع موديل معين
و الله أعلم
معلش يا أستاذ أحمد أنا مقصدتش كده خالص أنا بس بحب المناقشة تبقى موضوعية و منطقية ... علسان أنا لما بأدخل في موضوع معين أو باتكلم فيه ده بيبقى أساس كلامي و لما بسأل على حاجة باكون عايزة أعرف بجد أو عايزة أفيد حد مش مجرد حوار و بس.:help:
بس يمكن علشان ده أسلوبي فبأتمنى انه يكون ده أسلوبنا في المنتدى الهادف ده حتى تعم أكبر قدر من الفائدة و منعملش تشتيت للناس أكتر من كده ... كفاية الشركات و التوكيلات و الحكومة علينا :willy_nilly:
و كل سنة و حضرتك طيب:)