طيب و لما بتيجى تفرمل او يقابلك ملف بتعمل ايه؟
MMamdouh
عرض للطباعة
لو قارنا العربيتين ببعض اللانوس تكسب ولو قارنا المواتير بس ببعض برضو اللانوس تكسب
ازاى عايزين تقارنو عربية انتاج شركة جنرال موتورز بتكنولوجيا المانى بعربية (صينى رخيص ملزوق عليها صنع فى كوريا)
كلامى جامد شوية على الفيرناوية بس دة كان رأيى بصراحة من غير تجميل ولا نفاق
بتقارن ماتور محطوط على كوم اش بالانوس وبالاخص الموديلات القديمه
ركبت عربية لانوس 1 موديل 2000 صاحبها مخلى بالو منها بصراحة عربية ملاكى صح وفى نفس اليوم ركبت مع اخويا معاة فيرنا 2009 حاسيت برداءة الخامات يمكن عشان لانوس 1 كانت بتنزل بخامات كويسة مش عارف بس بصراحة فيرنا زى ماقال الاستاذ Mohamedmaree91 كوووووم قش
+1
لأ وإيه 5 في العربية كمان
يعني عارف إنك معندكش كاوتش..!
أنا شايف اللانوس أقل حاجة يركبلها كاوتش مداس 195 علي جنوط سبور اوفسيت 38 ولو لقيت اوفسيت 40 يبقي إحتمال كبير ميحكش في شفة الرفرف
غير كدا العربية ستوك شكلها و أداءها 128 بالظبط
عايز بقي تجيب 15 وتركب ستوك 195/50 يبقي ده الستوك بتاعها وأكيد هتهبد معاك والوحيد اللي أعرفه مركب 15 هو محمد ممدوح..إسأله
إلا بقي لو عايز تجيب 14 وتريح العفشة والعربية متهبدش أوي
يبقي تجيب 195/60/14..كل الحكاية فرق عداد
على اد معلوماتى ان ماتور الانوس افضل فى السرعات العالية لانة انتاج شركة جينرال موتورز حتى الموديلات القديمة منة , الفيرنا فى النقلات الاولى افضل بكتتتتتير ولكن بعد تجميع السيارتين الانوس بتفرق ايضا بكتييير و هذا الكلام عن تجربة عملية .
مالهاش تفسير الا ان سواق الفيرنا بيخاف يكمل فوق ال140 بسبب ثباتها و سواق اللانوس بيكمل
انما سواق الفيرنا لو كمل هياكل اللانوس ال1500 8 صمامات على اي سرعة عالية او واطية
بالنسبة للفرامل فالاتنين فرامل بطيخ
بالنسبة لتعديل الفرامل فاللانوس مش بس بتبقى عايزة تعديل امامي , لكن خلفي كمان , عشان حتة الزحف دي
انا جريت بالعربيتين.... الفرنا فراملها اوحش من اللانوس
اللانوس مش محتاجة تعديل خلفى للفرامل بعد تعديل الفرامل الامامية... الهدف الاساسى من التعديل دة هو التخلص من مشكلة الرجلاش الدورى للفرامل الخلفية...
انا مشيت بالعربية معدلة فرامل امامى فقط مدة كبيرة و عارف فرق الاداء بين التعديل الامامى فقط و تعديل الاربع عجلات
MMamdouh
هاقول لك اللي انا متخيله نظريا و انت الادرى بحكم الخبرة و التجربة و لو تقدر تفهمها لي يبقى كتر خيرك و تكسب فيا ثواب
فرامل ورا لازمتها ايه ؟
لما فرامل قدام بتمسك , لو فرامل ورا مش موجودة خالص العجل اللي ورا بيفضل يلف بنفس السرعة فبيعمل حمل قصور ذاتي على جسم العربية كأنك فرملت قدام و دايس بنزين نوعا ما ورا , ده بيعمل حمل اكبر على فرامل قدام
يبقى احنا هنا قدامنا احتمالين
اما ان فرامل قدام تبقى من القوة ان هي و احتكاك كاوتش قدام انهم يوقفوا الحمل المضاعف ده
او انهم يبقوا اضعف , فعجل قدام يقفش و العربية تزحف بفعل الدفع الخلفي الذاتي او ما يقفشش اصلا
انت جربت بتعديل قدام بس , و بتعديل الاتنين , و كان الفرق بسيط
كده يا اما النظرية اللي باقولها مش مظبوطة
يا اما فرامل قدام المعدلة و الكاوتش ال14 كانوا قايمين بالواجب و مستحملين العربية كلها
اظن محتاجين حد يكون عدل ورا بس و تجربته هو كمان هاتفرق
ايه رأيك ؟
النظرية دي ممكن ما تفرقش في اللانوس لكنها لو صح هاتفرق مع عربية مالهاش تعديل امامي زي النوبيرا مثلا
هو الموضوع ملوش علاقة بالقصور الذاتى للعجلات الخلفية خالص...
اللى بيحصل انك مع تعديل الفرامل الامامية بتزود الbrake bias على العجلات المامية بشكل كبير لان الفرامل الامامية بقت اقوى بكتير اضافة الى تغيير مقاس الكاوتش من 175 الى 185 او اكتر حسب المقاس اللى جبتة
معنى دة ان مع الفرملة القوية هيبقى فية ميل اكبر لجسم العربية الى الامام نتيجة قوة الفرامل الامامية و العكس بالعكس وزن مؤخرة العربية هيبقى خفيف اوى و تماسك العجلات الخلفية هيبقى اقل نتيجة انتقال الوزن الى الامام
طيب فى حالة التعديل الخلفى على الوضع دة انت بتقوى الفرامل الخلفية لكن اصلا تماسك العجلات الخلفية مع الطريق اصبح اقل مع الفرملة بالتالى تاثير التعديل الخلفى بيبقى قليل للسبب دة
دة برضة يعنى ان مع التعديل الامامى العجل الخلفى بيبقى عرضة اكتر للانغلاق المبكر نتيجة الbrake bias و انتقال قدر اكبر من وزن العربية الى العجلات الامامية اثناء الفرملة و دة السبب فى ان بلوف تنظيم الضغط فى الماستر العادى بتاع اللانوس 3/40 فى حين ان بلوف ماستر النوبيرا (اللانوس 1600) بتبقى 3/30 عشان تقلل من الضغط اللى رايح للفرامل الخلفية مع وجود فرامل امامية قوية
معلومة مهمة: مع تعديل الفرامل الخلفية الى سكاكين المفروض تركب بلوف 3/20 عشان تقلل الضغط اكتر و اكتر بس انا بقالى 3 سنين بدول على البلوف دى و مش لاقيها
MMamdouh
يا فندم اعتقد الموضوع دا راجع لقائد الساره نفسه لانى انا سيارتى بيجو 605 2000 سىسى ولما باشد مع اخويا هو معاه فيرنا بيبهدلنى حتى لما جربنا نعكس وهو خد عربيتى وانا اخدت الفرينا هو بردو بهدلنى ومبقتش شايفه اساسا .. هو فى ناس بتعرف تقسى على الموتور وبتعرف تنقل فى الوقت الصح .. تحياتى