جبت العربية من المعرض

**kiapicanto2014** · 25-09-2013 12:11 AM

انا جبت العربية من المعرض ... بيكانتو 2014 أتوماتيك .. و كمان سوقتها من المعرض للبيت .. طبعا كان جنبى حد ...

الطريق مش طويل بس الدنيا كانت زحمة شوية مش فاضية ... كمان كنا بليل .. و انا اول مرة اسوق بليل ... انا لسة ما سوقتش لوحدى خالص ...

اخويا كان جنبى و انا بجيبها من المعرض ... و بصراحة الاخوات دووول لبخة اكتر منهم فايدة

المهم عدى الموضوع بسلام الحمد الله و تعليق اخويا عليا انى بكسر على الناس كتيير ... بصراحة افقدنى الثقة فى نفسى ... و كمان قالى انتى بطيئة اوى و خلانى امشى فى نص الشارع غصب عنى مع انى كنت عاوزة امشى يمين ...

المهم انا مش عاوزة استسلم ! .... انا جبت العربية خلااااااااااااص و لازم ان شاء الله استفاد بيها ... فايه رأيكم اخدها مشوار قصير الجمعة صباحا لوحدى و مش هبعد بها كتير ؟؟؟؟؟؟

عاوزة اكسر حاااااااااااااااااااااااا اااااااجز الخوف جوايا و حاسة ان هى دى مشكلتى الكبرى !!!

ايه رأيكم؟؟؟؟؟؟؟ بجد محتاجة آراءكم

على فكرة انا اللى كنت كاتبة الموضوع دة

http://www.nilemotors.net/Nile/379344-a.html

**maryano** · 25-09-2013 12:23 AM

اول حاجة رخصيهاااا الاول طبعا علاشان محدش يديقك
ثاني حاجة طلعي حاجة فداء العربيه الجديدة
ثالثاااااا انزلي سوقيهاااا جمب البيت لوحدك كل يوم الصبح و شويه شويه حتلقي نفسك اتجرئتي بس بلاش تخديها مرة واحدة علاشان لو حصل حاجة لا قدر الله ممكن تتعقدي

**kiapicanto2014** · 25-09-2013 12:37 AM

المشاركة الأصلية كتبت بواسطة maryano

اول حاجة رخصيهاااا الاول طبعا علاشان محدش يديقك
ثاني حاجة طلعي حاجة فداء العربيه الجديدة
ثالثاااااا انزلي سوقيهاااا جمب البيت لوحدك كل يوم الصبح و شويه شويه حتلقي نفسك اتجرئتي بس بلاش تخديها مرة واحدة علاشان لو حصل حاجة لا قدر الله ممكن تتعقدي

موضوع فداء العربية الجديدة اقتراااح هااايل .... ربنا يكرمك ياااااااااا رب

انا بفكر اخدها فعلا الصبح يوم الجمعة و الف بيها حوالين البيت

**اسلام السعيد** · 25-09-2013 05:08 AM

الـــف مـــبـــروك وربنا يديكي خيرها ويكفيكى شرها

**Haitham Basha** · 25-09-2013 06:55 AM

أولاً ألف مبروك على البيكانتو الجميلة و ربنا يديكي خيرها و يكفيكي شرها و يبعد عنك العين ... طلعي حاجة لله زي ما العضو الفاضل maryano شكراً على النعمة و اعتراف بالفضل منه تعالى . طبعاً أمر الترخيص مفروغ منو و مفهوش نص كلمة ... العربية بقى تاخديها كل يوم الصبح بدري على شان الطرق تبقه لسه مش زحمة و تلفي في المنطقة الي انتي ساكنا فيها ده لمدة اربع أو خمسة أيام لحمد ما تحسي إنك فهمتي العربية و حفظتي أبعادها كويس بعد كده تأخر نفسك ساعة أو سعتين على حسب ظروفك طبعاً و تطلعي بيها على شان تحتكي بالزحمة شوية لمده يومين مش أكتر و بعد كده لمده اسبوع تحاولي تأخري نفسك شوية شوية على شان تتعودي على النهار و بعد الضهر و دخلة الليل و بكده يبقى خلاص مبروك عليكي الأسفلت و عيشي اللحظة بس من غير جري ماشي و لا سرحان في التلفون و مع الكاسيت أنا عملت كده مع أختي و هي دلوقتي هاين عليها تخش الأوتو كروس هههههههههه ... ربنا يسلم طريقك و طريقنا جميعاً ...

**akmm** · 25-09-2013 10:44 AM

الف مبروك السياره الجديده ........................... وعموما اى سياره جديده لاى واحد بيسوق من زمان بيكون خايف عليها فمابالك وانتى ايضا لسه في القياده اتجراى وخديها كام لفه وبعدين هتكون سهله جدا ... مبروك مره تانيه .

**kiapicanto2014** · 25-09-2013 11:58 AM

المشاركة الأصلية كتبت بواسطة اسلام السعيد

الـــف مـــبـــروك وربنا يديكي خيرها ويكفيكى شرها

ربنا يكرمك و شك ا جزيلا

**kiapicanto2014** · 25-09-2013 12:03 PM

المشاركة الأصلية كتبت بواسطة haitham basha

أولاً ألف مبروك على البيكانتو الجميلة و ربنا يديكي خيرها و يكفيكي شرها و يبعد عنك العين ... طلعي حاجة لله زي ما العضو الفاضل maryano شكراً على النعمة و اعتراف بالفضل منه تعالى . طبعاً أمر الترخيص مفروغ منو و مفهوش نص كلمة ... العربية بقى تاخديها كل يوم الصبح بدري على شان الطرق تبقه لسه مش زحمة و تلفي في المنطقة الي انتي ساكنا فيها ده لمدة اربع أو خمسة أيام لحمد ما تحسي إنك فهمتي العربية و حفظتي أبعادها كويس بعد كده تأخر نفسك ساعة أو سعتين على حسب ظروفك طبعاً و تطلعي بيها على شان تحتكي بالزحمة شوية لمده يومين مش أكتر و بعد كده لمده اسبوع تحاولي تأخري نفسك شوية شوية على شان تتعودي على النهار و بعد الضهر و دخلة الليل و بكده يبقى خلاص مبروك عليكي الأسفلت و عيشي اللحظة بس من غير جري ماشي و لا سرحان في التلفون و مع الكاسيت أنا عملت كده مع أختي و هي دلوقتي هاين عليها تخش الأوتو كروس هههههههههه ... ربنا يسلم طريقك و طريقنا جميعاً ...

المشكلة ان المدارس بدأت ...ببص فى البلكونة النهاردة الساعة 8 الصبح .. لقيت الدنيا زحمة جداااا ... بس ايه رايك فى الجمعة و السبت ؟؟؟؟؟ اخدها شوية حوالين البيت الصبح ؟؟؟ الحمد لله الشوارع فى القاهرة بتبقى قمة الزحمة من 8 الصبح ... حاجة محبطة

**kiapicanto2014** · 25-09-2013 12:05 PM

المشاركة الأصلية كتبت بواسطة akmm

الف مبروك السياره الجديده ........................... وعموما اى سياره جديده لاى واحد بيسوق من زمان بيكون خايف عليها فمابالك وانتى ايضا لسه في القياده اتجراى وخديها كام لفه وبعدين هتكون سهله جدا ... مبروك مره تانيه .

الله يبارك فيك .. يعنى رأيك اتجرأ و انزل لوحدى الصبح و لا ايه ؟؟؟

**Mohamed_Hamid** · 25-09-2013 12:20 PM

ربنا يرزقك خيرها ويكفيكى شرها. مبارك ان شاء الله

الموضوع: جبت العربية من المعرض

LinkBack

أدوات الموضوع

عرض

-

-

-

المواضيع المتشابهه

ايه الحاجات اللى بيتبص عليها ساعة إستلام العربية من المعرض أو التوكيل؟؟

التوكيل ولا المعرض

احترس من هذا المعرض

أخذت العربية زيرو من المعرض والعجلة فيها لحام ... طيب ازاى ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة