استلام سيارة جديدة

**Haitham Basha** · 25-09-2013 06:13 PM

ألف ألف مبروك على العربية و ربنا يديك خيرها ويكفيك شرها ... متقلقش يا باشا سمير ريان ناس محترمة أوي و مدام معاك ورقة من المعرض باسمك و مختومة يبقى مفيش قلق إن شاء الله أنا مشيت بعربية قبل كده 20 يوم من غير نمر و رحت عملت صيانة الألف كمان ههههههههههههه من غير نمر عادي جداً ...

**فبريكا** · 25-09-2013 06:18 PM

المشاركة الأصلية كتبت بواسطة ahmedshafei777

\

2013

ربنا يبارك لك ولينا والفرح فرحنا يا باشا الف مبروك

**mimohsen** · 25-09-2013 07:26 PM

الف مبروك ... مفيش قلق من سمير ريان ... كبيره يتاخر كام يوم ويجهز الورق ... انا كنت جايب منه الشارك سنة 2008

**mostafaelhamzawy** · 25-09-2013 08:52 PM

سمير ريان الناس بتشكر فيه كلهم متقلقش والف مبروك وربنا يديك خيرها ويكفيك شرها وشر عيون الناس

**fathifathi** · 25-09-2013 09:04 PM

الف مبروك يااباشا العربية.بس متقلقش خالص.انا سبقتك بردة انا اشتريت نفس العربية من سمير ريان يوم الخميس ال فات.والمندوب اتصل بيا يوم السبت اخر النهار يعنى بعدها بيومين قالى الورق جاهز عندهم ف المعرض.طبعا هو اتصل بيا عشان انا من مطروح وكلمنى عشان ابعتله حد ياخد الورق منهم ووصلى النهاردة الحمد لله.شهادة بيانات ومبايعة بالعربية وفاتورة فيها قيمة العربية 115000الف.طبعا حاجة تخض فرق كبير بين الفاتورة وال انت دافعة بس نقول ايه؟يالا الحمد لله.وكمان وصلنى كتاب الضمان بتاع الرواس

**vip74** · 25-09-2013 10:23 PM

ألف مبروك ربنا يبارك لك فيها
أنا لسه جايب عربية من عندهم الورق ممكن يبعتوا حد بيه يسلمهولك في المرور ويخلصلك الرخصة
أهم حاجه في فترة التلين حاول ماساتشوستس التكيف
ومتزودش السرعة عن 80
وتجنب الزحمة والأماكن المخطوفة

**ahmedshafei777** · 26-09-2013 01:40 PM

المشاركة الأصلية كتبت بواسطة fathifathi

الف مبروك يااباشا العربية.بس متقلقش خالص.انا سبقتك بردة انا اشتريت نفس العربية من سمير ريان يوم الخميس ال فات.والمندوب اتصل بيا يوم السبت اخر النهار يعنى بعدها بيومين قالى الورق جاهز عندهم ف المعرض.طبعا هو اتصل بيا عشان انا من مطروح وكلمنى عشان ابعتله حد ياخد الورق منهم ووصلى النهاردة الحمد لله.شهادة بيانات ومبايعة بالعربية وفاتورة فيها قيمة العربية 115000الف.طبعا حاجة تخض فرق كبير بين الفاتورة وال انت دافعة بس نقول ايه؟يالا الحمد لله.وكمان وصلنى كتاب الضمان بتاع الرواس

والله يا جماعة انا متشكر جدا على ردكم جميعا وربنا يبارك فيكم

وسؤال للعضو fathifathi
هل برضه عند استلام العربية خرجت من المعرض بمجرد اقرار استلام

وشكرا

**semsem5144** · 26-09-2013 03:26 PM

المشاركة الأصلية كتبت بواسطة ahmedshafei777

والله انا بستريح نفسيا لما بترد عليه
انت عارف الواحد دافع فلوس كتير وبيقلق
بس السؤال انا كده تحت رحمتهم الورق ده من غيره يبقى العربية ملهاش لزمة
وممكن يستعبطوا

انا معاك ان الموضوع بيقلق بس سمير ريان مش هيضيع سمعته عشان عربية واحده
لما استلمت الورق بيكون من ضمنه التخليص الجمركي مكتوب فيه العربيات اللى دخلت مع عربيتك يعنى اوراق مجموعه كبيره من العربيات مع بعض
ببساطة انت لو روحت المعرض زعقت وقولت اوراق عربيتي اتاخرت ممكن تطير منهم كل العملاء الموجودين وغالبا بيكونوا واخدين العربية من الوكيل وبيدفعوا تمنها من فلوسك اللى دفعتها وبعدين يستلموا الاوراق
على فكره انا اشتريت عربيتي بالتليفون حجزت العربية وحولت الفلوس من السعودية للمعرض على البنك ووالدي استلمها بعد 3 ايام والورق بعد اسبوع ايامها كنت زيك متوتر طول الوقت بس الحمد لله على اختيارها
ربنا يباركلك فيها

**semsem5144** · 26-09-2013 03:46 PM

انت اخترت اى لون ؟
حاول تلزق الجزء اللى فى نص الاكصدام الامامي لون اسود مطفي عند اى محل كماليات بيحول شكلها 180 درجة
http://www.mycarforum.com/index.php?...entry&id=50574

**fathifathi** · 26-09-2013 09:44 PM

المشاركة الأصلية كتبت بواسطة ahmedshafei777

والله يا جماعة انا متشكر جدا على ردكم جميعا وربنا يبارك فيكم

وسؤال للعضو fathifathi
هل برضه عند استلام العربية خرجت من المعرض بمجرد اقرار استلام

وشكرا

ايوة فعلا ك ال خرجت بيه من عندهم.صورة بالكربون عبارة عن اقرار استلام سيارة.بس عايز اقولك حاجة خد بالك منها وانت بتستلم الورق.النهاردة لما طلعت المرور بيانات العربية ف الفحص الشاسية والموتور تمام الحمد لله.بس المشكلة ف شهادة البيانات مكتوبة بخط زى الزفت كان واحد ف ابتدائى هو ال كاتبها ومكتوبة باليد ومتعدل ف التاريخ وشاطبين فيها.وكمان مش موجهينها لمرور مطروح ولا مكتوب فيها هى صادرة من مرور ايه؟مفيش غير الختم فقط لاغير هو ال مكتوب فيه مرور الجيزة.فطبعا المرور عندى مرضاش يعتمدها.بس انا كلمت المندوب ف المعرض وقولتله فقالى تعال يوم السبت وهطلع معاك مندوب للمرور يخلصلك واحدة جديدة فيها ال انت عايزة.فخد بالك وانت بتستلم ولو لقيتها كده متستلمهاش وخليه يعملك واحدة جديدة