موضوع ممتاز جدا
موضوع ممتاز جدا
اشكرك حبيبى و في انتظار مشاركتكم معانا
واى استفسار احنا تحت امرك
الله يخليك يا حبيبىاقتباس:
بصراحه تقييمك رائع و عقلانى و موضوعى و مقنع و شكراْ على المجهود و افادكم الله
تسلم على كلامك الجميل دة
عايز رأيكم لو سمحتوا كورولا ولا جوك علشان أرتفاع السيارة مهم جدا علشان شوارعنا أرجو الرد بغض النظر عن فروق الأسعار
بس الفرق بين الكوزولا والجوك اكيد مش الارتفاع بس، واكيد الجوك اعلي من الكورولا لحبه حلوين، بس دور علي قوة الموتور، الكماليات، الوسع الصالون ووسع الشنطه، استهلاك البنزين، الخ
موضوع اكتر من رائع..، و هى ايه خاصية ضبط الاضائة الامامية اوتوماتيكيا ؟؟
اقتباس:
عايز رأيكم لو سمحتوا كورولا ولا جوك علشان أرتفاع السيارة مهم جدا علشان شوارعنا أرجو الرد بغض النظر عن فروق الأسعار
هو ف الارتفاع ع االارض الجوك تكسب بصراحةاقتباس:
بس الفرق بين الكوزولا والجوك اكيد مش الارتفاع بس، واكيد الجوك اعلي من الكورولا لحبه حلوين، بس دور علي قوة الموتور، الكماليات، الوسع الصالون ووسع الشنطه، استهلاك البنزين، الخ
من ناحية الشكل انا شايف ان الكورولا تكسب
الوسع في الصالون والشنطة الكورولا تكسب
استهلاك البنزين الكورولا تكسب
قوة الموتور اعتقد الاتنين متساووين الى حد ما
استخير ربنا واركب العربيتن وبعدين قرر
دة عبارة عن خاصية او حساس موجود في الاضاة بيضبظ الاضاءة اتوماتيك يعنىاقتباس:
موضوع اكتر من رائع..، و هى ايه خاصية ضبط الاضائة الامامية اوتوماتيكيا ؟؟
لو فيه نور موجود في الشارع الى انت ماشى فية كفاية بتلاقى قوة الناس مش كبيره اوى على عكس لو دخلت مكان مظلم زى نفق او تحت كوبرى والاضاءة مش قد كدة او مفيش اضاءة خالص بتلاقى النور اشتدت وزاد قوته علشان ينورلك الطريق وبعد ما تطلع من المكان المظلم دة سواء نفق او تحت كوبرى او منظقة مفيش فيها انارة كويسه تلاقى النور رجع تانى تلاقى
من الاخر يعنى طريقة حساس بيشوف الاناره المحيطة ويظبط اضاءه الفانوس عليها بدون تدخل منك ( شغل برانى بتاع اجانب ) هههههه
لسه مافيش اخبار عن الاستلامات ؟؟
:mahf(5):
الواحد زهق
هل فى حد راح التوكيل واتأكد بنفسه من نقطة اسعار قطع الغيار؟ .. انا واثق ان باقى ستوك قطع الغيار لما هيجى بشحن بحرى هتبقى الأسعار طبيعية وده هيحصل مع الوقت وانتشار العربية .. بس برضه عشان يطمئن قلب اى حد عنده شك
2 - سقف العربية تم انخفاضة عن مستوى السيارات السابقة للكورولا لزيادة ثبات العربية وانسياب الهواء على جانبين وسقف السيارة بما يتناسب مع التصميم الجديد لتجنب الصدمات الهوائية ويزيد من ثباتها والدليل ان الموديل دة حتى في اعلى فئة منه الهاى لاين لم يتم نزوله بفتحة سقف ليوكد مدى صحة الكلام لانخفاض سقف السيارة عن سابقتها
النسخة الامريكاني في منها بينزل بفتحة سقف
والله معاك حق الواحد زهقاقتباس:
لسه مافيش اخبار عن الاستلامات ؟؟
:mahf(5):
الواحد زهق
بس هانت
التسليم هيبدا من بكره ان شاء الله
بصاقتباس:
هل فى حد راح التوكيل واتأكد بنفسه من نقطة اسعار قطع الغيار؟ .. انا واثق ان باقى ستوك قطع الغيار لما هيجى بشحن بحرى هتبقى الأسعار طبيعية وده هيحصل مع الوقت وانتشار العربية .. بس برضه عشان يطمئن قلب اى حد عنده شك
اى عربية في الدنيا لما تبقى جديدة
اكيد مفيش استوك قطع غيار فدة امر طبيعى تلاقى الاسعار خوزعبلاية في السما
لان مفيش عندك ولو عايز هيبعت يجيبلك مش هيقولك لا بس هيبقى على حسابك النقل والشحن والجمارك
فدة بيزيد بسعر الحاجة يعنى لو انت الحاجة ب 5 جنيه ضيف عليها بقى جمارك ونقل وسعرها الاساسى وعموله التوكيل وضريبة المبيعات واسمع بقى اعلى تلحين وكلام
انما لما تتوفر وتنشر العربية هتلاقى قطع الغيار نزلت لسعرها الاساسى المعتاد ( الى هو برضة عالى بس مش هبل )
يعنى مثلا اول لما نزلت الكورولا 2011 كان سعر تيل الفرامل 950 جنيه بس لما بدات تنتشر والدنيا بقت مليانة بقى الاصلى في التوكيل حوالى 350 او 400 مش متذكر اوى بامانه
الكلام صحيح مليون في المية لانى انا شوفتها فعلا في فديوهاتاقتباس:
النسخة الامريكاني في منها بينزل بفتحة سقف
ولما تفحصت في الموضوع
ناس قالت او انا قرات حاجتين هقولهم لحضرتك :
1 - ناس قالت ان دة بناء على رغبة العميل يعنى هى نازلة اصلا من غير فتحة سقف بس دى بتبقى عربية بالطلب يعنى انا عايز مثلا لون العدادت لون مختلف او لون التابلو مختلف دة اوبشن موجود بس بسعر مختلف بيزيد طبعا فدى حاجة تحت الطلب عايز اوكيه بس ادفع (((( بس انا مش مقتنع بالراى دى بصراحة مع ان دة موجود في امريكا بس مش داخل دماغى )))) 0
2 - الراى التانى انا سمعت ان العربية هناك فيها تعديل عننا لان الموتور اقوى ( مش تربو ) لكن اقوى من النسخة الاوروبيية فالناس قالت ان فيه تعديل في العربية مش كبير عن النسخة الاوروبية بيسمح بوجود فتحة سقف في العربية
الرائين دول موجودين على صفح منتديات انا قراتها بس الله اعلم بصدقها وانا غير مسئول عن صحتهم انا نقلت ليك الى انا قراته والله اعلى واعلم بمدى المصدقيه
ولو وصلت لخبر اكيد من الشركه اكيد هطلعك عليه ان شاء الله
تقبل تحياتى
الشكر لله وحدةاقتباس:
شكرا وربنا يحميك يحفظك
اللهم امين يارب
اشكرك على الدعوة الجميلة دة ويارب يتقبلها يارب واكون من اهلها
هو لو حد حجز دلوقتى ممكن يستلم فى الدفعة دى ولا لازم يستنى للدفعة البعديها ؟؟
ممكن يستلم في الدفعة دى في حاله واحدة فقط
وهى
وهى
ان يكون الدفعة دى استلمت وكل الحوجزات الى عندهم خلصت تماما ويكون لسة فيها عربيات ساعتها هيرد عليك يقولك لما اسلم الدفعة دى يا فندم الاول ودى هيكون كلام مندوب المبيعات معاك هيقولك لا الدفعة الى هتبقى في نص شهر 11 (( لان العربيات دفعة بتنزل اول الشهر ودفعة في نص الشهر ))
ولو توفر عندة اللون والفئة المطلوبة بعد ما يسدد كل حوجزاته هيتصل بيك ويقولك فية يافندم عربية الفئة الى انت طالبها بس اللون المتوفر هو كذا لو انت اوكيه ماشى هتستلم لو مش اوكيه هتتاجل للدفعة الى جاية وهو دة النظام الى ماشى
معلومة سريعة كدة لسة عارفها حالا دلوقتى من التوكيل
ان الدفعة دى كان المفروض توصل في اول شهر اكتوبر وتبدا تتسلم لحد نص الشهر لما الدفعة الجديدة تيجى بس حصل تاخير هو دة الى عمل برجله جامدة علشان كدة فية مشاكل دلوقتى وتاخير في الاستلام واعتقد ان الدفعة هتبدا تتسلم كمان 10 ايام او اكتر لحد ما الدفعة المتاخره دى تيجى ويخلص ورقها
يعنى الدفعة احتمال تبقى في اول شهر 11 او اخر شهر 10 الحالى
والدفعة الى بعدها هتبقى في نص شهر 11
شكرا علي ردك و مجهوداتك و نشاطك هنا بيفيدنا كتير أوي و يعتبر جزء رئيسي من تكوين الرأي و القرار و شركة تويوتا الأم قبل الوكيل المفروض تقدملك شكر رسمي علي حماسك للعربية بس ده بيدي انطباع ان مفيش حاجة في حياتك بتشغلك غير الكورولا الجديدة ،متهيألي لو كان موضوع جواز ماكنتش هايشغلك أو يخليك متحمس بالطريقة دي ،علي العموم ربنا يتمم بخير :)
ربنا يخليك يارب على كلامك الجميل دةاقتباس:
شكرا علي ردك و مجهوداتك و نشاطك هنا بيفيدنا كتير أوي و يعتبر جزء رئيسي من تكوين الرأي و القرار و شركة تويوتا الأم قبل الوكيل المفروض تقدملك شكر رسمي علي حماسك للعربية بس ده بيدي انطباع ان مفيش حاجة في حياتك بتشغلك غير الكورولا الجديدة ،متهيألي لو كان موضوع جواز ماكنتش هايشغلك أو يخليك متحمس بالطريقة دي ،علي العموم ربنا يتمم بخير :)
انا مش مستنى شكر لا من تويوتا الام ولا التوكيل ولا اى حد
انا يكفينى كلمة شكر من انسان لا يعرفنى ولا اعرفه او حتى دعاء بظهر الغيب ان قدرت اوصل معلومة له وهو قاعد في بيته من غير ما يتعب في وقت انا جمعت فية الصور والمعلومات والاسئلة
يكفينى انا اساعد لان انا في حاجات كتير بدخل اسئل واتعلم من الاسئلة وهو دة النظام الجماعى التيم وررك الى عنده معلومة يقول وتنقاش فيها حتى تثبت صحتها من عدمها
بالنسبة انك بتقول انى متحمس للعربية : لان انا شايف ان كورولا غيرت فكرها تمام بالنسبة للاسواق وهى
1 -+ الكورولا كانت فقيرة في الاوبشن لكن هذا العام ....
2 -+ الكورولا مسالة الثبات فيها مش قد كدة لكن هذا العام ...
3 -+ الكورولا او التويوتا عموما عربية حمارة شغل بس مفيش فيها تجديد خالص لكن هذا العام ..
4 -+ الكورولا هيا هيا محفوظة وبدات تروح عليها والكوروى ولع الدنيا واكل الجو لكن هذا العام ...
كل الاسباب دى تخليك متحمس وانا واحد من الناس دى اول عربية زيرو ليا بس ركبت قبل كدة تويتا ولكن مستنى اشوف تويتا الجديد وما لها وما عليها
بالنسبة لنقطة شغلى الشاغل العربية ::: لا لا اطلاقا
انا اعمل طبيب اسنان
واحب مهنتى جدا جدا لابعد ما تتخيل وهى دى شغلى الشاغل
لكن العربيات من الهوايات وبحب افيد واستفيد وانا استفدت من المنتدى كتير جدا وانا مشترك فيه من عام 2010 لكن كنت لما احب اعرف حاجة كنت اشوف وامشى ( اسرق واجرى )
ولكن
ولكن
لما لقيت الناس في جدال كبير ونقاش على موضوع الكورورلا الجديدة
ولقيت عندى معلومات وصور وحركات اقدر افيد بيها قولت الله
طيب لية منعملش مووضوع محترم كدة نلم بيه الناس ونلم الافكار ونلم الاسئلة ويبقى موضوع شامل
وجات الفكره
اتعمل في اقل من نص ساعة
بالضبط من الساعة 1.30 لحد 2.15 ظهرا ( بعد ما رجعتى من شغلى (( المستشفى )) لحد ميعاد العيادة ) قولت يواد ياابو حميد ما تيجى نعمل الموضوع ونسيبه ونشوف رد فعل الناس باليل بعد ما نخلص العيادة ومش هنخسر حاجة ... رجعت ليقت تجاوب من الناس لان الناس كانت متاهبه لاى موضوع يشمل الكلام والافكار والصور وكل حاجة وقد كان
بالنسبة بقى الحماس الزايد الى انت شبهته بالعروسة
والله بدور على عروسة ههههههههههههههههههه
مش بيقولك الدكاتره عايزة 5 عين (( عمارة - عيادة - عربية - عروسة - عزبه ))
بما ان وضحت ليك ع العربية ومواصفات وكل ما لها .. يبقى ترد ليا الجميل بقى وتشوفلى ع العروسة هههههه
وانا مستنيك بقى ها ...
انا مش عارف انا حكيت قصة حياتى وعايش في دور المسلسلات ليه كدة
ههههههههههه
انا طولت معلش بس انا عارف انك هتعذرنى
ربنا يوفقنا جميعا لما يحبه ويرضاه وربنا يجعلنا نفيد ونستفيد من بعض
عاوزين حد من الناس الى استلمت تحكنا على العربية شوية يا جماعة .؟
موضوع انخفاض العربية باين فى المطبات
وموضوع تركى دا فارق مع العربية
والله اتكلمنا كتير اووى وان شاء الله كل الناس تتكلم عن كل حاجة عن العربية
متقلقش من انخفاض العربية ومتخلهوش عائق عندك
بالنسبة لموضوع تركى متقلقش لان تركيا بتصدر لكل دول اوروبا العربية
وبنفس الكماليات .
اعزرنى لان بتكلم من ااموبيل ولا فية اة استفسار انا تحت امرك
بقولك يا دكتور هو الحاجات الملونة دي مش موجوده بقى في فئة 185 صح ؟اقتباس:
مواصفات ثانى فئة :المواصفات السابقة + مثبت سرعة - تكييف أوتوماتيكي dual zone - تحكم بالنظام الصوتي والتليفون من عجلة القيادة - bluetooth - راديو 6cd سماعات + مدخل usb+aux - ضبط مستوى الاضاءة الامامية أوتوماتيك - 2ايرباج -كاوتش مقاس 55/16 205 r(جنوط سبور ) - حساسات ركن امامية وخلفية خاصية الركن التلقائى park assist – فوانيس شبورة أمامية وخلفية - مرايا كهرباء قابله للطى - والسعر(185.000)
مواصفات الهاى لاين : المواصفات السابقة + مفتاح ذكى -
مرآة خافتة للاضاءه أوتوماتيك +
مدخل usb+aux - نظام مانع السرقة – نظام تصفيح ضد الصدأ - ضبط مستوى الاضاءة الامامية أوتوماتيك -6 ايرباج- كاميرا خلفية -والسعر (210.000)
والحاجات ال بالأحمر دي مش فاهمه فايدتها ؟
-وهل فئة 185 مفهاش منع سرقة ؟! ولا ضد الصدأ ؟
الفئة ال 185 الف فيها الحاجات الزرقة دى ماعدا الكاميرا الخلفية و2 ايرباج بس
بالنسبة للمفتاح الذكى / دة الى بيسموها بالبلدى بتدور بالبصمة الى هو زرار start/stop engine والمتفاح الذكى بيبقى عبارة عن ريموت فقط لازم يبقى موجود في مجال 1متر في مجال العربية علشان لما انت تضغط على زرار start/stop engine العربية تدور معاك
الحاجة التانية : المراه الخافتة للاضاة اوتوماتيكى / دة عبارة عن مراية عادية الى هى في الجنب اليمين والشمال والى في الصالون بتبقى خافته للإضاءة يعنى لما عربية وراك وقايدة النور العالى فلما النور بيجى في المراية بتبقى صعب تبص في المراية لان المرايا بتعكس ليك كمية الضوء بقوته فمش بتقدر تشوف كويس وساعاه مش بتشوف خالص فالمرايات دى بتخفت الاضاءه دى بنسبة كبيره جدا لدرجة انك تقدر تبص في المراية كويس وتحدد العربية ودى ميزة جميلة اوى وكويسة
بالنسبة للسوال ان الفئة 185 فيها ضد الصدا وضد السرقة ولا لا
تويتيا شركه محترمه في الحتة دى ففيه حاجات كدة نازله من اول فئة مانيول زى ( ضد الصدا وضد السرقة الى هو الاميبوليزر و الفرامل abs ebd ba من اول فئة ودة دليل على احترام الشركه لقواعد الامان والسلامه )
واى حاجة او استفسار اسئل واناا تحت امر معاليك
احب ازود حاجة ان سعر العربية فى السوق الفئة التانية الى هية ب 185 الف فى السوق ب195 الف
دة صح الكلام
بس دة علشان يستلم فورى يدفع 10الاف جنيه زيادة لية يعنى انا مش عارف
حسبى الله ونعم الوكيل في الجشع
شكرا على التقرير الرائع..
انا حجزت الكورولا قبل العيد ولسه ما استلمتش...
و قلقان من موضوع المطبات و انخفاض العربية عن الأرض.. وبسبب كده ممكن ألغي الحجز و أشتري سوبارو xv لأنها عالية عن الأرض و ياباني
ولسه محتار بين الاتنين
ممكن حد يفيدني لأني بصراحة محتار أوي أوي..
جزاكم الله خيرا..
متقلقش ان شاء الله من الانخفاضاقتباس:
شكرا على التقرير الرائع..
انا حجزت الكورولا قبل العيد ولسه ما استلمتش...
و قلقان من موضوع المطبات و انخفاض العربية عن الأرض.. وبسبب كده ممكن ألغي الحجز و أشتري سوبارو xv لأنها عالية عن الأرض و ياباني
ولسه محتار بين الاتنين
ممكن حد يفيدني لأني بصراحة محتار أوي أوي..
جزاكم الله خيرا..
الناس بتهول المواضيع زى ما قولتلك في التليفون
وبجد سعدت باتصالك
ولو تقدر زى ما قولتلك تحجز ليها تست درايف بنفسك يبقى مية فل ويبقى التجربة على عينك يا تاجر
بس الناس مهوله الموضوع شوية في موضوع الحك في المطبات دة وخصوصا انك راجل كان معاك تويوتا 2010 فالدنيا هتبقى كويسة
هى حاجة جميلة جدا طبعا انها تبقى موجودة في العربيةاقتباس:
انا جربت ال auto park في العربية و شايفه مفيد جدا للناس اللي بتغلب في الركنة او مش متعودة علي ابعاد العربية.
و بصراحة ركنت بيه في مكان ضيق و جابته بسهولة ، انا اعتقد اني ممكن استخدمة في الركنات الرخمة
__________________
بصراحة مجربتهاش قبل كدة
بس ان شاء الله لما اجيب العربية وعد انى اجربها وساعتها هصورهالك
واقولك عربيتها ذكية من كتر ذكائها بتركن نفسها ههههههههه
حضرتك بتبقي ماشي علي اليمين محضن علي العربيات اللي راكنة و سرعتك اقل من ٣٠ كم و تدوس علي زرار الاوتوبارك هيظهرلك في شاشه البيانات sipa activated و شكل عربيتك بتمشي و جمبيها عربيات راكنه ًً
المهم السنسور الامامي يمين بيبداء يشوف المكان المناسب للركن و اول ميلاقيه بيعمل صفارة و بيقولك هات الفتيس علي r وانت دايس فرامل و بدون لمس الدركسيون و اول ما حضرتك تعمل كده تلاقي الدركسيون بيلف لوحده و حضرتك واحدة واحدة بتشيل رجلك من علي الفرامل و العربية هتظبط الدركسيون و اول متوصل لاقرب مكان للعربية اللي وراك هتكتبلك هات الفتيس علي d و هكذا. اصعب ركنة خلتني اجيب ال d و ال r ٣مرات بس. و العربية بتحضن كويس اوي علي الرصيف يدوبك بتسيب ١٥ او١٠ سم بالكتير و بتركن لو المسافة المتاحة للركن اكتر من حجم العربية ب ١٥ او ٢٠ سم قدام و زيهم ورا.
بصراحة ممتع جدا و بيجيب ركنات صعبة
اوﻻ شكرا على القرير ....ثانيا انا الحمد لله ربنا وفقنى وجبت الكوروﻻ 2014 الفئة الاولى ولقيت استهلاك البنزين عالى جدا جدا جدا ولما قريت تقريرك قلت فيه على زرار الاسبور ان بيحولها لبﻻعة بنزين ...انا ازاى اعرف انه مطفى لان نور eco بينور ويطفى عندى مش دا كدا معناه انه شغال وﻻ ﻻزم يكون منور على طول ؟؟؟......حاجه تانيه زرار المرايه (l&R) وزرار الغلق المركزى للزجاج الكهربى مش بينور عندى ...دا عيب فى العربيه وﻻ الفئه الاولى بس هى اللى كدا
ألف مبروك
نظام الايكو شغال علي طول اول ما حضرتك بتكبس بنزين جامد بيلغي النظام ده فورا و كلمة ايكو بتختفي.
بالنيبة للسبورت اول مبتختاره بيلغي الايكو و بيكتب بالاخضر عند العدادات سبورت.عاوز تلغيه دوس عليه تاني و كلمة سبورت هتختفي
طبيعي استهلاك البنزين يكون عالي في الاول. اصبر عليها شوية و شوف ايه اخبار.
اتا كان معايا عربية جيتز و كان زرار القفل المركزى مش بينور برضو و سالت طلع انها كدة. فانا اعتقد انها كده طبيعي
اقتباس:
اوﻻ شكرا على القرير ....ثانيا انا الحمد لله ربنا وفقنى وجبت الكوروﻻ 2014 الفئة الاولى ولقيت استهلاك البنزين عالى جدا جدا جدا ولما قريت تقريرك قلت فيه على زرار الاسبور ان بيحولها لبﻻعة بنزين ...انا ازاى اعرف انه مطفى لان نور eco بينور ويطفى عندى مش دا كدا معناه انه شغال وﻻ ﻻزم يكون منور على طول ؟؟؟......حاجه تانيه زرار المرايه (l&r) وزرار الغلق المركزى للزجاج الكهربى مش بينور عندى ...دا عيب فى العربيه وﻻ الفئه الاولى بس هى اللى كدا
الف مليون مبروك يا صديقى على العربية
ووفقت في الاختيار
وربنا يباركلك فيها يارب
نجى بقى للاسئلة ونجاوب عليها مع ان حبيبنا رد عليك بس بردة نزود شوية تحابيش كدة لزوم المتعة الزيادة ههه
العربية في الاول بتبقى بتسحب بنزين جامد .. الموتور اى نعم متلين وكل حاجة بس لسة بردة زيت التليين الاول والعربية لسة جديدة فطبيعى في الاول ان معدل استهلاك البنزين يبقى عالى شوية بس منقدرش نحسب ازى كان فية استهلاك جامد ولا لا
بعد ما تعمل صيانة الالف وزيت التليين دة ينزل ويتغير وينزل معاه الرايش الى موجود من التصنيع وكدة
وبعد كدة نقدر نحسب مستوى استهلاك البينزين الفعلى للعربية
الحاجة التانية الى عايز اضيفها ليك .. حاول على قد ما تقدر تمون من بنزينة نظيفه .. بلاش البنزينات المشكوك في امرها دى الى بيخلطوا البنزين وممكن يبقى زايد ميه والدنيا تبقى مهلبية دى لان دة بردة بيعمل برجله جامدة معاك وبيخلى العربية تسحب بنزين جامد ..
الحاجة التالتة بلاش تشغل التكيييف والعربية لسة مش مشيت يعنى بعد ما العربية تمشى وتعدى 40 او 60 افتح التكييف وان كنت لااحبذ تشغيلة في الفتره الاولى للتلييين كتير يعنى بعد صيانه الالف كدة بس دة مش معناه ان مش تشغلة طول الفترة دى لا شغلة بس لما العربية تبقى على الطريق بلاش وهى واقفة
موضوع الانارة للاسف الفئة الاولى مش بتنور فيها ودة عادى يا صديقى
تمتع بالسياره .. وعيش حياتك
بس طمن الناس الاول على ارتفاع العربية معاك عامل اية ؟ اخبار المطبات ؟
ونسيت تقولى انت جبت لون اية ؟
يا جمالو يا جمالواقتباس:
ألف مبروك
نظام الايكو شغال علي طول اول ما حضرتك بتكبس بنزين جامد بيلغي النظام ده فورا و كلمة ايكو بتختفي.
بالنيبة للسبورت اول مبتختاره بيلغي الايكو و بيكتب بالاخضر عند العدادات سبورت.عاوز تلغيه دوس عليه تاني و كلمة سبورت هتختفي
طبيعي استهلاك البنزين يكون عالي في الاول. اصبر عليها شوية و شوف ايه اخبار.
اتا كان معايا عربية جيتز و كان زرار القفل المركزى مش بينور برضو و سالت طلع انها كدة. فانا اعتقد انها كده طبيعي
على المتابعة والردود الجميلة دى
مش عارف من غير كنت عملت اية يا صديقى ... حامى ضهرى وقت الغياب انت
تسلم الايادى يا حبى
فىه كام سؤال كدة كانوا محيرنى :
١- البارك اسيست ممكن يركن عمودى على الرصيف ولا موازى بس ؟؟
٢- لو ركنت بالبارك اسيست او من غيره ممكن البارك اسيست يطلعنى من الركنه لو انا فى حته ضيقة زى ما شوفت فى البارك اسيست بتاع الاوكتافيا ؟؟