النور دة موجود في الفئة الهاى لاين دة انا شوفتهاقتباس:
تانى حاجة هو النور الى فوق درج التابلوه دا الخط الازررق دا موجود فعلا ولا صور بس
بس السوال هل دة موجود في الفئة التانية اوتو فول اوبشن ولا لا ؟
النور دة موجود في الفئة الهاى لاين دة انا شوفتهاقتباس:
تانى حاجة هو النور الى فوق درج التابلوه دا الخط الازررق دا موجود فعلا ولا صور بس
بس السوال هل دة موجود في الفئة التانية اوتو فول اوبشن ولا لا ؟
نفس السوال انا سالته لنفسىاقتباس:
انا اشتريت الالنترا ده اول مانزلت لو حضرتك دورت في مواضيعي هتلاقيها وكنت عامل لها تقييم ومقارنه مع المازدا
هي عربيه واسعه وسحب كويس وموتور ناعم عربيه ممتازه لكن مشكلتها معايا ان ضهرها بيرقص بطريقه غريبه قوي التويوتا مختلفه تماما عنها انا كنت باخد غرز ع العاصي علي 120 في محاوله اني اشغل نظام الثبات عشان يعدل العربيه بس هو عامل من بنها :36_3_10[1]: لان العربيه التحكم فيها سهل جدا ووصلت 150 باطمئنان كامل
انا ركبت سيراتو والنترا بصراحه اعتقدت ان التورشن بيم ده اختراع فاشل لكن لما جربت الميجان مع صديق والكورولا ايقنت ان في فرق تمام في العفشه حتي لو نفس النوع
الالنترا من بعد 140 بالظبط مش هتحس باطمئنان معرفش ازاي مع الحجم الكبير بتاعها
طالما التورشم بيم مش كويس كدة اشمعن بينزلوا العربيات بيها ؟
فرد عليا احد الزملاء وقالى لان مش كل التورشيم بيم وفعلا ركبنى وقتها عربيته ونزلنا من الالنترا بعد 130 وركبنا تويتا كروولا 2009 تورشيم بم ونفس السرعة ونفس العفشة بس كان فية فرق ملحوظ وقتها مع اختلاف السن بين السيارتين الكورورلا كانت عجوزة بالنسبة للانترا 2012
الخلاصة
ان زى ما قولتها قبل كدة ان التورشيم بيم نظام اقتصادى مش مكلف اوى ومش معقد وثباتها كويس اى نعم مش زى المالتى لينك
والتورشيم بيم يختلف من بلد صنع الى اخرى
مفيش حد استلم يا جماعه
او حد اتصل بيه انه يستلم يوم السبت او الاحد قبل العيد
ولا كل اتاجل لبعد العيد ؟
تقرير رائع
يسلم مجهودك
انا بفكر جديا فيها
بس التسارعمن 0 حتى 100 في كام ثانيه؟
من 10 الى 11 ثانية بتختلف من مانيول لاتوماتيك
هو الpark assist مقصود بيه ان العربية تركن نفسها زي الاودي و سكودا بره مصر وكده ?
متابع
ازاي يا جماعة انتوا بتهزروا ازاي العربية تركن نفسها بالسعر ده دي مستحييييييل لا اعتقد الوكيل ليه تفسير للسيستم ده بشكل مختلف ده في الامارات نفسها مكانش بينزل غير في عربيات اودي ايه 5 و الاعلي مش اي عربية
لكن بالنسبة لمصر او اي دولة النظام هيكون فعال لانه بيحدد المساحة المناسبة للركن
دة الفيديو الخاص بالتويوتا الاوريس
New Toyota Auris -Simple Intelligent Park Assist SIPA - YouTube
ودة الخاص بتويوتا كورولا 2014
‫تويوتا كورولا 2014 بنظام الأوتو بارك التوقيف الالي ( parking assist )‬‎ - YouTube
فعلا الياى المستخدم مختلف تماما, وانا فى راىى ان ارتفاع العربية وانا سايق لوحدى زى لو فى اكتر من واحد , يعنى بجوار البيت عندى فى مطب لو لوحدى او معايا ناس فى العربية لازم اعدى فوق المطب بهدوء شديد جدا عشان العربية متحكش,
وفعلا فى تاخر فى النقلات يسيط جدا وده ميزة حلوة للعربية عشان التسارع يكون عالى.
هى بس العربية كان ناقصها زينون, وكانت حتكون اجمل عربية عشان الزينون كان حيكون لايق عليها جدا
والله ياابو حميد انت قرينىاقتباس:
فعلا الياى المستخدم مختلف تماما, وانا فى راىى ان ارتفاع العربية وانا سايق لوحدى زى لو فى اكتر من واحد , يعنى بجوار البيت عندى فى مطب لو لوحدى او معايا ناس فى العربية لازم اعدى فوق المطب بهدوء شديد جدا عشان العربية متحكش,
وفعلا فى تاخر فى النقلات يسيط جدا وده ميزة حلوة للعربية عشان التسارع يكون عالى.
هى بس العربية كان ناقصها زينون, وكانت حتكون اجمل عربية عشان الزينون كان حيكون لايق عليها جدا
انا الكلمة الى انت قولتها دى انا قولتها لمندوب المبيعات وانا بحجز
قولته العربية دى ناقصها طقم زينون هيلايق عليها بطريقة غير عادية
وقالى ابقى انت ركبه بقى
وهو عندهم الالمانى ب 1200 جنيه
والصينى درجة كويسة ب 700 جنيه
بس انا عايز اركب الكاسيت التاتش الاول وان شاء الله بعد كدة نقلبها زينون
يا جماعة محدش فادنا فى ان خط النور الازرق العند درج الطابلوه موجود فى الفئة ال ١٨٥ ولا لا
و هو الدفعة المفروض هتيجى وهتتسلم بعد العيد من الفئة ال ١٨٥ ممكن تيجى يوم الجمعة او السبت دة. ؟ لان واحد صاحبى رايح يوم السبت القاهرة وكنت عايز اروح معاه لو كانت العربية جت وممكن استلمها السبت
شكرا على التقرير الرائع وعايز آخذ رأيم محتار بين كورولا 2014 بميزاتها الجديده وعيبها من ناخية قربها من الأرض والمطبات وبين الجوك المرتفعة عن الأرض ولكن ضيقة الكنبة والشنطة لأن موضوع المطبات في شوارعنا الجميلة مخوفني شوية مارأيكم ملحوظة الأسرة 5 أفراد منتظر ردكم... شكرا لكم
اقتباس:
شكرا على التقرير الرائع وعايز آخذ رأيم محتار بين كورولا 2014 بميزاتها الجديده وعيبها من ناخية قربها من الأرض والمطبات وبين الجوك المرتفعة عن الأرض ولكن ضيقة الكنبة والشنطة لأن موضوع المطبات في شوارعنا الجميلة مخوفني شوية مارأيكم ملحوظة الأسرة 5 أفراد منتظر ردكم... شكرا لكم
اولا كل سنة وانت والعائلة الكريمة بخير
ثانيا تعال نتكلم براحة ونحلل الموضوع بموضوعية وسلاسه كدة وانت في الاخر قرر
نمسك الكورولا ونحللها بالنسبة لظروف حضرتك :
1 - الكورورلا عجباك علشان الامكانيات الى نازله فيها والاوبشن والشكل الجديد
2 - الكورولا عربية اعتمادية ودة معروف عن التويوتا
3 - الكورولا ماركه قديمة ومسمعة جامد في مصر وتبتبع كتير بهبل
4 - الكورولا توكيلها كويس ومحترم وموجود في كل حته وليه فروع في اى مكان
5 - سعر اعادة البيع كويس جدا ولصالح التويوتا
6 - عربية حمالها قاسية ويشهد ليها بالكلام دة كل الى ركب انواعها المختلفة
7 - عيوبها قليلة لان بسيطة في التصنيع ومفيش تكلف ولا فزلكه زى ما بيسموها بروبلم فرى
8 - ان كان ظهر عيوب في موديل سابق وعلاقين المشانق له فالمشكلة اتحلت في التوكيل علشان محترم وبيتغير الفتيس بالكامل دلوقتى بدون اى فلوس حتى لو العربية بره الضمان واقرب واحد زميلنا مغيره في ابو رواش يوم 3 اكتوبر في العالم الحالى بدون اى مصاريف ( اتكلم عن تويتيا جنوب افريقا )
بعد الماخد عليها من الناس والمالكين للسياره :
1 - اكتر حاجة مقلقة الدنيا والشعب المصرى خاصة انخفاض العربية على الارض انا اتكلمت في النقطة دى وقولت ان مش هضحك عليك واقولك العربية عالية لا طبعا العربية منخفضة عن الارض ودة زى اى نوع سابق بردة كانت العربية بتحك منى بس الغريب الى انا شوفته انا معايا كورولا 2009 خليجى وبردة كانت منخفضة وبتحك في الارض بس انا ببلع ليها العيب دة في مقابل ان كل حاجة في العربية كانت كويسة .. شكل .. اداء ... فرامل ... اعتمادية حدث ولا حرج ... ثبات ممتاز في اليابانى واحسن من الكورى مليون مره ولكن الالمانى يتفوق طبعا في الحته دى باكتساح
ولكن زى ما قولتلك موديل السنة دى اليايى المستخدم اقوى من الانواع السابقة يعنى مش بينضغط اوى مش بيخلى العربية بطة مرفوعه من قدام ونازله من ورا لا ودى انا عملت مقارنة بين الموديلين والعربية مصفحة من تحت يعنى متقلقش ومش هتحك لو لقدر الله حكت الا في علبة الشكمان وكمان عاملين حديده بالعرض كدة علشان تحمي العفشة والشكمان يعنى مش تقلق ان شاء الله من دى .. وتاكد ان العربيات لازم يبقى فيها عيب مفيش عربية كاملة واتمنى ان دة يبقى العيب بس وانا عن نفسى راضى وموافق علية جدا
2 - بيقولك ان العربية تركى
طيب ما الفلوانس دلوقتى تركى برضة .. تركيا مش بلدة متخلفة .. بالعكس دى بقت بلد اوروبية دلوقتى وبتصدر لكل حتة في الدنيا بس تويتيا اختارتها لقربها من اوروبا والشرق الاوسط والايدى العاملة فية ارخص من اليابان في التصنيع علشان تقدر تحط الاوبشن والامكانيات دى كجودة كويسة وكسعر حنين ومقابل فئات كتير من الناس وتظل تويتيا متربعة بردة على عرش المبيعات قبل ما الكورى يسحب منها البساط
ناتى بقى للجوك واقول الى انا شايفة بس مش هقدر اقولك كل حاجة عنها لان مركبتهاش فممكن تسال في قسم النيسان وهما يفيدوك اكتر من بس انا هعمل مقارنة بسيطة خالص بينها وبين الكورولا
1 - الكرورلا اوسع داخليا منها في الشنطة والمساحات الداخلية
2 - الجوك اعلى طبعا ودة مقارنة صعبة بين الاتنين بس في بلدنا العربية العالية جميلة ومريحة بس انا من راى الشخصى المتواضع ان لو هركب عربية عالية هركب عربية تقيلة اعتقد الجوك خفيفة الى حد ما تقريبا في نفس وزن الكيا السبورتاج ... ولكن للامانه العربية العالية ركوبة تانية واحساس تانى في المطبات تحس انك داخل على المطب مش خايف لا من حك ولا من اى حاجة وممكن تنط من على المطب ولا اى اندهاش (( بهزر في حكاية النط دى ))
3 - الشكل الخارجى بالنسبة للجوك فية ناس كتير مش مستحبة الشكل خصوصا الفانوس العلوى الى فوق الكابوت دى بيقولوا انه عرضة للخبط بسرعة وفية منطقة ملطش ... بالنسبة ليا مش عجبنى شكلها اوى ودى طبعا اراء
4- توكيل نيسان ( السبع ) من احسن التوكيلات في مصر طبعا دى لا جدال عليها ماشاء الله عليهم ( الحق يتقال يعنى )
5 - سعر اعادة البيع زى ما قولتلك كفه التويوتا ترجح في الحته دى
6 - استهلاك البنزين عالى شوية عن الكورورلا
طيب بعد كل الكلام الكتير الى انا قولته دى اتمنى تكون كونت فكره
ابسطهالك شوية
انت بين مطرقة وسندان في التفكير
تجيب عربية اعتمادية وماركتها محبوبه وواسعة داخليا وفيها اوبشن كتير السنة دى بس وتقدر تاخد العيلة 5 افراد مرتاحة من غير ما يبقى فية حتة مزنوق في الركوبة وتوكيل كويس ولما تزهق منها هتبيعها مش هتخسر كتير اوى واقتصادية في البنزين ....... بس مشكلة انها واطية شوية على الارض ( ولكن لن تزحف على المطب بس هتاخدة بشويش وحنيه ) .................. يبقى هتجيب كورورلا وانت مغمض
يا تجيب عربية عالية .. ماركه معروفة برضة ... توكيل كويس ... مش هتتعب في المطباات ولا هتبقى في دماغك ... بس هتاكل بنزين عن الكورولا من كتير اوى ... الكنبه ضيقة حبتين يعنى افراد الاسره مش مرتاحين بنسبة 100 في المية
ان كدة فتحتلك كل حاجة وانت اختار بقى وانا برضة معاك في اى معلومة او اى استفسار انا تحت امر حضرتك
اعتقد الدفعة دى وصلت قبل يوم الوقفة يعنى وصلت يوم الاحد الساعة 4 عصرا والترله كانت بتنزل في ابو رواش يعنى فية اكيد في بقيت المعارض نزلت بس كان فية لخبطة في الورق بتاع العربيات بتاع الافراج الجمركى وكدة وهنا في تويوتا مش بيحبوا ياخروا الورق يعنى بالذات في الفروع الرئيسة بيحاولوا انهم يسلموك العربية مرة واحدة بورقة يعنى تطلع من عندهم على الترخيص على طول ودة حاجة كويسة بس اخرت ناس كتير وخلت ناس تضايق جدا وناس كتير كان ليها امل تستلم قبل العيد بس محصلش نصيباقتباس:
هو الدفعة المفروض هتيجى وهتتسلم بعد العيد من الفئة ال ١٨٥ ممكن تيجى يوم الجمعة او السبت دة. ؟ لان واحد صاحبى رايح يوم السبت القاهرة وكنت عايز اروح معاه لو كانت العربية جت وممكن استلمها السبت
المهم
الشركة اجازة ليوم الجمعة فاعتقد الى هيستلم هيبدا من يوم الاحد ان شاء الله لما يكونوا رجعوا السبت واتصلوا بالناس الى هتبدا تستلم من يوم الاحد الا اذا كانوا كلموا الناس الى هتستلم دى قبل العيد علشان يعرفوهم انهم هيستلموا يوم السبت الى بعد العيد على طول
بس اعتقد ان معظم الناس هتستلم في الاسبوع الى بعد العيد والاسبوع الى بعده لان الشحنه خلاص وصلت فما هى الى ترتيب اوراق بس ويشوفوا محتاجين اى فئة او اى لون ويتم التبادل بين المعارض او يكون لكل فرع الحصة بتاعته وتتوزع
بامانة لما كنت بشيك على العربية مشوفتهاش او يمكن علشان انا كنت في النهار وانا بشوف العربية وانا بحجز فحاول اسئلك حد يكون استلم بالفعل الفئة دى وفيها ولا لا ؟اقتباس:
يا جماعة محدش فادنا فى ان خط النور الازرق العند درج الطابلوه موجود فى الفئة ال ١٨٥ ولا لا
شكرا هما قالولى هتستلم بعد العيد معرفش اقدر استلم السبت او الحد ولا لا
ان شااااااا الله تستلم يووم السبت وانا سالتلك ع سوالك قالولي ان الون الازرق الي في التابلو مبينزلش الي في الهاي لاين للاسف
أنا يوم اﻷحد الماضي شوفت واحدة الفئة الثانية الفول أوبسن واقفة في المعرض في إسكندرية. ... دخلت سألت قالي دي لسه واصلة و محجوزة و مستنية صاحبها..... و قالي بعد العيد علي طول باقي الكمية توصل...... ربنا يسهل إن شاء الله
Sent from my GT-I9300 using Forum Runner
شكرا جدا يا abofandy والله مش عارف اشكرك ازاى ويا رب انا وانت نستلم الفول اوبشن يوم السبت
انا حاجز اللون الاسود فرش اسود
يارب يا تميم يارب والله بتمنى من قلبى انا استلم الاسبوع الجاىاقتباس:
شكرا جدا يا abofandy والله مش عارف اشكرك ازاى ويا رب انا وانت نستلم الفول اوبشن يوم السبت
وفى اقرب فرصة لانى تعبت من الانتظار والله
واحيك على اختيار سيد الالون وهو الاسود والفرش الاسود جميل
بس انا مختار زى ما انت عارف اللون الفضى والفرش الاسود
ربنا يتمم يارب لكل الناس على خير يارب وتستلم وتتبسط من العربية بكل ما لها وما عليها
كلام صحيح مليون المية وفعلا العربيات وصلت ابو رواش يوم الاحد والترله نزلت العربيات على الساعة 4 عصرا الكلام دة في القاهرة فكدة الكلام كله موصول اهو ببعضةاقتباس:
أنا يوم اﻷحد الماضي شوفت واحدة الفئة الثانية الفول أوبسن واقفة في المعرض في إسكندرية. ... دخلت سألت قالي دي لسه واصلة و محجوزة و مستنية صاحبها..... و قالي بعد العيد علي طول باقي الكمية توصل...... ربنا يسهل إن شاء الله
وان شاء الله بعد العيد الناس كلها تستلم ان شاء الله
لوحد معاة اللون البرونزي ياريت يصوره لينا
اتفضل يا صديقنا الغالى دة فيديو يبين لك اللون الابيض التلجى
واللون البرونزى المطلوب الى حضرتك طالبه
‫سيارة كورلا 2014- الجديد من تويوتا‬‎ - YouTube
موضوع رائـــــع جداااااااااااا
مرسيى لمرورك الجميل
واتمنى يكون الموضوع عجبك
ولو فية اى اسئلة احنا كلنا تحت امرك
شاكرين على الفديو وياريت لو حد عنده صور تانى يبعت
شاكرين يا باشا على الصور بس لو فيها رخامة ياريت لو فى صور على الواقع
ان شاء الله لو فية اى حد من الاعضاء عندة صور مش هيتاخر عليك باذن اللهاقتباس:
شاكرين يا باشا على الصور بس لو فيها رخامة ياريت لو فى صور على الواقع
اشكرك للمرور الجميل دة والمعلومة الرائعةاقتباس:
11.1 للاوتوماتيك و 10.5 للمانيول
يا جماعة لو سمحتم ياريت شرح وافى عن ثبات العربيه ومواقفها فى المناورات والغرز وسرعة تجميع الفرامل وهل بتعوم على السرعات ولا لأ يعنى ححس انى راكب المانى ولا زيها زى اى عربيه يابانى او كورى ياريت الشرح الوافى علشان انا متعود على الالمانى وشكرا
هرد على حضرتك بخصوص الثبات في العربية
طبعا هناك اختلاف بين الالمانى واليابانى والكورى في الثبات
الالمانى طبعا اعلى في الثبات ودة له اسباب كتير اوى احنا في غنى عن ذكرها دلوقتى
وحضرتك راكب المانى وعارف الكلام دة كويس
نتكلم عن النقطة الى تهمنا والى بناقشها سوا وهى الثبات في الكرورلا 2014
قبل الموديل دة كان ثبات الكورولا مقلق بعد 130 او 140 تحس انك مش مطمن اوى وتركيزك يزيد وانت
سايق على السرعة دى وبدال تركيزك زاد يعنى القلق زاد يعنى الثبات اصبح مهدد
في الموديل دة حاجات كتير اتغيرت نتيجة شكاوى كتير اوى توجهت الى تويوتا تخصها بمساله الثبات في موديلاتها
خصوصا الموديل الاكثر مبيعا في العالم كله وهى الكورولا
فاصبحت همها الشاغل مساله الثبات دى اولا وحاجة تانية مش وقتها بس هقولها وهى الاوبشن الى في العربية
لانها كانت تهاجم من الناس بفقر الاوبشن الموجود في العربية
ففى هذا العام اصبح شغلها الشاغل علاج المسالتين دول وهما الثبات والاوبشن (الرفاهية )
بالنسبة لموضوع الرفاهية المتمثل في الاوبشن اعتقد دى اتحلت واصبحت دلوقتى زى مثيلتها بالنسبة للأوبشن
بالنسبة لموضوع الثبات بقى اية الى عملتها تويوتا بقى .... /:
1- الثبات الالكترونى المزود في السياره vsc
ودة مزود بكومبيوتر السياره بمعنى انك ممكن انت تشغله وهو بيشتغل اتوماتيك لما يحس ان
العربية فيها مشكله في الثبات فبيشتغل اتوماتيك اذا حس ان ااتزان او ثبات العربية فيه مشكله اثناء مناوره او غرزه او منعطف قاسى او غيره .. (( ميزه مكنتش موجودة قبل كدة ))
2 - سقف العربية تم انخفاضة عن مستوى السيارات السابقة للكورولا لزيادة ثبات العربية وانسياب الهواء على جانبين وسقف السيارة بما يتناسب مع التصميم الجديد لتجنب الصدمات الهوائية ويزيد من ثباتها والدليل ان الموديل دة حتى في اعلى فئة منه الهاى لاين لم يتم نزوله بفتحة سقف ليوكد مدى صحة الكلام لانخفاض سقف السيارة عن سابقتها
3 - اتساع المسافة بين قاعدة العجلات ادى الى ثبات اكتر واتساع في الصالون الداخلى ليتماشى مع حمل السيارت مع العفشة وتوزيع القوى والحمل على محاور السياره حتى لا يخل بتوازنها عند اى نقطة اثناء القيادة .
الكلام الى انا قولته دة كلام نظرى يعنى على ورق طيب والكلام الفعلى فالناس الى استلمت تقدر تايد كلامى دة والعربية بقت بتمشى على 160 و 180 وانت حاسس بامان واعتقد دة نجاح بس للامانه متقدرش تاخد غرزة قاسية على السرعة دى انا مجبربتش بامانه بس اخاف اعملها لان حياتى اكيد غالية عليا وانا والى معايا ولو حتى معايا عربية المانى هيبقى نفس الاحساس وهو الخوف وربنا يسترها علينا وعلى اهلينا
اتمنى اكون وفيتك الرد وشرحتلك وقربتلك الصورة