مساعدة فى شرءا 405

**ibnelfared** · 25-09-2013 04:01 PM

السلام عليكم يا أخوانى الأفاضل .
فى نية أن شاء الله تعالى لشراء بيجو 405 ولكن أنا جاهل بالبيجو كلة لأنى بصراحة ما أتعاملتش ألا أقل القليل .
المهم أنا محتاج أرار حضراتكم وخبراتكم فى الأتى وأرجوا السماح ليا وسعه صدركم أن شاء الله:-

ما هيا مميزات البيجو 405 التى تميزها عن غيرها .
أى الموديلات أفضل فى البيجو 405 ؟ وهل منها صناعات مختلفة أم فرنساوى فقط .
هل الكماليات فى ى كل موديلاتها زى بعض ؟
عيوب البيجو 405 .
أسعار الصيانة الخاصة بها وقطع الغيار .
من تكون سعة الموتور فى موديلاتها .
عند شرائى هذة السيارة ماذا يستلزم عند شرائها من خبراتكم فى تجربتها - موتورها -كماليتها حتى أتأكد من هذة السيارة جيدة أم لا .
معروض عليا سيارة بيجو 405 موديل 1996 أيه رأيكم .

أرجوا نصيحتكم حيث دخلت المنتدى هنا ولكن مش عارف أجمع بصراحة

**toomy_29** · 27-09-2013 01:53 PM

كل اللى حقوله لحضرتك ان405 عربيه جميله جدا من حيث المش و الثبات على الطريق الراحه فى القياده عربيه واسعه جدا من حيث الصالون و الشنطه كبيره بس لازم العربيه تكون سليمه و ركز على سليمه لان العربيه دى لو مش سليمه حتكره العربيات كلها و فطع غياره متوفره بكثره عند بتوع البيجو بس هات 1600 متجبش حاجه تانيه و انا تحت امر حضرتك فى اى سؤال

**ibnelfared** · 27-09-2013 02:44 PM

المشاركة الأصلية كتبت بواسطة toomy_29

كل اللى حقوله لحضرتك ان405 عربيه جميله جدا من حيث المش و الثبات على الطريق الراحه فى القياده عربيه واسعه جدا من حيث الصالون و الشنطه كبيره بس لازم العربيه تكون سليمه و ركز على سليمه لان العربيه دى لو مش سليمه حتكره العربيات كلها و فطع غياره متوفره بكثره عند بتوع البيجو بس هات 1600 متجبش حاجه تانيه و انا تحت امر حضرتك فى اى سؤال

أشكر حضرتك جزيل الشكر على ردك وأهتمامك بموضوعى أعزك الله أخى .
طب فى عربية معروضة عليا موديل 1994 ولسه هاشوقها بكرة أن شاء الله فكنت بستأذنك توضيح جزئية أن العربية لازم تكون سليمة دى أرجوا توضيحها وأيه نصائحك فى معاينتى للعربية

**badry78** · 27-09-2013 05:13 PM

المشاركة الأصلية كتبت بواسطة ibnelfared

أشكر حضرتك جزيل الشكر على ردك وأهتمامك بموضوعى أعزك الله أخى .
طب فى عربية معروضة عليا موديل 1994 ولسه هاشوقها بكرة أن شاء الله فكنت بستأذنك توضيح جزئية أن العربية لازم تكون سليمة دى أرجوا توضيحها وأيه نصائحك فى معاينتى للعربية

ربنا يوفقك في الشراء

طالما العربية موديل 94 ده معناه انها فرنساوي و تقفيلها كويس و اللي يقصده الأخ العزيز من ان العربية تكون سليمة يعني تكون فابريكة دواخل على الأقل و تكون عفشتها مش محتاجة مصاريف أو تكون محتاجة مصاريف بس بسيطة و ده اللي يحدده عفشجي محترم و أمين و الموتور طبعا يكون مظبوط و مابياكلش زيت و مابيدخنش دخنة بيضا أو زرقا من الشكمان .. و يكون سحبه كويس و عزمه قوي و ربنا ينور بصيرتك و تختار الاختيار الصح .

**ibnelfared** · 27-09-2013 06:25 PM

المشاركة الأصلية كتبت بواسطة badry78

ربنا يوفقك في الشراء

طالما العربية موديل 94 ده معناه انها فرنساوي و تقفيلها كويس و اللي يقصده الأخ العزيز من ان العربية تكون سليمة يعني تكون فابريكة دواخل على الأقل و تكون عفشتها مش محتاجة مصاريف أو تكون محتاجة مصاريف بس بسيطة و ده اللي يحدده عفشجي محترم و أمين و الموتور طبعا يكون مظبوط و مابياكلش زيت و مابيدخنش دخنة بيضا أو زرقا من الشكمان .. و يكون سحبه كويس و عزمه قوي و ربنا ينور بصيرتك و تختار الاختيار الصح .

جزاك الله كل خير يا أخى العزيز تنصحنى أخد مين من الصنايعية معايا ؟ وهل أرقعها فى بنزينة وأشوف الكبس والكلام دة ولا أثتصر الموضوع على أيه

**badry78** · 27-09-2013 08:06 PM

المشاركة الأصلية كتبت بواسطة ibnelfared

جزاك الله كل خير يا أخى العزيز تنصحنى أخد مين من الصنايعية معايا ؟ وهل أرقعها فى بنزينة وأشوف الكبس والكلام دة ولا أثتصر الموضوع على أيه

الأهم هو السمكري و طبعا لازم يكون فاهم كويس و في نفس الوقت يكون أمين عشان مايلفش من وراك و ياخد مصلحته من البايع في سبيل انه يلبس المشتري العربية و هي معيوبة ( رشة دواخل أو فيها لحامات في الشاسيه أو لاقدر الله كانت عاملة حادثة أو مقلوبة قبل كده و القوايم بتاعتها اتعمل فيها شغل ) .. و الميكانيكي مهم عشان برضه الموتور لو فيه مشكلة لاقدر الله هاتصرف عليه كتير .. موضوع الرفع في البنزينة ده بصراحة ماجربتوش قبل كده فياريت حد من الزملاء يفيدك فيه عشان مابقاش بافتي .

**ibnelfared** · 27-09-2013 08:20 PM

المشاركة الأصلية كتبت بواسطة badry78

الأهم هو السمكري و طبعا لازم يكون فاهم كويس و في نفس الوقت يكون أمين عشان مايلفش من وراك و ياخد مصلحته من البايع في سبيل انه يلبس المشتري العربية و هي معيوبة ( رشة دواخل أو فيها لحامات في الشاسيه أو لاقدر الله كانت عاملة حادثة أو مقلوبة قبل كده و القوايم بتاعتها اتعمل فيها شغل ) .. و الميكانيكي مهم عشان برضه الموتور لو فيه مشكلة لاقدر الله هاتصرف عليه كتير .. موضوع الرفع في البنزينة ده بصراحة ماجربتوش قبل كده فياريت حد من الزملاء يفيدك فيه عشان مابقاش بافتي .

جزاك الله خيرا أستاذ بدرى وأشكرك على ذوقك وتعبك ومعلش دى أخر حاجة هاستأذنك فيها رينج العربية دى كام فى حالة حالتها الكوية وأدى الميكانيكى والسمكرى كام

**badry78** · 02-10-2013 05:25 PM

المشاركة الأصلية كتبت بواسطة ibnelfared

جزاك الله خيرا أستاذ بدرى وأشكرك على ذوقك وتعبك ومعلش دى أخر حاجة هاستأذنك فيها رينج العربية دى كام فى حالة حالتها الكوية وأدى الميكانيكى والسمكرى كام

أسف على التأخر في الرد .. و ما فيش تعب ولا حاجة
لو حالتها كويسة و التكييف شغال بتعمل من 32 ل 35 ألف و بالنسبة للميكانيكي ممكن تديه 100 أو 150 و السمكري لو نزل تحتها و فرزهالك صح و بص على أماكن اللحامات أعتقد مش خسارة فيه 150 أو 200 جنيه .. اللي أقصده انك ممكن تدفع المبلغ ده في سبيل انك تبقى مطمن لحالة العربية و اعتبر نفسك شاريها غالية 300 أو 400 جنيه .. أحسن ما تروح لوحدك و يعجبك شكل العربية من بره و هي فيها مشاكل متدارية و تضطر تصرف عليها كتير بعد كده .. و خد بالك من الفترة اللي باقية من الرخصة انها تكون مش فترة قصيرة عشان ما تضطرش تروح تجدد في وقت قصير و لازم تبص على رقم الموتور و تتأكد أن هو اللي في الرخصة .. ربنا يكرمك بعربية كويسة و يديك خيرها و يكفيك شرها .. و أي استفسار أنا تحت أمرك في حدود معرفتي البسيطة