استشارة سريعة ف اللادا

**eng.salama93** · 25-09-2013 04:43 PM

كنت عاوز أستفسر علي حاجة ..
من شوية كنت راجع مع واحد صاحبي ف عربيتة لادا موديل 82 ... مقولكوش يعني ع الحاله متهالكه أزاي
المهم المشكلة الكبيرة فيها دلوقني ان الفتيس بيبقي عاوز ينطر الغيار الأولاني ولازم يمسك العصاية بإيده عشان الغيار ميرجعش
و العصاية بتتهز جامد لدرجة انها بتخبطه ف رجله كتيير جدا
و سألني عن السبب قولتله الديسك .... هل تشخيصي صحيح ؟؟ لأننا رايحين للميكانيكي احتمال النهاردة او بكره

**ahmedalaahosny** · 25-09-2013 05:33 PM

هل الغيار الاول بس ولا كل الغيارات اصل على حسب معلوماتى القليلة ف الميكانيكة ان
المشكلة دى تنحصر اما ان الغويشة بتاعة الغيار الاول تاكلت و محتاجة تتغير (ودى ارجحها اكتر ) او بلية الدرك باظت و عاوزة تتغير
كده كده لازم يتفك الفتيس علشان يعرف ايه المشكلة
وممكن لو قاعدة الفتيس مقطوعة تعمل كدة لان الغيار مش بيشبع مكانة برضة يبص عليها قبل مايفك الفتيس

**eng.salama93** · 25-09-2013 06:15 PM

هو انا فعلا قولتله ف الأول انها ممكن تبقي غوايش الفتيس او قاعدة الماتور
بس لما لقيت الغيار بيرجع من مكانه أووي و العصاية بتخبط و رايحه جايه و العربية بتلخبط جامد بس الكلام دا ف الغيار الأول بس
رجعت و قولتله الديسك

**aw2100** · 25-09-2013 09:59 PM

ده عيب من الفتيس نترة الأول ومجموعة الدبرياج الهزهزة فى الطلعة على الأول الأحسن ليه يستنى لما الفتيس يخلص خالص ويجيب فتيس استعمال بطقم دبرياج جديد افضل لية ويريح دماغة كام سنة لو صلح الفتيس ده مش حيظبط معاه وبراحته طبعا !!