المشاركة الأصلية كتبت بواسطة ahmed elhddad
على فكرة بس يا شباب العربية تقفيل مصري فموضوع الجمارك ده مش لصالح نسخة التيربو ده لو نزلت في الاساس
العربية ديه لو نزلت هاتنزل اوتوماتيك بس وطبعا - وده الغالب - هاتيجي تقفيل بلادها وده هايرفع سعرها جدا وعلشان كده غبور مش هايبجها مش علشان تيربو وكده .. لأ علشان المكسب منها مش قد طموح الوكيل ..
حاجة تانية بقه انا بجد مش وصلالي .. مال التيربو بالبنزين الـ 95 .. تظرياً ولو حسبناها بالورقة والقلم التيربو مالوش دعوة اساساً بالبنزين اللى محطوط في العربية التيربو شغله ببساطة بيعتمد على اندفاع الهوا اللى طالع من نظام عادم العربية اللى بتلف مروحة مركب على نفس مركزها مروحة تاني بتضغط الهوا تاني داخل السلندر .. الفرق هنا يكون نسبة انضغاط المحرك بص في الكتالوج لو أعلى من 13 تقريباً - مش متذكر أوي وده كمان صعب جدا لأن النسبة ديه عالية على عربية تجارية عادية- يبقى العربية محتاجة بنزين 95 أنما أقل من كده العربية ممكن تشتغل ببنزين اوكتانه اقل والله أعلى واعلم
المشاكل اللى ظهرت في الفولكس فاجن وهي السبب الرئيسي في الفكرة اللى متاخدة عن التيربو في مصر كانت علشان نظام الحقن أعتقد ولأن محركات فوكلس فاجن كانت مزدوجة الشحن متهيئلي .. برده الله اعلم ولكن ديه وجهة نظرى