نقاط هامه لاستلام سيارتك الزيرو

**tito2020** · 09-09-2008 01:19 PM

السلام عليكم

رمضان كريم

بصراحه يا جماعه انا مليش خبرة بالسيارات والواحد قراء كلام على المنتدى ان فيه بعض المعارض بتبيع العربيه زيرو وبتكون فيها خبطات ومرشوشه او حد من المعرض مشى بيها على سرعات عاليه ودة غلط زى ما عرفت من المنتدى

ممكن يا جماعه تحددوا لنقاط الهامه لاستلام السيارة زيرو ويكون الواحد مطمن انها مفيهاش حاجه يعنى مثلا لازم افحص حاجه معينه ؟؟

وهل لازم استلم العربيه زيرو وهيا لسه متغطيه بورقها ولا مش لازم ؟؟
طب والعداد لو عامل كام كيلو ابدا اشك ان العربيه مشيت كتير ؟؟

معلش طولت عليكم بس هيا عربيه هجيبها واحد ومفيش تانيه فا لازم الواحد ان شاء الله يستلمها مظبوطه وربنا يجنبنا ويجنبكم اصحاب عديمى الضمير
شكراا

**tito2020** · 10-09-2008 06:33 PM

يا جماعه رمضان كريم

محدش ناوى يفدنى ولا ايه؟؟؟؟؟؟

**A_Mando** · 10-09-2008 09:04 PM

المشاركة الأصلية كتبت بواسطة tito2020

السلام عليكم

رمضان كريم

بصراحه يا جماعه انا مليش خبرة بالسيارات والواحد قراء كلام على المنتدى ان فيه بعض المعارض بتبيع العربيه زيرو وبتكون فيها خبطات ومرشوشه او حد من المعرض مشى بيها على سرعات عاليه ودة غلط زى ما عرفت من المنتدى

ممكن يا جماعه تحددوا لنقاط الهامه لاستلام السيارة زيرو ويكون الواحد مطمن انها مفيهاش حاجه يعنى مثلا لازم افحص حاجه معينه ؟؟

وهل لازم استلم العربيه زيرو وهيا لسه متغطيه بورقها ولا مش لازم ؟؟
طب والعداد لو عامل كام كيلو ابدا اشك ان العربيه مشيت كتير ؟؟

معلش طولت عليكم بس هيا عربيه هجيبها واحد ومفيش تانيه فا لازم الواحد ان شاء الله يستلمها مظبوطه وربنا يجنبنا ويجنبكم اصحاب عديمى الضمير
شكراا

و انا كمان محتاجة اعرف ايه الاجراءات دى؟؟

**mhkash** · 11-09-2008 11:19 AM

اول حاجه - تبعد تماما عن المعارض المشبوهه دى - هى الحقيقه مبقتش مشبوهه
دى بقت مفضوحه و عاملهم الله بما يستحقوا

**hobiko** · 11-09-2008 01:12 PM

الموضوع ده مهم جدا ياريت فعلا لو حد يعرف حاجة يفيد الراجل

**noor88** · 11-09-2008 01:54 PM

لازم تستلم مع العربية:
1-خطاب موجه لادارة المرور اللى انت تبعها لاستخراج الترخيص
2- مبايعة او عقد بيع ابتدائى(المعرض لازم يكون له سجل تجارى وده مهم للترخيص)
3-بيان بالافراج الجمركى او صورة منه
4-شهادة بيانات من المرورالتابع له المعرض

ملحوظة البند رقم 3&4 خاصة باسيارات المستوردة فقط

**same7mousa** · 11-09-2008 06:21 PM

بسم الله الرحمن الرحيم
صدقني لازم تاخد معاك حد بيفهم في العربيات و يكون معرفة أو تبعك
بتستلم
1 : مستند نقل المسئولية عبارة عن اثبات فيه بتمضى انك استملت العربيةوبكدا اى حاجة تعملها بالعربية بقى مسئوليتك مش المعرض يعنى المعرض بيخلى مسئوليته من العربية وفيه ان العربية سليمة بدون عيوب
2 : مستند الملكية وفيه ان المعرضباع العربية لفلان ودا فى الاغلب بيتختم من مرور الدراسة لو حضرتك حترخص محافظات
عادي شيك عليها كويس متكونش متجرحة او فيها خبطة، شيك على العدة بالكامل واستبنالعربية ولو فيها ولاعة في الغالب مش هتلاقيها جوة العربية ابقى اطلبها. ولو بينزلمع العربية قلم دوكو متنساهوش
العربيه معاها الكوريك ومفتاح العجل ومفك وشنطة جلد للعده والكتالوج وضمان العربيهوضمان البطاريه وضمان الكاسيت والشريحه اللى عليها رقم المفتاح والطاسات مش راكبه

ح.. الداخل – تأكد من نظافة السيارة، وتأكد من أن كل شيء يعمل بكفاءة

خ.. المكيف – جرب المكيف حتى ولو كنت في الشتاء. أيضا تأكد من تأثيرهعلى حرارة السيارة

د.. تأكد من عمل الإشارات و المساحة ومزيل الضباب وغيرهم

**tito2020** · 12-09-2008 11:21 AM

متشكر لجميع الاعضاء الى ردوا عليا ولو حد عندة اراء تانيه يا ريت
بس محدش رد عليا بخصوص العداد ميكنش عدى كام كيلو ؟؟

**tito2020** · 16-09-2008 11:06 AM

فين يا جماعه بقيه الردود
يا ريت كمان تفيدونى لانى خلاص حددت العربيه وهستلمها قريب
نيو اكسنت فول اوبشن مانيوال

شكراا

**Xirox1313** · 17-09-2008 03:42 PM

موضوع مهم ومفيد.

ربنا يتمم على خير إن شاء الله ومبروك مقدماً.

أعتقد برضه مهم الأسم في الإفراج الجمركي يكون بإسم المعرض أو يكون فيه مبايعة ما بين صاحب هذا الأسم والمعرض لإثبات ملكية المعرض ودفعه ثمنها بالكامل.