اكيد 100% فى الفلوانس ان الكاتينه جنزير ولاتغير قبل 100الف كم او علي حسب الحاله
اما لو كان زميلنا psycholain اكيد ان الكورولا كاتينا جنزير.....فحنصدقه لانه كان راكب الموديل اللي قبلها وبيأكد الكلام ده
انا شايف ان العربيتين هنا بيتحدو بعض جداً جداً وهنا بقى رأي المشتري هو اللي حيجيب من الآخر يعني اللي يميل لعربية واللي يميل للتانية لإن العربيتين ممتازين
وبما انه مجرد رأي انا شايف ان الفلوينس افخم من جوا واجمل من برا لوجود عدسات زينون وليدات شبورة ودا بيحسن من شكل العربية وكمان من الخلف شايفها اجمل وافخم
وعموماً في الاول والآخر مجرد رأي يعني بس بردو الكورولا فيها ثبات أعلى واوتو بارك وهنا بقى يشوف هو ميال لإيه بس الواحد بيقلق من علو الكورولا عن الارض
بس انت ممكن تضيف معاهم النيو سيراتو ليها مركزها بردو كأوبشنز ورفاهية ... في امان الله ورعايته
الكلام اللي من الاخر هو كلام حضرتك، و هي في الاخر ازواق و ارتياح اللي بيشتري.
انا شخصيا لما شفت الفلوانس مستريحتش و حسيت براحة في الكوروﻻ اكتر.
و لما بشتري دايما بحط امامي قاعدة في الاختيار 60% امان و 40% رفاهية و كماليات و هي بصراحة حققتلي ده وزيادة
- وانا اقصد بانوار "ليد" يعني الانوار النهاريه ودي موجوده فى الفلوانس تحت عند الشبوره غير الاضواء الاساسيه الزينون , ولو حضرتك شايف ان التحكم لايعتبر ميزه ..... فلك الحق والاحترام فى معتقدك
- اتمني ان تكون فعلا الكورولا بالوسع ده حيكون شئ مميز فعلا .... بس للعلم الفلوانس اعرض ب 0.6 سم فى الكنبه
- رجاءا انا لا اتحدث ابدا عن اي موديل فى الفلوانس قبل الفيس لفت 2014.....لان بعد سؤال التكيل بنفسي فرع العبور : الكاتينا جنزير ولاتغير قبل 100الف كم تو علي حسب الحاله والبوجيهات معدله ويتم تغييرها عند 80 الف كم او علي حسب الحاله ولايوجد فلتر بنزين يوجد محسنات اخري
دمت فى امان الله
الله ينور عليك يا برنس هي من ناحية امان هي امان جداً وبالنسبة للفلوينس اي نعم هي يمكن تكون جميلة بس حجمها الكبير اوي مقلل من قيمتها قدامي
يعني مثلاً لو جيت تقارنها بالأسترا حتلاقي الفلوانس كبيرة اوي وانا عن نفسي الشئ دا بيزعجني في الطريق وانا معايا الـ320i ومقلكش ببقى مقلق قد ايه لما بدخل زحمة
ممكن حد يقرص عليا او الهبل بتاع سواقين التاكسي والكلام دا عشان كدا مش بحب العربيات العريضة اوي والكبيرة زي الفلوينس بس هي شكل يعني
- طيب انا عندي سؤال لحضرتك ... مفكرتش ليه في الاسترا والفوكاس ؟ هما فيهم 4 ايرباج وESC وEBA وطابع الماني يعني ... في حاجة معينة ؟
- هو حضرتك عندك فكرة الايرباج اللي في الاسترا مترصصين فين ؟ يعني 2 قدام و2 في الجنب ولا الاتنين التانيين ورا ؟
[QUOTEegypt الليالي;3875343639]الله ينور عليك يا برنس هي من ناحية امان هي امان جداً وبالنسبة للفلوينس اي نعم هي يمكن تكون جميلة بس حجمها الكبير اوي مقلل من قيمتها قدامي
يعني مثلاً لو جيت تقارنها بالأسترا حتلاقي الفلوانس كبيرة اوي وانا عن نفسي الشئ دا بيزعجني في الطريق وانا معايا الـ320i ومقلكش ببقى مقلق قد ايه لما بدخل زحمة
ممكن حد يقرص عليا او الهبل بتاع سواقين التاكسي والكلام دا عشان كدا مش بحب العربيات العريضة اوي والكبيرة زي الفلوينس بس هي شكل يعني
- طيب انا عندي سؤال لحضرتك ... مفكرتش ليه في الاسترا والفوكاس ؟ هما فيهم 4 ايرباج وESC وEBA وطابع الماني يعني ... في حاجة معينة ؟ طبعا قارنت مبينهم وكنت في حيرة كبيرة جدا خصوصا مع الفوكاس و في البداية كنت حاطت الفلوانس في المقارنة بس استبعدتها عشان ال esp كان مهم بالنسبة لي، اما الاسترا عربية محترمة مفيش كلام بس انا متعقد من توكيل منصور مش احترافيين و معاملتهم سيئة لما كان مع والدي الشفروليه كروز،وهما محتكرين قطع الغيار و كنت متضايق لما قعدت في الكنبة الخلفية مكنتش واسعة ، مدخل الشنطة كنز شوية و الشنطة مهمة جدا في شغلي، كنت عاوز عاوز عربية فيها بلوتوث و تلفون ﻷني بسوق كتيير و بتكلم في التلفون كتيير وياما لبست مخالفات و هي مكنش فيها بس اعتقد موديل 2014 نزل ببلوتوث و غلوها 7 اللاف جنيه، التسارع بتاع العربية يفرق معايا جدا و الله اعلم حد كان بيعلق انها تقيلة شوية في الطلعة الاولي و لكن بعد 40 كم/ساعة بتبقي حاجة تانية. اما الفوكاس عالمية و موهوم بيها مفيهاش غلطة بس انا من النوع اللي بحب اغير العربية كل سنتين تلاتة و عارف اني لوجبتها هدلل عليها و هيتخسف بتمنها الارض واقرب مثال الكوروﻻ 2011 القديمة بتاعتي كنت جايبها ب150 الف بعتها ب 165 الف بعد سنتين فلو افترضنا الفوكاس ب 200 الف بعد سنتين لو بعتها ب 140 يبقي فل الفل
- هو حضرتك عندك فكرة الايرباج اللي في الاسترا مترصصين فين ؟ يعني 2 قدام و2 في الجنب ولا الاتنين التانيين ورا ؟[/QUOTE]
مش عارف بصراحة بس اساتذتنا ملاك الاسترا يفيدونا