مقارنه قوية بين تويوتا كورولا 2014 و رينو فلوانس 2014

**Hany Saad** · 24-12-2013 04:47 PM

المشاركة الأصلية كتبت بواسطة psycholain

مش قصدي يا د:/خالد و الله
بس مش منطقي الكلام اللي مكتوب من وجهة نظرى :
it helps to minimize the loss of control.
بالعربى كده: ال esc/vsc مش بيحسن ثبات العربية و لا ادائها فى الملفات و لا على السرعات و لكن: بيقلل من فقد السيطرة على السيارة.......بس كده خلص الكلام
مش تقليل من فقط السيطرة ده تقييم لثبات العربية ؟ مش الثبات اني امشي بسرعة عالية والعربية متعومش واقدر اتحكم فيها بقدر الامكان ؟

انا هبتدى كلامى اهوه و اقول العربية الكورولا دى ضايعة....بقولك ايه مش حابب تبيع؟ :)
اولا نفرق بين الثبات و الامان
الامان
الesp نظام امان اعلى و هو انه فى حالة فقد القدرة على السيطرة على العربية...فيه حساسات هتحس ان العربية بتخرج بره المسار و تشغل الabs بحيث يفرمل عجلة/عجلات معينة و يرجع العربية للمسار...ده امان
نيجى بقى للثبات
حضرتك ناقشت معايا ايه هيه الحاجات اللى بتأثر فى الثبات و لا داعى لاعادتها زى العفشة و ظبطها و كده

معنى كده ان الesp هينقذنى لو لا قدر الله العربية عومت و لكن ::::::::

مش هيحسسنى ان عربيتى ثابتة....مش هيحسسنى ان عربيتى مش بتعوم لفوق و تحت من ورا...مش هيدينى احساس الامان انى ممكن بس اسند الدركسيون على سرعات عالية لان العربية مكلبشة فى الارض....ملهوش دعوة هو بالكلام ده خالص و هو ده متعه قيادة العربية على سرعات

هدى مثال مش حابب اقوله
التيدا مش كويسه خالص فى الثبات و لازم تتبت ايدك فى الدركسيون و انت سايق على سرعة او فى ملف او لو فيه هوا جامد على الطريق
ها فى نظرك تركيب esp لها سوف يحل مشكلة ثباتها؟
الاجابة بالطبع لأ و لكن سوف يقلل من حوادثها و اللى سايقها هيفضل طول عمره خايف و هو بيجرى

مش عارف قادر اوصل نقطتى و لا فشلت؟

المهم مقولتليش هتبيع الكورولا التعبانة على كام و انا شارى :) :)

**Hany Saad** · 24-12-2013 04:50 PM

المشاركة الأصلية كتبت بواسطة k.ossama

بص يا عزيزي
انا شايف ان الكلام كله صح بس تحت مسميات مختلفة وهو ده اللى مسبب الاختلاف.
هو الesp بيتدخل عند احساس كمبيوتر العربية وجود ما يهدد ثباتها على الطريق.
فهو مش حيفرق اوى فى احساس السائق بثبات العربية فى الاستخدام اليومى. اللى يفرق هو شكل الشاسيه ونظام التعليق وأبعاد ووزن العربية ومكان الموتور بالنسبة للأبعاد دى. والحاجات دى تفرق فيما يسمى التحكم ومتعة القيادة أو handling and fun to drive
لكن الesp من عوامل الأمان أو safety مافيش كلام

الله ينور يا دكتور....هو ده اللى عايز اوضحه بالظبط
بس برده الكورولا بتاعت الباشمهندس تلزمنى :):)

**Mohamed.Hany** · 24-12-2013 05:10 PM

المشاركة الأصلية كتبت بواسطة k.ossama

بص يا عزيزي
انا شايف ان الكلام كله صح بس تحت مسميات مختلفة وهو ده اللى مسبب الاختلاف.
هو الesp بيتدخل عند احساس كمبيوتر العربية وجود ما يهدد ثباتها على الطريق.
فهو مش حيفرق اوى فى احساس السائق بثبات العربية فى الاستخدام اليومى. اللى يفرق هو شكل الشاسيه ونظام التعليق وأبعاد ووزن العربية ومكان الموتور بالنسبة للأبعاد دى. والحاجات دى تفرق فيما يسمى التحكم ومتعة القيادة أو handling and fun to drive
لكن الesp من عوامل الأمان أو safety مافيش كلام

شكرا للتوضيح
هو ده اللي انا قصدي عليه زى محضرتك كاتب بالضبط انه بيتدخل عن الاحساس بوجود ما يهدد ثباتها علي الطريق

**Mohamed.Hany** · 24-12-2013 05:20 PM

المشاركة الأصلية كتبت بواسطة zangry

بعد اذنكم حابب اقول رأيي المتواضع في موضوع الـesp ده .. هو طبعا مهم جداا لانه مبيخليش العربية تعوم لكن ملوش علاقة بثبات العربية الاساسي ..

في عضو في السعودية وكان شاري الالنترا تركي فيها esp وعايز يبعها عشان ثباتها مش حلو وعلى مفاصل الكباري العربية بتنطط !

الخلاصة ان الـesp لو العربية مش ثابتة من الاساس يبقي ملوش لزوم

ولو سمحت يا استاذ ميجي متتكلمش عن التيدا كده

التيدا دى لو عملوا فيها البدع مش هتبقي ثابتة دى عامت مني على 120 ولفت حوالين نفسها اكتر من 4 5 مرات وفي الاخر طرت بيها من فوق الدائري

احترامي الكامل لملاك الالنترا
بس انا جربتها علي 120 و كنت حاسس اني بعووم فلا اعتقد ان esp ولا اي نظام ثبات يحسن منها هي كعربية فيها مشكلة

**Hany Saad** · 24-12-2013 05:22 PM

المشاركة الأصلية كتبت بواسطة zangry

بعد اذنكم حابب اقول رأيي المتواضع في موضوع الـesp ده .. هو طبعا مهم جداا لانه مبيخليش العربية تعوم لكن ملوش علاقة بثبات العربية الاساسي ..

في عضو في السعودية وكان شاري الالنترا تركي فيها esp وعايز يبعها عشان ثباتها مش حلو وعلى مفاصل الكباري العربية بتنطط !

الخلاصة ان الـesp لو العربية مش ثابتة من الاساس يبقي ملوش لزوم

ولو سمحت يا استاذ ميجي متتكلمش عن التيدا كده

التيدا دى لو عملوا فيها البدع مش هتبقي ثابتة دى عامت مني على 120 ولفت حوالين نفسها اكتر من 4 5 مرات وفي الاخر طرت بيها من فوق الدائري

الف سلامة على حضرتك اولا من التيدا...انا عندى صديق كان معاه اوكتافيا A5 و بعدين مصاريفها بقت عاليه عليه فباعها و جاب تيدا سيدان زيرو

الراجل نازل من قمة الجبل الى اسفله...من قمة الثبات الى ال لا ثبات
كل ما يرجع من سفر على الصحراوى يقعد يشكيلى و يسألنى طيب لو عرضت العجل يا باشمهندس هتكون اثبت وانا اقوله اه بش مش اللى بالك فيه يعنى

فعلا هو ده اللى كنت بوضحه....المهم كلنا ندور على عربية اساسا ثابتة و بعدين نشوف كمان لو فيها Esp يبقى فل الفل
يعنى الاسترا ثابتة و معاها esp يا سيدى
الفوكاس ثابتة و معاها esp يا عينى

هو ده مربط الفرس....ثبات السيارة الاساسى و بعده فى المقام وجود ال esp
قاعدة عامة:
" عربية ثابتة بدون esp احسن مليون مرة من عربية مش ثابتة مع وجود esp"

**Mohamed.Hany** · 24-12-2013 05:26 PM

المشاركة الأصلية كتبت بواسطة meggieboy

انا هبتدى كلامى اهوه و اقول العربية الكورولا دى ضايعة....بقولك ايه مش حابب تبيع؟ :)
اولا نفرق بين الثبات و الامان
الامان
الesp نظام امان اعلى و هو انه فى حالة فقد القدرة على السيطرة على العربية...فيه حساسات هتحس ان العربية بتخرج بره المسار و تشغل الabs بحيث يفرمل عجلة/عجلات معينة و يرجع العربية للمسار...ده امان
نيجى بقى للثبات
حضرتك ناقشت معايا ايه هيه الحاجات اللى بتأثر فى الثبات و لا داعى لاعادتها زى العفشة و ظبطها و كده

معنى كده ان الesp هينقذنى لو لا قدر الله العربية عومت و لكن ::::::::

مش هيحسسنى ان عربيتى ثابتة....مش هيحسسنى ان عربيتى مش بتعوم لفوق و تحت من ورا...مش هيدينى احساس الامان انى ممكن بس اسند الدركسيون على سرعات عالية لان العربية مكلبشة فى الارض....ملهوش دعوة هو بالكلام ده خالص و هو ده متعه قيادة العربية على سرعات

هدى مثال مش حابب اقوله
التيدا مش كويسه خالص فى الثبات و لازم تتبت ايدك فى الدركسيون و انت سايق على سرعة او فى ملف او لو فيه هوا جامد على الطريق
ها فى نظرك تركيب esp لها سوف يحل مشكلة ثباتها؟
الاجابة بالطبع لأ و لكن سوف يقلل من حوادثها و اللى سايقها هيفضل طول عمره خايف و هو بيجرى

مش عارف قادر اوصل نقطتى و لا فشلت؟

المهم مقولتليش هتبيع الكورولا التعبانة على كام و انا شارى :) :)

ياباشا المفتاح اجيبهولك علي طبق من دهب
كفاية زوقك , بس انا فاهم اللي قصدك تقولة وليك حق كامل و الناس كلها انها تشكك في ثبات الكورولا لأنها كانت معايا من موديل 93 و عارف انها ضايعة جدا و انا فعلا كنت بخاف اجرى بيها حتى موديل 2011 و ده اللي مرسخ صورة الكورولا عند الناس بدون اعطال بس متجريش بيها عشان ثبات صفر وفعلا الكلام سليييم مليون في المية بس اللي انا حاسه دلوقتي حاجة تانية فعلا من حيث ثبات العربية انا شايفة مش بتاع كورولا خالص

**Mohamed.Hany** · 24-12-2013 05:28 PM

المشاركة الأصلية كتبت بواسطة k.ossama

لا معلش
الراجل عمل عليها شوية تقارير جامدة جدا.ً
ده انا حابيت الكورولا بسببه.
فأنا مش حاسمح انه يفرط فيها بعد كل ده.....
إنما لو مصمم يبيع أنا أولى بقى معلش
مش كده يا psycholain باشا ولا ايه.....؟

العربية ليها مفتاحيين
واحد لحضرتك والتاني لميجي بوي وظبطو انتو مع بعض .
شكرا يادكتور لزوقك

**Hany Saad** · 24-12-2013 05:33 PM

المشاركة الأصلية كتبت بواسطة psycholain

ياباشا المفتاح اجيبهولك علي طبق من دهب
كفاية زوقك , بس انا فاهم اللي قصدك تقولة وليك حق كامل و الناس كلها انها تشكك في ثبات الكورولا لأنها كانت معايا من موديل 93 و عارف انها ضايعة جدا و انا فعلا كنت بخاف اجرى بيها حتى موديل 2011 و ده اللي مرسخ صورة الكورولا عند الناس بدون اعطال بس متجريش بيها عشان ثبات صفر وفعلا الكلام سليييم مليون في المية بس اللي انا حاسه دلوقتي حاجة تانية فعلا من حيث ثبات العربية انا شايفة مش بتاع كورولا خالص

الله يخليك...ده بس من ذوقك
انا كمان حاسس ان فيه نقله نوعية فى العربية ككل
عمر كورولا ما كانت بتهتم بكل الكماليات و التفاصيل دى...و لا بأنظمة الامان الحديثة و لا بشكل ال interior
فيه طفرة جامدة ملموسة حصلة فى تويوتا للاحسن طبعا
وانا فعلا بقيت مشدود انى اجربها بنفسى و قريبا ان شاء الله هحاول اجربها
من كلام حضرتك عن العفشة الرياضية و الانخفاض كل الكلام ده له تأثير جيد على ثبات و تماسك العربية على السرعات
فعلا برافو كورولا عودتها لتنافس بقوة على هذه الفئة

-

الموضوع: مقارنه قوية بين تويوتا كورولا 2014 و رينو فلوانس 2014

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مقارنة بين هوينداي الينترا 2014 و تويوتا كورولا 2014

مقارنه قويه بين تويوتا كرولا 2014 و رينو فلوانس 2014

كورولا 2014-النترا 2014-لانسر شارك -فلوانس

فلوانس 2014 او تويوتا 2014

بيجو 308 sw 2014 أو رينو فلوانس 2014

الكلمات الدلالية لهذا الموضوع

المفضلات

المفضلات

ضوابط المشاركة