محتار بين فيات تمبرا وفورد اسكورت و اوبل فيكترا

**mahmoud salem** · 26-09-2013 03:15 PM

الف تحية وسلام على اعضاء احسن منتدى للسيارات
اخوكم جديد فى المنتدى ومحتاج رأيكم
انا ناوى اشترى عربية ودى حتكون اول عربية اركبها وبعد ما شوفت الاسعار على كونتاكت كارز لقيت ان انسب عربيات هى فيات تمبرا او فورد اسكورت او اوبل فيكترا 94 :96 علشان انا مش عاوز ازود عن 40 الف كحد اقصى وفى عربية انا بعشقها كنت ركبتها كتير هى فولفو 460 موديل 96 العربية دى ممتازة جداً وفيها اوبشن عالى جداً العربية 1600 سى سى وفيها abs و 4 ايرباج وثابتة جداً على السرعات العالية وواسعة جداً ومريحة فى السفر بس صاحبها كان تعبان جداً معاها بسبب كتر الاعطال والصيانة غير انها قليلة جداً فى مصر وفى كمان لانسر كريستالة عربية كويسة جداً وكل الناس بتمدحها بس سعرها مغالى فيه انا عايز العربية تكون واسعة ومريحة وثابتة والحقيقة انا مش ميال لمعظم العربيات الكورى اللى فى الرنج ده (هيوانداى اكسيل - اكسنت او دايو لانوس) واليابانى اسعاره اغلى الحقيقة انا محتار ومش عارف اخد قرار واتمنى انكم تساعدونى مع الاخذ فى الاعتبار موضوع توافر قطع الغيار والصيانة وفى انتظار تعليقاتكم.

**mahmoud salem** · 19-10-2013 12:20 PM

ايه يا جماعة مفيش حد عنده اى معلومات عن العربيات دى

**tameromarw** · 31-10-2013 10:58 AM

انا معرفش حاجه عن فورد اسكورت
وانا راكب تمبرا وقطع الغيار متوفره عادي جدا .. كان زمان ممكن في سمعه ان قطع الغيار قليلة لكن دلوقتي كل قطع الغيار متوفرة جديده واستيراد بالوكالة وعزبة شلبي وخصوصا لو حضرتك من القاهرة يبقي انسي قصة قطع الغيار .. والاسعار متوسطه اغلي شوية من 128
ومميزات العربية المنتديات مليانه كلام عن المميزات والعيوب
والمقارنه بالفكترا مش هقدر اقارن لاني مركبتش فكترا .. بس احس ان الفكترا بحكم انها الماني ممكن تكون افضل شوية بس خلي بالك ان الالماني قطع غياره غاليه
واكيد الخبراء هيفيدوك

**romioh3** · 30-11-2013 02:39 PM

أنا برده محتار نفس الحيرة وفي نفس الموقف
يا ريت الجماعة يفيدونا

**J A G U A R** · 30-11-2013 06:40 PM

والله انا شايف ان افضل اختيار لانوس كفايه انها مضمونه ومنتشره عن العربيات دى .. مجرد رأى

**Maghraby1987** · 30-11-2013 09:16 PM

المشاركة الأصلية كتبت بواسطة maghraby1987

اوبل فيكترا لو حالتها نضيفه حتريحك علي الاخر و قطع غيارها موجوده جديد و استيراد و اسعارها معقوله يعني غاليه اوي بس القطع عمرها طويل
بس اهرب منها لو فيها مشاكل

مش غاليه اوي
اسف علي الخطا في الكتابه

**speranz** · 30-11-2013 10:28 PM

لو عايز عربية تريحك ومتوجعش دماغك يبقا اللانوس
لو حابب اوربى عندك فيات سينا موديل احدث 2002 مثلا وباقل من كدا
وبردو مبتنطقش لانها معايا ومريحة دماغى او اختها البونتو غير كدا هيكون عربيات متبهدلة وهتتعبك معاها