مين قالك الكلام الغريب ده !؟
لو سوء إستخدام مكنش الشركة الام تغيرها فهى اكيد عيب تصنيع و منتشرة قوى فى ال hd
انا مظهرتش معايا خالص فى ال hd بس فى عربيتين زملاء فى الشغل ظهرت فيهم و احدة قبل الستين الف و اتغيرت اما التانيه ظاهره برضه بس بعدانتهاء الضمان
بالنسبة لل rb معلوماتى من جوة التوكيل انها مظهرتش فيها خالص الحكاية دى
و ربنا يستر على md ههههههههههههه
طيب محد يشرح لينا علبه الدريكسيون وايه تحديدا الجزء سبب المشكلة وهل يمكن تغييره لوحده ولا لازم العلبة الكاملة
:)
انا فعلا غيرتها بس على 140 الف كيلو و تمنها كان فى حدود 1200 (موبيس) .. يعنى أعتقد انه مش عيب قاتل ان قطعة بالسعر ده تتغير على 140 الف كيلو.
بالنسبة للسبب بصراحة مش عارف :)
بس كويس والله ان فيه منها موبس لان جودة الموبس والاصلى مفيش فرق
وفعلا موش يعيب العربية ( اى عربية ) فعلا بس عاوزين نعرف ليه خصوصا ان فيه عربيات ما بتكملش 30.000 واقل وبتبوظ فاكيد ده عيب تصنيع ولازم يشوفوا حل ويغيروها مجانا :)
ايه يا جماعة زعلانين انك غيرت علبة دريكسيون بعد 140 الف !!!!!!
انما اللي بيقول علىى 50 الف و 40 الف هو كده مشكلة
انا معايا md2012 وغيرت العلبه في الضمان على 10 الاف كلم ...ورجعت تاني تخبط اﻻن( 54 الف ) ومش عارف اروح تاني عشان اغيرها وﻻ هيستهبلو مع العلم المره اللي فاتت مفتحوش بقهم معايا الصراحه ......بس هي المشكله اني انقطعت عن الصيانات عند 30 الف وكنت بعملها بره التوكيل ..... مش عارف انا هروح وارمي جتتي عليهم وارخم قبل الستين الف
بس سبب البوظان من وجهة نظري ان العربيه تقيله والطرق زباله زباله بجد .
يا باشا هدى أعصابك بس محدش زعلان ولا حاجة .. انا الحمد لله راضى عن عربيتى جدا :) :M_yes[1]:
فعلا الموبيس هو الاصلى و الحمد لله انه موجود و موفر علينا حاجات كتير لانى ساعتها سألت على الاصلية لقيتها ب 4500 :hitwall3: