لانسر شارك هاي لاين فابريكة ماعدا رف و اكصدامين
- أوتوماتيك
- تكييف
- نظام ebd
- نظام abs
- فتحة سقف
- زجاج كهربائية
- وسائد هوائية
السعر المطلوب 98 الف نهائي
في انتظار الردود والنصائح .
عرض للطباعة
لانسر شارك هاي لاين فابريكة ماعدا رف و اكصدامين
- أوتوماتيك
- تكييف
- نظام ebd
- نظام abs
- فتحة سقف
- زجاج كهربائية
- وسائد هوائية
السعر المطلوب 98 الف نهائي
في انتظار الردود والنصائح .
اعتقد السعر كدة عالي شوية المفروض يعني تعمل من 90 ل 95
العداد و حاله الصالون و الكاوتش والبطاريات و صيانتها اخبارهم ايه
95 الف او اقل حاجه بسيطه
أنا شايف السعر كويس بالنسبة لهايلاين بس يكون العداد مش كتير...
الف شكر يا باشا وشكرا على دعاوتك الحلوة الى طالعة من القلب ربنا يوفقنا جميعا للخير
هو فعلا كل العربيات الى بشوفها 1500 بس هو قال 1600 بس يمكن غلطان
طيب بالنسبة لقطع الغيار سمعت انها غالية في اللانسر النوع ده خصوصا ايه راي حضرتكم وهل الصيانة لازم تبقى في التوكيل بس ولا فيه ناس بتفهم فيها كويس
العفو ياباشا
معتقدش ان فيه موديل 2008 1600 لأن 1500 من ايام التوكيل القديم المصريه اما 1600 ابتدي ينزلها التوكيل الجديد دايموند كعربيه تنزل لتنافس عربيات اخري ولتحسين العيوب التي اشيعت في الموديل القديم في انها البودي والشاسيه تقيل علي الماتور وان العربيه تقيله في السحب والتسارع وده مش صحيح علي فكره
قطع الغيار اغلي شويه من البومه لكن مش بفرق كبير زي الناس مامتصوره لكن في مقابل ده انها معمره بس يفضل لو تشتريها اصليه من التوكيل ولو عايز تركبها عند حد متخصص في المتسوبيشي مفيش مشكله اذا كانت العربيه خارج الضمان اما لو العربيه في الضمان يفضل التوكيل علشان العربيه ماتطلعش من الضمان اما اذا مكنش فارق معاك موضوع الضمان ولوي الدراع بتاع التوكيل في انك لو عملت اي حاجه بره التوكيل الحاجه اللي عملتها تخرج من الضمان فاممكن تعملها بره عند متخصصون في المتسوبيشي وربنا يوفقك للعربيه دية لأنها بسم الله ماشاء الله عليها
اممممممم لا معرفش لسه بكرة ان شاء الله اجيب سمكري ولا واشوفها عن محطة بس وانا مستني ردك قريت اعلانين
السعر95
1500 سى سى |92,000 كم
لانسر قرش فابريكه دواخل رشه حزام نظافه السياره هاى لاين فتحه سقف بصمه جنط16 كاوتش جديد اللون ابيض والسعر قابل للتفاوض البسيط
- ناقل أوتوماتيك
- تكييف
- سنتر لوك
- باور ستيرنج
- 4 باب
- نظام EBD
- نظام ABS
- فتحة سقف
- زجاج كهربائية
- وسادة هوائية
----
السعر 95
62,000 كم قرش فبريكا بالداخل بها مرمات بسيطه بالخارج كاملة 2مفتاح بصمه اعلى فئة فتحة سقف abs 2 airbad تكيف تاتش اسبويلر عتب فرش جلد فوجات كاست اصلى اسطوانات زجاج فاميه فبريكا 5 جنوط اصلى كاوتش جديد وبطاريه جديده وصيانه كاملة سيور وتيل وزيت وفلاتر وغيرهاوالتفاوض بسيط بعد المعاينه و المعاينه مدينة نصر او العبور
- ناقل أوتوماتيك
- تكييف
- سنتر لوك
- باور ستيرنج
- 4 باب
- نظام EBD
- نظام ABS
- فتحة سقف
- زجاج كهربائية
- وسادة هوائية
شوف التانيه واعرف ايه المرمات البسيطه لأن اللي انت بتكلم عليها شاكك انها عامله حادثه بعد موضوع الأكصدام والرفرف اللي متصلح اللي قولت عليه انا كنت فاكر انها مش رشه حتي نضافه علشان كده قولتلك ان 98 معقول يعني قريب من 95 الف لو بالنظام اللي وصفته فخليك في التانيه حلوه في السعر والمواصافات والعداد وربنا يوفقك لكل خير
الله يخليك يا باشا لاهي على كلامة فبريكا معادا الرف و الاكصدام انا قولت يمكن مخدتش بالك فقولت اوضحها وهو سعرها عالى كمان على الى قدامي بس بالنسبة للموديلات هاي لاين كلها بتنزل فيها حساسات خلفية ولا لا
حتكون زي ايه المرمات البسيطة دية يعني فكرك وامتي ما تبقاش بسيطة ؟
هى الموديلات دية مفيش منها فابريكة برة وجوة ليه ؟
فعلا انا مخدتش بالي لأ كده يبقي كتير عليها 98 الف
المرمات البسيطه خبطه في الأكصدام دخلته لجوه بس ماكسرتهوش
خبطه او نقره صغيره في الباب او الجنب تترد بسهوله علي البارد شوية تجاريح وخرابيش خفيفه تروح بالتلميع وهكذا اما الحاجات القويه هي اللي اتخبطت وطبقت جامد وماكنش ينفع معاها الا انها تترد علي السخن ودية السمكري اللي يكتشفه
الحساسات الخلفيه اللي هي السينسور بارك
لو هي فالموديلات دية منزلش سينسور بارك فيها ولا حتي الموديلات الجديده
ما كلهم بيقولوا مرمات وتروح تلاقي مش نقرة بلاعه هههههه ربنا يسهل بقه
اه انا قصدي السينسور بارك مهو السينسور بالعربي الحساسات والبارك الركن وغالبا بنركن بظهرنا فبتبقى حساسات خلفية وفيه سعات حساسات امامية بس الى فهمتوا من كلام حضرتك ان الموديلات دية ما بينزلش فيها سنسور بارك يبقى هو مركبها بقة مش الفبريكة هى بتتركب بكام لو عندك خلفية ؟
هههههههه فعلا علي رأيك انا موضوع تدويري علي عربيه شارك مستعمله هاي لاين خد مني وقت ومجهود وفلوس وشفت حاجات بيتقال عليها فبريكه ويطلع صندوق الزباله انضف منها وفي الأخر قررت اشتري زيرو اضمن
السينسور بارك من 180الي 250 جنيه
اللي مركبها ب200 عند ادريان ونوعه ادريان
وبتاع ادريان بيجي كام حساس 2 ولا اربعة معاه وفين مكانه معلش طولت عليك
فعلا اريح تشتري جديد لو الكاشات مساعدة انا كنت حشتري بي واي دي 2014 بس نصحوني بالياباني قولولي لو فاتك الياباني مش حيرجع تاني لحد ما حجيلى شلل هيروشيما مش لاقي حاجة نضيفة وبسعر معقول ده غير الهاي لاين بتاع لانسر شارك غالي جدا انا سالت التوكيل قالى مفيش عندة غير عربية وحدة وموديل 2013 ب 136 الف جنية كمان الناس دية بتهزر مش كدة .
مش عارف الكلام مطلعش ليه عموما
هى الفئة الاولي موديل 2013 سعرها 136 الف جنية كل التوكيلات بتحاول تتخلص من العربيات الى عندها وده ماسك فى السعر بيبعها اكنها موديل 2014 ويظهر كدة والله اعلم ان الموديل الجديد حيبقى شكل مختلف تماما عن القديم لان سمعت اشاعات انها حتزل فى شهر نوفمبر او تقدر تستشف ان التوكيل عندة استوك كبير من 2013 وبيحاول يصرفة علشان ما يخصرش كتير.
لا محصلتش حتى الفئة التانية . بس شكلها زي ما هو متغيرش من موقع ماتسوبيشي الرسمي
Overview of the 2014 Lancer Sedan / 2014 sedans / Mitsubishi Motors
يظهر التوكيل مزنوق في 2013
غير صحيح... شارك 2014 هتكون نفس الشكل الحالي... وعموما ميتسوبيشي بطيئة شوية في تعديل الشكل مش زي الكوري اللي بقى يغير كل 3 سنين...
اللي اعرفه ان الـCEO بتاعهم كان قال ان الشكل الجديد (في الاغلب على 2015 انشاء الله) ربما يكون اصغر حجما نسبيا من الشارك الحالية... وبيتهيألي ممكن ياخدوا شكلها من الـEclipse مثلا ولا حاجة ويطوروا فيها شوية...
وفي العموم عربيات ميتسوبيشي بتتجه دايما للشكل والاداء الرياضي... فأنا شخصيا حاسس انهم هيعملوا حاجة تفاجئنا انشاء الله وهتكون مختلفة تماما... زي ما كانت الشارك ثورة على البومة وطفرة في الأداء والشكل بالنسبة لها...
بالنسبة لصاحب الموضوع... انا مش شايف ان الـ136000 كتير... دي شارك برضه يعني... مفيش عربية ياباني وتقفيل ياباني وبالوسع ده والثبات ده وبالشكل ده وتلاقيها رخيصة كده... مع الاعتراف طبعا ان الفئة الأولى فاضية تماما من الأوبشنز!! بس برضه الـ136 ميجيبوش اي حاجة احسن منها...
شعر معقول و ممكن توصل ل 95 بس لو ماوفقش خدها برضه دس ال 1600
طبعا اشكرك بعنف على ردك ومتفقك معاك ان مفيش تغير في الشكل على حسب الى شوفتوا في الموقع الرسمي واكيد ماتسوبيشي بتحب تعمل الاشكال الرياضية
بالنسبة للسعر 136 بمفهومي انا ويمكن حد يشترك معايا في نفس الراي ان احنا دلوقتي في في اخر 2013 يعني كل الموديلات 2014 نازلة والي عندة مخزون 2013 منها بيحاول يتخلص منها على الاقل علشان يجيب راس المال ويبتدى يجيب الموديلات الجديدة فعلى الاساس دة بتكلم ان السعر عالي على الفئة الاولى وزي ما تفضلت حضرتك وقولت انها بتبقى فاضية .
تحياتي
والله يا ميدو باشا طلعت وجهت نظرك سليمة جدا من حيث السعر فعلا شوفت عربيات متوسط السعرر ب 95 2008 بس للاسف مش لاقي حاجة فبريقة برة وجوة كلها راشة مش عارف لية مع ان 2008 بقالها تقريبا خمس سنين .
بالنسبة لسعر اعادة البيع انا اتصلت بواحد كان عرضها على 105 وباعها ب 100 ومكملتش 11 يوم والي لاحظتوا انها مرغوبة خصوصا الهاي لاين قد اتفق معاك ان الفئة الاولى او التانية اتقل شوية في البيع لكن هى عربية جميلة و نادرة تلاقيها بتتباع قد تكون ميزة لانها عربية جميلة وبصراحة ركوبة وعن نفسي مش بفكر في البيع انا عايز اشتري عربية حلوة وفخمة وبسعر 90-100 وفكرت في الفيرنا بس لاقيتها ضيقة و واطية عن الارض والرينوا لوجان معجبنيش تقفيلها نهائي ونصيحة من احد الاخوة الاعضاء قالى دور على حاجة ياباني مستعملة نضيفة معجبتنش البوما صراحة مع انها ياباني شكها غلط فعلا بومة هههه وديقة.
والعربية مطلعتش نضيفة اوي و معجبتنيش عاملة حادثة في الرف الامامي وراشش اكصداميين .
بس انت لافت نظري ان فيه منها 1600 الكلام ده صحيح
اتفرجت على العربيه اللى لونها ابيض اللى راشه اكصدام ورفرف ؟؟؟
حالتها ايه ؟ اصل انا كنت المفروض هروح اتفرج عليها بكرة فى القاهرة
حد يا جماعة راح اتفرج عليها , اللي هيا لونها ابيض وب 95 الف يا ريت نشارك بعض
معلشى يا جماعة انا اسف جدا بعد أذن صاحب الموضوع سؤال كده العربية ده احسن ولا رينو ميجان يعنى من حيث الثبات والموضوع ده مهم جدا بالنسبة لى والتكييف والفتيس والاعطال احسن انا معايا 90 الف ودايخ والله بقالى شهور مش عارف اعمل ايه واسف مرة اخرى لتتطفلى على صاحب الموضوع