عاوز اشتري عربيه ب45.000 واول مره اسوق

**MohamedTag** · 27-09-2013 04:44 AM

انا معايا 45 الف وعاوز اشتري عربيه محتاج حد يقولي اجيب ايه وايه المناسب في السعر ده
انا عمري مسوقت عربيه قبل كده فدي هتكون الاولي
مش عاوز دايو لانوس لاني كرهتها كل منسافر بيها للكليه تعطل
يا ريت تقولولي المبلغ ده يجيب ايه مش محتاج مصاريف كتير

وطلب كمان انا من اسماعيليه والعربيات عندنا غاليه جدااااا ومتستحقش المبلغ اللي هيدفع فيها وكلو بيحسسني انه بيبيع بي ام فياريت اللي يعرف معارض في بورسعيد او اي مكان قريب من اسماعيليه يقولي ويكونو بيبيعو بسعر السوق

يا ريت محدش ينفض للموضوع انا عارف انكم احلي منتدي للسيارات وكل اللي فيه ناس خبره وعارفه الدنيا ماشيه ازاي

**momo100010** · 27-09-2013 12:10 PM

وجهة نظري الشخصية انت محتاج عربية
قطع غيارها رخيصة ودا لسببين
1- لانك وانت بتتعلم عليها اكيد هيبوظ فيها حاجات
2- ان حضرتك لسه مبتدئ ومش هتعرف تلف على قطع غيار
دا بيرتبط انت عاوز عربية هاتش باك و سيدان
لو سيدان
فيرنا
اكسنت
لانوس
لو هاتش
ابيزا
اسبيرانزا 113
وطبعا رأي السادة الخبراء هيبقى اعم
ملحوظة :
اللون الاحمر للادارة فقط :)
وشــــــــــــــــكــــــ ــــــــــــــــرا

**MohamedTag** · 27-09-2013 11:58 PM

شكرا يا مومو بس انا عاوز سيدان فيرنا او اكسنت هيناسبني موديل كام بالسعر ده والفيرنا انا ركبتها ولما السواق بيكون سريع واي مطب صغير بيدوس عليه بنطير بالعربيه بحس كاني راكب مرجيحه مش عربيه
الاكسنت انا عاوز 1500 سي سي زي اللي معاك هل الفلوس هتكفي؟ ولا محتاج ازود

واللون الاحمر ده للجميع المحترمين اللي زيك اللي يقدرو يفيدو الناس انا خايف يتنصب عليا فقولت استفسر عن سعر العربيات هنا قبل مشتري واخد فكره بدل مانا بطيخه ومش فاهم اي حاجه

**aboomar22** · 28-09-2013 12:14 AM

ممكن تشوف نوبيرا 1 فابيريكة جميع الكماليات وحالة ممتازة صديقى لسه جايب واحدة فابريكة بالكامل وجميع الكماليات تعمل وحالة ممتازة كانت معاقين وفكت حظر ب 43