عاوز اشتري عربيه ب45.000 واول مره اسوق

انا معايا 45 الف وعاوز اشتري عربيه محتاج حد يقولي اجيب ايه وايه المناسب في السعر ده
انا عمري مسوقت عربيه قبل كده فدي هتكون الاولي
مش عاوز دايو لانوس لاني كرهتها كل منسافر بيها للكليه تعطل
يا ريت تقولولي المبلغ ده يجيب ايه مش محتاج مصاريف كتير

وطلب كمان انا من اسماعيليه والعربيات عندنا غاليه جدااااا ومتستحقش المبلغ اللي هيدفع فيها وكلو بيحسسني انه بيبيع بي ام فياريت اللي يعرف معارض في بورسعيد او اي مكان قريب من اسماعيليه يقولي ويكونو بيبيعو بسعر السوق

يا ريت محدش ينفض للموضوع انا عارف انكم احلي منتدي للسيارات وكل اللي فيه ناس خبره وعارفه الدنيا ماشيه ازاي :openflower3:

ما كل العربيات بتعطل لو مافيش اى اهتمام بيها انت لو معاك زيرو واهملتها برده هتبهدلك مواقف من دى
عامة انت ممكن تجيب نوبيرا 1 او اكسنت2001 او بولو 2001 وكيا شوما 2000 وفيكترا 95 نضيفة وسيفيك 92 بيجو 206 2000 وكيا سيفيا 99 و كورولا عيون فل اوبشن وميجان 2001 ودايو جوليت اللى هى لانوس هاتش باك

طيب شكرا ممكن تقولي ايه الاحسن
انا بسافر كل اسبوع 70 كيلو رايح جاي انهي واحده هتستحمل السفر وهل كلهم رنج 45 الف ؟ هجيبهم مش هيحتاجو مصاريف
ميجان
اكسنت
كورولا عيون

لانشيا ديدرا او تمبرا ( ايطالي )او بيجو 405 ( فرنساوي ) او اوبل فيكترا ( الماني ) هيدوك اللي انت عايزه وزيادة وابعد عن الكوري خالص

اقتباس:

---

المشاركة الأصلية كتبت بواسطة besso33

لانشيا ديدرا او تمبرا ( ايطالي )او بيجو 405 ( فرنساوي ) او اوبل فيكترا ( الماني ) هيدوك اللي انت عايزه وزيادة وابعد عن الكوري خالص

---

شكرا علي المعلومات بالنسبه لاوبل فيكترا الماني هتكون موديل كام ؟

انت عندك عربيات كتير بس المهم انت عاوز ايه من العربية يعني احتياجاتك عربية عائلية ولا مش فارقة عاوزها سيدان ولا هاتشباك بتحب الجري ولا مش فارق. مكان اقامتك لأن ده هيحدد مدي توفر قطع الغيار والصيانة. بتحب المغامرة ولا تقليدي يعني ممكن تجيب عربية مش منتشرة بس حلوة وتتحمل صيانتها ولا لازم تكون منتشرة جدا.
حدد احتياجاتك وطبيعة استخدامك.

اقتباس:

---

المشاركة الأصلية كتبت بواسطة ayman_amer

انت عندك عربيات كتير بس المهم انت عاوز ايه من العربية يعني احتياجاتك عربية عائلية ولا مش فارقة عاوزها سيدان ولا هاتشباك بتحب الجري ولا مش فارق. مكان اقامتك لأن ده هيحدد مدي توفر قطع الغيار والصيانة. بتحب المغامرة ولا تقليدي يعني ممكن تجيب عربية مش منتشرة بس حلوة وتتحمل صيانتها ولا لازم تكون منتشرة جدا.
حدد احتياجاتك وطبيعة استخدامك.

---

انا عاوزها شبابي علي عائلي وبتجري وتكون سيدان واقامتي اسماعيليه والعربيه لازم تكون منتشره واستخدامي هتكون هروح للشغل وللكليه واسافر بيها كل اسبوع مره وعاوز شكلها حلو
يا ريت تقولي ايه انسب حاجه ليا

الافضل ف الفئة السعرية دي هي الكيا شوما او كيا سيفيا خليك فيها احسن من الدايو والاوبل طبعا افضل بس موديلات قديمة وسعر غالي وقطع غيار غاليه بس بتعيش جدا جدا

اقتباس:

---

المشاركة الأصلية كتبت بواسطة mohamedtag

شكرا علي المعلومات بالنسبه لاوبل فيكترا الماني هتكون موديل كام ؟

---

هتكون موديل 96 بس الشكل الجديد وفيه منها المانيوال 1600 او الاتوماتيك 2000 سي سي

اقتباس:

---

المشاركة الأصلية كتبت بواسطة mhopa2440

الافضل ف الفئة السعرية دي هي الكيا شوما او كيا سيفيا خليك فيها احسن من الدايو والاوبل طبعا افضل بس موديلات قديمة وسعر غالي وقطع غيار غاليه بس بتعيش جدا جدا

---

لا بلاش طالما قطع غيار غاليه عاوز اجيب حاجه تريحني بدل مانا باجر عربيه كل شويه لما بسافر

كيا سيفيا او دايو نوبيرا

عندي لانسر كريستالة 99 بدون اي مصاريف اطلاقا عربية ممتازة
متسعرة ب 50 الف م الاستاذ شريف وهبة ف المنتدى...
انا كنت عارضها ب 51 الف ... بس ممكن اريحك ف السعر...
01003088845
الدكتور خالد

فيرنا حديث
او كورولا عيون

مدام ملكش في السواقة واول مرة تركب عربية .... انت عاوز عربية قطع غيار متوفرة ورخيصة وعند البقال واى حد يفهم فيها ويوم ما تقول يا بيع تلاقي الف مين يقولك هشتري ... انسى فكرتك عن اللانوس المهببة اللى كنت بتسافر بيها دي وملكش غير اللانوس أو الاكسنت أو النوبيرا ... ابعد عن الالماني مش عشان وحش لاسمح الله ... بس قطع غيار غالية وهتلف عليها ومش اى حد بيفهم فيهم ... اللانوس انت بعد سواقتها لمده 3 شهور هتفهم فيها كل حاجة والعيب اللى هيحصل هتعرف تشخصه لوحدك من غير ماحد يفتي ويعمل عليك شغل ... وفي الاخر القرار ليك